မလေးရှားဝန်ကြီးချုပ် ခြစားသည်ဟူသော ပြဿနာ အဆုံးမသတ်သေး

ဖေဖော်ဝါရီ ၂၄၊ ၂၀၁၆
M-Media

– ဆော်ဒီတော်ဝင်မိသားစုက မလေးရှားဝန်ကြီးချုပ် နာဂျစ် ရာဇတ်ကို ကန်ဒေါ်လာ ၆၈၁ သန်း လက်ဆောင်ပေးအပ်ခဲ့သည်ဟူသော ကိစ္စအား သုံးသပ်ရန်နှင့် ဆက်လက်စစ်ဆေးရန်အတွက် စုံစမ်းစစ်ဆေးမှု စာရွက်စာတမ်းများကို ပြန်လည်တင်သွင်းရန် လုပ်ငန်းပိုင်းသုံးသပ်မှုအဖွဲ့ ORP က မလေးရှား ခြစားမှုတိုက်ဖျက်ရေး ကော်မရှင် MACC ကို အကြံပြုခဲ့သည်ဟု သိရသည်။

ဆော်ဒီက ထိုကဲ့သို့ လှူဒါန်းမှူနှင့် မလေးရှားနိုင်ငံပိုင်လုပ်ငန်း 1MDB ၏ မိတ်ဖက်အဖွဲ့ဖြစ်သော SRC International က နာဂျစ်၏ ဘဏ်စာရင်းထဲသို့ ကန်ဒေါ်လာ ၉.၉ သန်း ငွေသား ထည့်ပေးမှုနှင့်ပတ်သက်၍ ပြီးခဲ့သည့်နှစ်ကတည်းက ကောလဟာလများ ထွက်ပေါ်လာခဲ့ပြီးနောက် MACC က စုံစမ်စစ်ဆေးမှုများ ပြုလုပ်ခဲ့သည်။ 1MDB လုပ်ငန်း၏ အကြံပေးဘုတ်အဖွဲ့တွင် နာဂျစ်မှာ ဥက္ကဌအဖြစ် တာဝန်ယူထားသူဖြစ်သည်။

ထို့နောက် MACC က ထုတ်ပြန်ခဲ့သည့် အစီရင်ခံစာအရ ၀န်ကြီးချုပ်မှာ မည်သည့် မှားယွင်းမှုမှ ပြုလုပ်ခြင်းမရှိဟု ရှေ့နေချုပ် အာပန်ဒီ အလီက ဆုံးဖြတ်ခဲ့ကာ အမှုကိုလည်း တစ်ပါတည်း ပိတ်ပစ်ခဲ့သည်။

သို့သော်လည်း MACC ၏ လုပ်ငန်းများကို သုံးသပ်ဆုံးဖြတ်သည့် ORP က အဆိုပါ စုံစမ်စစ်ဆေးမှု မှတ်တမ်းများကို ပြန်လည်တင်သွင်းရန်နှင့် ပြန်လည်စစ်ဆေးရန် ယခုကဲ့သို့ အကြံပြုခဲ့ခြင်းကြောင့် ရှေ့နေချုပ်၏ ဆုံးဖြတ်မှုအပေါ် သံသယပွားစရာ ဖြစ်လာခဲ့သည်။

ORP မှာ ထိုငွေကြေးများနှင့်ပတ်သက်၍ စုံစမ်းစစ်ဆေးမှု အစိတ်အပိုင်းအဖြစ် နိုင်ငံတကာ ဘဏ္ဍာရေး အသင်းအဖွဲ့များမှ အထောက်အထားများ၊ စာရွက်စာတမ်းများ ရယူထားရာတွင် ရှေ့နေချုပ်၏ ကူညီမှုများကိုလည်း ထပ်မံစုံစမ်းရန် အကြံပြုခဲ့သည်။

Ref: Channelnewsasia