အိန္ဒိယပြည်နယ်တစ်ခုတွင် နွားပေါ်သူများကို တစ်သက်တစ်ကျွန်းချရန် ဆုံးဖြတ်

ဧပြီ ၁၊ ၂၀၁၇
M-Media

– အိန္ဒိယ၀န်ကြီးချုပ် နရန်ဒရာမိုဒီ၏ ဇာတိပြည်နယ် ဂူဂျာရတ်တွင် နွားပေါ်မှုအတွက် ထောင်ဒဏ်ကို ၇ နှစ်မှ တစ်သက်တစ်ကျွန်းအထိ ယမန်နေ့တွင် တိုးမြှင့်လိုက်ပြီး မြင့်မြတ်သော သတ္တ၀ါအတွက် ကာကွယ်မှုကို ပိုမိုတင်းကြပ်စွာ ဆောင်ရွက်ရန် ဟိန္ဒူ သဘောထားတင်းမာသူများ၏ တွန်းအားပေးမှု ရလဒ်တစ်ခုလည်းဖြစ်သသည်။

ဂူဂျာရတ်ပြည်နယ်လွှတ်တော်က အဆိုပါ ပြစ်ဒဏ်တိုးမြှင့်မှု ဥပဒေကြမ်းကို အတည်ပြုလိုက်ခြင်းဖြစ်ပြီး နွားပေါ်ရန်အတွက် ပို့ဆောင်ပေးသူမှာ ထောင်ဒဏ် ၁၀ နှစ်အထိ ကျခံရမည်ဖြစ်သည်။

ဟိန္ဒူလူများစုရှိရာ အိန္ဒိယနိုင်ငံတွင် နွားကို အထွဋ်အမြတ်ထားရာ သတ္တ၀ါအဖြစ် မှတ်ယူကြပြီး ပြည်နယ်အများစုတွင် နွားပေါ်ခြင်းမှာ တရားမ၀င်ဟု သတ်မှတ်ထားသည်။

“နွားဆိုတာ တိရစ္ဆာန်မဟုတ်ပါဘူး။ ဒါဟာ စကြာဝဠာလုံးဆိုင်ရာ အသက်ရဲ့ ပြယုဂ်ပါ။ နွားကို အလွတ်မပေးသူကို၊ အစိုးရကလည်း အလွတ်ပေးမှာမဟုတ်ပါဘူး” ဟု ဂူဂျာရတ် ဥပဒေရေးရာဝန်ကြီး ပရာဒစ်ပ်ဆင်း ဂျာဒီဂျာက လွှတ်တော်အစည်းအဝေးတွင် ပြောကြားခဲ့သည်။

ထိုမူကြမ်း ဥပဒေဖြစ်လာရန်အတွက် ပြည်နယ်အုပ်ချုပ်ရေးမှူး၏ ခွင့်ပြုချက်လိုသော်လည်း လွှတ်တော်မှ ဆုံးဖြတ်ပြီးပါက အတည်ဖြစ်ရန် လုံးဝ သေချာသွားပြီဖြစ်သည်။

မွတ်စလင်၊ ခရစ်ယာန်နှင့် ဇာတ်နိမ့်ဟိန္ဒူများအပါအ၀င် အိန္ဒိယရှိ သန်းပေါင်းများစွာသော လူနည်းစုများမှာ အမဲသားကို အဟာရအဖြစ် စားသုံးကြသည်။

သို့သော် မိုဒီ၏ လက်ယာစွန်းရောက် BJP ပါတီမှာ နွားများကို ကာကွယ်ရေးအတွက် ယခင်ကတည်းက လှုံ့ဆော်မှုများ ပြုလုပ်ခဲ့သည်။

အူတာပရာဒက်ရ်ှပြည်နယ် အုပ်ချုပ်ရေးမှူး ယိုဂီ အဒစ်ယန်နသ်မှာ မတ်လက အာဏာရပြီးနောက်ပိုင်း သားသတ်ရုံများကို ပြင်းပြင်းထန်ထန် နှိမ်နင်းသောကြောင့် ပြည်နယ်၏ အသားလုပ်ငန်းမှာ ရပ်တန့်သွားခဲ့သည်။

Ref: Aljazeera