နှစ် ၂၀ ကြာမှ အိမ်ပြန်ရောက်လာသည့် ၀က်၀ံလေးကို တရုတ်ပြည်သူများ ကြိုဆို

ဧပြီ ၂၉၊ ၂၀၂၃

M-Media 

• 

• 

-ဆယ်စုနှစ် ၂ ခုကြာ အမေရိကန်မှာ နေထိုင်ခဲ့ရပြီးနောက် အိမ်ပြန်ရောက်လာတဲ့ ၀က်၀ံလေးကို တရုတ်ပြည်သူတွေက ဆိုရှယ်မီဒီယာမှာ သောင်းသောင်းဖျဖျ ကြိုဆိုခဲ့ပါတယ်။ 

‘ယာယာ’ လို့ အမည်ပေးထားတဲ့ အဲဒီ၀က်၀ံဟာ ကြာသာပတေးနေ့က ရှန်ဟိုင်းမြို့ကို လေယာဥ်နဲ့ ရောက်လာတာပါ။ 

တရုတ်ဟာ ကမ္ဘာ့နိုင်ငံတွေအကြား သံတမန်ဆက်ဆံရေး ပိုမိုကောင်းမွန်စေဖို့အတွက် ရှားပါးတိရစ္ဆာန်တွေ အခြားတိုင်းပြည်ကို ငှားရမ်းတဲ့ မူ၀ါဒတစ်ခု ချမှတ်ထားပါတယ်။ ဒီမူ၀ါဒကို ‘၀က်၀ံ သံခင်းတမံခင်း’ လို့ အမည်ပေးထားပါတယ်။ 

ဒီမူ၀ါဒအရ အမေရိကန်ပြည်ထောင်စု မန်ဖစ် တိရစ္ဆာန်ရုံကို ၂၀၀၃ ခုနှစ်မှာ လီလီနဲ့ ယာယာလို့ခေါ်တဲ့ ၀က်၀ံနှစ်ကောင် ပေးပို့ခဲ့ပါတယ်။ ၀က်၀ံတွေထားဖို့ နေရာကို မန်ဖစ်တိရိစ္ဆာန်ရုံက ကန်ဒေါ်လာ ၁၆ သန်း အကုန်အကျခံ ဆောက်လုပ်ခဲ့ရတာ ဖြစ်ပါတယ်။ 

တိရိစ္ဆာန်ရုံရဲ့စောင့်ရှောက်မှု အားနည်းတာကြောင့် လီလီဟာ အခုနှစ် ဖေဖော်၀ါရီလမှာ နှလုံးရောဂါနဲ့ သေဆုံးခဲ့ပြီး၊ ကျန်းမာရေးမကောင်းတဲ့ ယာယာရဲ့ ဓာတ်ပုံလည်း ပေါ်ထွက်လာပါတယ်။ 

အဲဒီနောက်ပိုင်း ယာယာကို ပြန်ခေါ်ဖို့ တရုတ်အစိုးရက စီစဥ်ခဲ့တာပါ။ ယာယာနဲ့အတူ လီလီရဲ့ရုပ်အလောင်းလည်း အမေရိကန်အစိုးရက ပြန်ပို့ပေးခဲ့ပါတယ်။ 

ယာယာကို ရက်ပေါင်း ၃၀ ကွာရန်တင်း ထားရှိမှာဖြစ်ပြီး အဲဒီနောက်ပိုင်း ဘေဂျင်း တိရစ္ဆာန်ရုံကို ပို့ဆောင်သွားမှာ ဖြစ်ပါတယ်။ 

တရုတ်အစိုးရဟာ ကမ္ဘာတစ်၀ှမ်း ပန်ဒါ၀က်၀ံ အကောင် ၆၀ လောက် ငှားရမ်းထားပါတယ်။ 

Ref: Reuters