နိုဝင်ဘာ ၁၁ ၊ ၂၀၁၆
M-Media
မောင်သာ.K ရေးသည်။
Illustration Credit- SirThawDoe
၂၀၁၆ ခုနှစ် ဇွန်လ၊ ၂၇ ရက်နေ့က အင်မတန်ဝမ်းမြောက်စရာ သတင်းတစ်ပုဒ် ဖတ်လိုက်ရသည်။ `အမြစ်တွယ်နေသည့် ကျူရှင်စနစ်ကို အစိုးရသစ် ပြောင်းလဲမည်ဟုဆို´ ဟူသည့်သတင်း။ 7days daily ပါ သတင်းဖြစ်သည်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထိုင်းနိုင်ငံရောက် မြန်မာဆရာ၊ ဆရာမများ၊ ကျောင်းသူ၊ ကျောင်းသားများနှင့် တွေ့ဆုံစဉ် ကျူရှင်ကိစ္စနှင့်ပတ်သက်၍ ပြောကြားလိုက်မှုများကို ဖော်ပြထားသည်။
‘‘အခုခေတ်က ကျူရှင်ဆိုတာကြီးကို ထမင်းစားရေသောက်လိုဖြစ်နေပြီ။ တော်တော်ကို ပြောင်းယူရမယ်။ နံပါတ်တစ်ကတော့ ကျူရှင်ပေးရတဲ့အကြောင်းရင်းကတော့ ဆရာ၊ ဆရာမတွေ လစာပြည့်ပြည့်ဝဝမရလို့၊ ဒီကိစ္စကို ပြောင်းရမယ်’’
မြန်မာနိုင်ငံတွင် အမြစ်တွယ်နေသည့် ကျူရှင် စနစ်ကို အစိုးရသစ်က ပြောင်းလဲမည်ဖြစ်ပြီး ရေးဆွဲထားသောဥပဒေများ အကျိုးသက်ရောက်မှု မရှိပါက တရားစွဲဆိုနိုင်ကြောင်း၊ တစ်ချိန်က မြန်မာနိုင်ငံ၏ ပညာရေးစနစ်တွင် ကျူရှင်ပေးခြင်းများမရှိခဲ့ဘဲ ကျူရှင်ယူသူများသည် အင်မတန်မှ ညံ့ဖျင်းသူများဖြစ်ပြီး ရှက်စရာအလွန်ကောင်းကြောင်း၊ ကျူရှင်စနစ် ပပျောက်ရန် ရည်ရွယ်ချက်ဖြင့် ဆရာ၊ ဆရာမများအား လစာတိုးမြှင့်မှုများပြုလုပ်ခဲ့သော်လည်း ကြားမှဖြတ်တောက်မှုများရှိနေ၍ အစိုးရသစ်လက်ထက်၌ ဆရာ၊ ဆရာမများ လစာပြည့်ပြည့်ဝဝ ရရှိစေရန် ပထမအဆင့်အနေဖြင့် ဘဏ်အကောင့်မှတစ်ဆင့် လွှဲထည့်ပေးသည့်စနစ်ကို စတင်ကျင့်သုံးမည်ဖြစ်ကြောင်း…စသည်တို့
အိမ်၊ ကျောင်း၊ ကျူရှင်..အိမ်၊ ကျောင်း..စသည်ဖြင့် လုံးချာလည်နေသော မြန်မာ့ အခြေခံပညာကျောင်းသူကျောင်းသားတို့၏ ဘဝမှာ အားကစား..မရှိ၊ ကိုယ်ခန္ဓာ ကျန်းမာကြံ့ခိုင် သန့်ရှင်းမှု..ချို့တဲ့၊ စာကြည့်တိုက်..ရှေ့ကပင် ဖြတ်မလျှောက်၊ အထွေထွေ ဗဟုသုတ နတ္ထိဖြင့် တစ်နှစ် တစ်တန်းအောင်နေကြရသည်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကတော့ ကျူရှင်ယူသူများကို အင်မတန် ညံ့ဖျင်းသူတဲ့၊ မှန်လိုက်လေ..ယနေ့ကျောင်းတွင် သင်ကြားလိုက်သည့် စာများကို နေ့ပင်မကူး ကျူရှင်တွင်တစ်ခါ ပြန်လည် သင်ကြားခြင်း ဖြစ်နေသည်ကိုး။ ရှင်မဟာရဋ္ဌသာရ၏ `ဖတ်ပြန်သော်ကား၊ ဖတ်ဖန်များက..´ ဟူသော ဆုံးမစာကို `သင်ပြန်သော်ကား၊ သင်ဖန်များက..´ ဟူ၍ ပြောင်းလိုက်ပုံရပါသည်။ ကျောင်းတွင် စေတနာ၊ ဝါသနာ၊ အနစ်နာ ဟူသည့် နာသုံးနာဖြင့် စနစ်တကျ ဘက်လိုက်မှုမရှိဘဲ သင်ကြားခဲ့ခြင်းမှန်လျှင် ကျူရှင်တွင်တစ်ခါ ပြန်၍အဘယ်ကြောင့် သင်ရသနည်း။
လစာ မလုံလောက်၍ဆိုတိုင်း ကျောင်းသူကျောင်းသားများ၏ ကိုယ်ပိုင်အချိန်ကို သင်ပြီးစာများ ထပ်သင်၍ ဖဲ့ယူပိုင်ခွင့်ရှိပါသလား။ ဆရာ၊ ဆရာမများလည်း အိမ်ပြန် နားချင်ပါမည်။ ကျောင်းသူ ကျောင်းသားများလည်း နားချင်၊ ကစားချင်ပါမည်။ ဤသို့ဆိုလျှင် ကျူရှင်များ၏ ဆွဲဆောင်မှုကား အဘယ်နည်း။ လျှို့ဝှက်ချက်တော့ ရှိမည်။ ဟုတ်သည်။ မဟာလျှို့ဝှက်ချက်ကြီးကား အခြားမဟုတ်.. စာမေးပွဲ။ ကျူရှင်တက်သူများ စာမေးပွဲမေးခွန်းများကို ကြိုတင်၍ အတိအကျပင် သင်ကြားပေးခြင်းခံကြရသည်။ သြော်…`အလွန်တရာ၊ သစ်ရိပ်မှာလျှင်၊ ချမ်းသာသည်ထက်၊ စုံမက်မြတ်နိုး၊ ဆွေမျိုးမိဘ၊ အရိပ်ရသော်၊ အေးမြသည်ပင်၊ ထိုထက်လျှင်လည်း၊ ပဲ့ပြင်ဆရာ´၏ စေတနာကား အံ့သြလောက်ပါဘိ။ ကိုရွှေစာမေးပွဲကြီးတွင် ပုံမှန်အောင်မြင်ရေး၊ အမှတ်ကောင်းရေးတို့ အတွက် မိဘများကလည်း သားသမီးများကို ကျူရှင်ထားကြသည်။ ဆရာ၊ ဆရာမများကလည်း ကျူရှင်သို့တက်ရန် ထိုသို့သင်ကြားပေးမှုဖြင့် အကြီးမားဆုံး မဲဆွယ်စည်းရုံးကြသည်။
ကျွန်တော်တို့ နေထိုင်ရာမြို့နယ်ရှိ မူလတန်းကျောင်းတစ်ကျောင်းတွင်ဆိုလျှင် ကျောင်းချိန်ပြီးသည်နှင့် တစ်ဆက်တည်း အတန်းပိုင်ဆရာမက အတန်းထဲမှာပင် ကျူရှင်ကို ဆက်ပြပြန်လေတော့သည်။ ကျောင်းအုပ်ဆရာမကြီး၊ သက်ဆိုင်ရာ ဆရာ၊ ဆရာမများနှင့် မိဘအချို့တို့၏ `စုပေါင်းညီညာ အောင်ကြောင်းဖြာ´မှု တစ်ခုပင်။ ကျူရှင်လခများမှာလည်း တစ်နှစ်ထက်တစ်နှစ် မြင့်မားလာသည်။ အဘယ်ကြောင့်ဆိုသော် တိုင်တန်းမှုများ၊ ဌာနဆိုင်ရာများ၏ ညွှန်ကြားမှုများကြားမှ အရဲစွန့်သင်ကြားနေရခြင်းကြောင့်ဟု ဆိုသည်။
ကျူရှင်မတက်နိုင်သူ ကျောင်းသူကျောင်းသားတစ်စုမှာတော့ ကျန်ကျောင်းသားအားလုံး မေးခွန်းရကြသည်။ သူတို့ခမျာမှာလည်း စာအားလုံး ဘယ်လုပ်ချင်တော့မည်နည်း။ ကျူရှင်တက်သူ သူငယ်ချင်းများထံ ကပ်ကြရသည်။ မေးခွန်းရရေး အောက်ကျို့ကြရသည်။ ကျူရှင်တက်သူကျောင်းသားအချို့မှာလည်း မည်သူ့ကိုမျှ ပြန်မပြောပြရေး ကတိအထပ်ထပ်တောင်းကာ ပြောပြရသည်။ သူကိုယ်တိုင်ကတော့ ဆရာမထံ ပေးထားသည့်ကတိကို ဖျက်လိုက်ရပြီ။
အထက်တန်း ( ၉၊ ၁၀တန်း)တွင်တော့ တရားဝင်ကျူရှင်များကို ကျောင်းသူကျောင်းသား၊ မိဘနှင့် ဆရာ၊ ဆရာမများကပါ အားကိုးလာကြပေသည်။ အထူးသဖြင့် ၁၀တန်းကျောင်းသားဘဝတွင် ကျောင်းဆရာ၊ ဆရာမအချို့သည် အခွင့်အရေးရသဖြင့် ကျောင်းတွင် စာသိပ်မသင်တော့သည်ကို ကျွန်တော့်ကိုယ်တွေ့မို့ မမေ့နိုင်။ သင်ပြန်တော့လည်း တတ်အောင်မသင်၊ သင်ရိုးညွှန်းတမ်းပြီးစီးရေးသာ အဓိကထားကာ မာရသွန်အပြေးပြိုင်ပွဲ ဝင်နေသလားပင်၊ အမြန်နှုန်းဖြင့် စိတ်မပါလက်မပါ သင်ကြားခဲ့သည်ကိုလည်း ကြုံခဲ့ရပါသည်။
လုံးဝမသင်သော ဆရာ၊ ဆရာမအချို့ပင် ရှိကြပါသေးသည်။ ထို့အတွက်ကြောင့် တက္ကသိုလ်ဝင်တန်းအတွက် ရည်မှန်းချက်ကြီးကြီးထားသော ကျောင်းသူကျောင်းသားများမှာ ကျောင်းတက်ရသည်ကို အချိန်သာ ကုန်သည်၊ ဘာစာမှ ကောင်းကောင်းနားမလည်၊ သဘောမပေါက်ဟူ၍ အတွေးဝင်ပြီး ကျောင်းပျက်လာကြတော့သည်။ သို့ပေမယ့် ” ကျောင်းခေါ်ကြိမ် ၇၅ ရာခိုင်နှုန်း မပြည့်ခဲ့ရင် တက္ကသိုလ်ဝင်တန်း ဖြေဆိုခွင့်လျှောက်လွှာမပေးဘူးနော် ” ဟူ၍ ခြိမ်းခြောက်မှုများလည်း ရှိနေပြန်ပါသည်။ ထို့ကြောင့် ယခုနောက်ပိုင်းတွင် ငွေကြေးတတ်နိုင်သူမိဘများမှာ သားသမီးများကို အစိုးရကျောင်းတက်ရန်မလိုသည့် ကိုယ်ပိုင်အထက်တန်းကျောင်းများထားလာကြသည်ကို တွေ့ရပါသည်။ အစိုးရအထက်တန်းကျောင်းဆရာ၊ ဆရာမအချို့စုပေါင်း၍ ကျူရှင်ဖွင့်လာကြသည်ကိုလည်း တွေ့လာရသည်။
၎င်းတို့ ကျူရှင်မတက်သည့် ကျောင်းသူကျောင်းသားများကို ” ငါတို့က အမှတ်ပေးစည်းမျဉ်းနဲ့အညီပဲ သင်တာနော်.. ငါတို့က အမှတ်ခြစ်လာတာ ဘယ်နှနှစ်ရှိနေပြီနော်.. နင်တို့ကျူရှင်တွေက သင်တဲ့အတိုင်းဖြေရင် အဖြေဘယ်လောက်မှန်မှန် အမှတ်တွေကလျော့မှာ.. စေတနာနဲ့ပြောတာနော် ” စသဖြင့် ခြိမ်းခြောက်မဲဆွယ်ကြသည်။ သည်ဘက်ကျူရှင်များမှာလည်း ” ငါတို့မှာ ခြောက်ဘာသာဂုဏ်ထူးရှင်က ဘယ်နှယောက်.. ဘယ်နှဘာသာဂုဏ်ထူးရှင်က ဘယ်နှစ်ယောက် နှစ်တိုင်း မွေးထုတ်ပေးနေတာနော်..” စသဖြင့် ကြော်ငြာကြသည်။ အစိုးရအထက်တန်းကျောင်းဆရာ၊ ဆရာမအချို့၏ ကျူရှင်များနှင့်အပြင်ကျူရှင်များ၏ တိုက်ပွဲများ၊ အပြင်ကျူရှင်အချင်းချင်း၏ အားပြိုင်မှုများမှာလည်း တရုတ်ဇာတ်ကားများမှ သိုင်းလောကတိုက်ပွဲများထက်ပင် ပို၍ရှုပ်ထွေးလှကြောင်း ညီငယ်၊ ညီမငယ်များ၏ ပြောပြချက်များအရ တွေးဆဆင်ခြင်မိသည်။
ထိုတိုက်ပွဲများကြားမှ မြေစာပင်ကလေးများဖြစ်သည့် ကျောင်းသူကျောင်းသားများတွင်လည်း တွေ့ဆုံကြမည်၊ စုဝေးကြမည်၊ ဝေလေလေလုပ်ကြမည်ဟူသော ရည်ရွယ်ချက်ဖြင့် ကျောင်းသွားနေကြသော တက္ကသိုလ် ဝင်တန်းကျောင်းသူကျောင်းသားများ အတော်များလာသည်ကို ရင့်နင့်ဖွယ်ရာ တွေ့ရပါသည်။ ထို့ကြောင့် ယခုနှစ် ၂၀၁၆ တက္ကသိုလ်ဝင်တန်း၌ တစ်နိုင်ငံလုံးအောင်ချက်ရာခိုင်နှုန်း ၂၉.၉၂ ရာခိုင်နှုန်းအထိ ကျဆင်းလာသည်ကို အထင်အရှားတွေ့မြင်နိုင် ပါသည်။ ယခုခေတ်ကျောင်းသူကျောင်းသားများသည် ကျောင်းမှစာသင်လျှင်လည်း သင်တဲ့စာကို ကိုယ်တိုင်တတ်သိနားလည်အောင် အားမထုတ်၊ ကျူရှင်က တတ်အောင်သင်လိမ့်မယ်ဆိုတဲ့ မှီခိုတတ်သည့်အကျင့်၊ တစ်ပုဒ်တလေသင်ပြီး အိမ်စာများသာ အသေအလဲ ပေးတတ်သော ကျောင်းသားဗဟိုပြုစနစ်နှင့် စဉ်ဆက်မပြတ်အကဲခတ်၊ အခန်းတစ်ခုပြီးတိုင်း လစဉ်လေ့ကျင့်ခန်းတွေကိုသာ မေးခဲ့ဖြေခဲ့ကြသဖြင့် တက္ကသိုလ်ဝင်တန်းစာမေးပွဲဖြေဆိုရာတွင် အခက်အခဲများရင်ဆိုင်လာကြရပါတော့သည်။
အပြောမဟုတ်၊ သက်သေထုတ်ရမည်ဆိုပါက ဆွေးနွေးပွဲတစ်ခုတွင် ကျောင်းအုပ်ဆရာကြီးက ” ဒီနှစ်အောင်ချက်မြင့်မားအောင် ဘာလုပ်ကြရမလဲ ” ဟု မေးခွန်းထုတ်သည့်အခါ ကျောင်းသားတစ်ဦးထံမှ ” ကျောင်းများများ ပျက်ခွင့်ပေးရပါမယ် ” ဟု ပွင့်ပွင့်လင်းလင်းထဖြေသံ ကြားရပါသည်။
အဆင့်မြင့်ပညာ ကဏ္ဍတွင်တော့ အဆင့်မြင့်ဆိုသည့်အတိုင်း အဆင့်မြင့်လာကြသည်။ Tutorial၊ Practical၊ Lab ရှိသည့်နေ့၊ Assignment တင်ရမည့်နေ့များတွင်သာ ကျောင်းသူကျောင်းသားအစုံအလင် ရောက်ရှိလာကြသည်။ ကျန်ရက်များ.. အိမ်တွင်လား.. မဟုတ်ပါ။ ကျောင်းသွားသည်ဟုဆိုကာ မိဘများထံမှ မုန့်ဖိုးတောင်း၍ အလေလိုက်နေကြသည်။ အရွယ်ရောက်၊ မြီးကောင်ပေါက်အရွယ်ဖြစ်သဖြင့် စိတ်အလိုလိုက်ကာ မကောင်းမှုဟူသရွေ့ကို မကောင်းသည့်နေရာ အစုံအလင်သွားကာ တပျော်တပါး ကျူးလွန်နေကြသည်။ ထို့ပြင် တက္ကသိုလ်ဝင်းအတွင်း စာသင်ခန်းလွတ်များ၊ ကန်တင်းများ၊ တက္ကသိုလ်အနီးဝန်းကျင်ရှိ အဆောင်များတွင်ပါ ဖဲဝိုင်းများထောင်လာကြသည်။ ကျားမတန်းတူ ဖဲရိုက်နေကြသည်။ ဆယ်တန်းတွင် နင်းကန်ဖိထားသည့် ဖိအားများသည် မြို့ပြင်ထုတ်တက္ကသိုလ်ကျောင်းသားဘဝတွင် လွတ်ထွက်ကုန်ကြသည်။ ဖဲရိုက်၊ လောင်းကစား၊ မူးယစ်ဆေး၊ အရက်၊ ကွမ်း၊ ဆေးလိပ်၊ ဆေးမှင်ကြောင်၊ ကာမ…အစုံစုံ။ ကျောင်းခေါ်ကြိမ်… စိတ်ပူစရာမလို၊ ဆရာမဆီမှာ ကျူရှင်တက်တယ်တဲ့၊ ဆရာမက မပေးရင်တောင် နည်းနည်းငိုပြချွဲပြလိုက်ရင် အိုကေတယ်တဲ့။ ” ကျူရှင်.. ဘာသာစုံတတ်မှ အောင်မှာနော်..” ဟူ၍ အိမ်ကိုပြောကာ ကျူရှင်လခယူသည်။
တကယ်တမ်း ဘာသာစုံတက်ခြင်းမဟုတ်၊ တစ်ဘာသာ နှစ်ဘာသာသာ၊ ကျန်ငွေများ ခေတ်အခေါ်အဝေါ် `ဗုန်း´လိုက်ကြသည်။ ထိုငွေများဖြင့် လုပ်ချင်ရာလုပ်၊ သုံးချင်ရာသုံး၊ ဖြုန်းချင်ရာဖြုန်းနေကြသည်။ နတ်ပြည်ရောက် တက္ကသိုလ်ကျောင်းသူကျောင်းသားများပင်။ မိဘများကုန်းရုန်းရှာဖွေထားကြရသည့် ငွေများကို ” မင်း/နင်ဘယ်နှဘာသာ ဗုန်းထားလဲ.. ငါကတော့ ဘယ်နှဘာသာ… ” ဆို၍ ဂုဏ်ယူဝင့်ကြွားစွာ မိနစ်ပိုင်း၊ စက္ကန့်ပိုင်းအတွင်း သုံးဖြုန်းနေကြသည်။ အဇာတသတ်ပင် အဖေ/အမေ ခေါ်ရလောက်သည်။ ကျူရှင်/ဝိုင်းသင်သည့် ဆရာ၊ ဆရာမအချို့မှာလည်း ကျူရှင်တက်သည့် ကျောင်းသားနှင့် မတက်သည့်ကျောင်းသားများအပေါ် ဆက်ဆံပုံ၊ စာသင်ပုံ ကွဲပြားသည်။
စာမေးပွဲနီးလျှင် မေးခွန်းဘယ်နှစ်စုံဟူ၍ ကျူရှင်တက်ကျောင်းသူကျောင်းသားများ ရကြသည်။ ထိုအစုံများကို ကြိုတင်လေ့လာ ကျက်မှတ်သည်ဟူ၍တော့ မထင်နှင့်၊ မည်သို့မည်ပုံ ခိုးချရမည်၊ မသမာသောနည်းဖြင့် ဖြေကြရမည်ကို စနစ်တကျ ကြိုတင်ပြင်ဆင်ကြသည်။ အဆင့်မြင့်ပညာကျောင်းသားများဖြစ်၍ နည်းမျိုးစုံဖြင့် အဆင့်မြင့်မြင့် ခိုးချကြသည်။ တစ်နှစ်တစ်တန်းပုံမှန်အောင်နေကြသည်။ တစ်နှစ်ထက်တစ်နှစ်ဈေးတက်လာသော ကျူရှင်လခများကို မတတ်နိုင်သူကျောင်းသူကျောင်းသားများနှင့် ဖြောင့်မတ် ရိုးသားသော ကျောင်းသူကျောင်းသားတစ်စု နစ်နာနေကြရသည်။ ၎င်းတို့ခမျာ အနည်းငယ်လွဲချော်၊ ကံအကြောင်းမလှ၍ အောင်စာရင်းတွင် မပါလာသောအခါ မခံနိုင်မရပ်နိုင်ဖြစ်ကာ မိမိကိုယ်ကိုယ် အဆုံးစီရင်သည်အထိ ဖြစ်လာကြကြောင်း သတင်းများတွင် တွေ့ဖူးကြလိမ့်မည်။ စပေါ့ရသူ၊ ခိုးချသူများမှာတော့ ပန်းပန်လျက်ပင်…။ ဤတွင် အောင်မြင်သူတိုင်း မသမာသောနည်းဖြင့် ဖြစ်သည်ဟု မဆိုလို။ ခိုးချသူတိုင်း အောင်မြင်နေသည်ဟုလည်း မရည်ညွှန်း။
ကုန်ကုန်ပြောရမည်ဆိုလျှင် မြန်မာ့ပညာရေးနှင့် အကျင့်စာရိတ္တပါ ပျက်စီးနေမှုများတွင် ကျူရှင်စနစ်သည်လည်း အဓိကလက်သည်တစ်ခုအဖြစ် ပါဝင်နေကြောင်း တွေ့ရှိကြရပေမည်။ ၎င်းကို နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကလည်း ရိပ်စားမိသဖြင့် ပြောင်းလဲမည်ဟု ဆိုခြင်းဖြစ်မည်။ တက္ကသိုလ်ကျောင်းသားတစ်ဦးဖြစ်သူ ကျွန်တော့်တွင် အကြီးမားဆုံး ဆန္ဒတစ်ခုရှိသည်။ တစ်ချိန်က အာရှတွင်ပင် ဂုဏ်ပြောင်ခဲ့သည့် မြန်မာ့ ပညာရေးကြီး ယခု အရှေ့တောင်အာရှ အဆင့်တွင်တော့ လက်မ ထောင်နိုင်ရေးဖြစ်သည်။ ကျွန်တော် မသေမီ ဤဆန္ဒကြီးပြည့်မည်ဟုလည်း တထစ်ချ ယုံကြည်ပါသည်။
ကျွန်တော်အပါအဝင် ကျောင်းသူကျောင်းသားအားလုံး ကျောင်းနေပျော်၍ စာတော်နိုင်ကြပါစေ.. စိတ်ဓာတ်မှန်၊ စည်းကမ်းကောင်း၊ ပညာထက်၍ ဘဝလှနိုင်ကြပါစေ…
လက်ဦးဆရာ၊ မည်ထိုက်စွာ၊ ပုဗ္ဗာစရိယ၊ မိနှင့်ဖတို့ ကျူရှင်ရန်ကင်းနိုင်ကြပါစေ…
တစ်ပြားမရှိ၊ တပည့်မရှား၊ ပီတိကိုစား၊ အားရှိပါ၏ ဆရာ၊ ဆရာမများ အနာဂတ်အရေး တွေးပူဆင်ခြင်နိုင်ကြပါစေ…။ ။
