Category: ပညာရေး

စင်္ကာပူနိုင်ငံ GCE O-Level မှာ ဘာသာစုံ ဂုဏ်ထူးဖြင့် ထူးချွန်စွာ အောင်မြင်ခဲ့သူ မယွန်းရတီနိုင်နှင့် အင်တာဗျူး

ဇန်နဝါရီ ၂၂ ၊ ၂၀၁၅
M-Media
နုရည်ထွန်း ဆက်သွယ် မေးမြန်းသည်။

စင်္ကာပူနိုင်ငံ Westwood Secondary School မှာ ပညာသင်ကြားနေတဲ့ ညီမငယ် မယွန်းရတီနိုင်ဟာ ၂၀၁၆-ခု ဇန်န၀ါရီလ (၁၁)ရက်နေ့က ထုတ်ပြန်ခဲ့တဲ့ အောင်စာရင်းအရ GCE O-Level စာမေးပွဲကို ဘာသာစုံဂုဏ်ထူး (7-D)ထွက်ရှိပြီး တစ်ကျောင်းလုံးမှာ ပထမဆုရရှိခဲ့ပြီး တစ်ကျောင်းလုံးရဲ့ Top -1 ဖြစ်ခဲ့ပါတယ်။ (Link)

မြန်မာနိုင်ငံသားတစ်ယောက်ဖြစ်တဲ့ ညီမငယ် ယွန်းရတီနိုင်ရဲ့ အောင်မြင်မှုကို ဂုဏ်ပြုမှတ်တမ်းတင်လိုတာရယ် တခြားသော မောင်ငယ် ညီမငယ်များ စံနမူနာယူနိုင်စေ ဖို့ရန် ရည်ရွယ်ပြီး ဆက်သွယ်မေးမြန်း ဖြစ်ခဲ့ပါတယ်။
.
ညီမလေးရေ၊ ညီမလေးက စင်ကာပူ GCE O-Level ကို ဘာသာစုံ ဂုဏ်ထူးနဲ့ ထူးချွန်စွာ အောင်မြင်ခဲ့တယ်ဆိုတာ သိရတယ်လေ။ အဲဒါကြောင့် ညီမလေး ထူးချွန်စွာအောင်မြင်ခဲ့သလို နောက်လာမယ့် မောင်ညီမငယ်တွေ စံနမူနာယူလို့ရအောင် ညီမလေးရဲ့ အောင်မြင်မှုလေးတွေ မေးမြန်းမယ့် အစီအစဉ်လေး စလိုက်ကြရအောင်နော်။

ဟုတ်ကဲ့ အစ်မ။
.
ညီမလေးရဲ့ နာမည်ကို ပြောပြပေးပါဦး။ အာရဗီနာမည်ရော၊ မြန်မာနာမည်ရော။

သမီးရဲ့ မြန်မာအမည်က ယွန်းရတီနိုင်ပါ။ အာရဗီအမည်ကတော့ Rahila ပါ။
.
မိဘတွေကရော။

မိဘတွေက ဦးတင်ကိုနိုင်နဲ့ ဒေါ်သီတာကျော်ပါ။ အဖေက စင်္ကာပူမှာ Residential Technical Officer ရာထူးနဲ့ အလုပ်လုပ်ရင်း သမီးနဲ့ အတူ နေထိုင်ပါတယ်။ အမေကတော့ အခုလောလောဆယ်မှာ နယူးယောက်ခ်မှာ အလုပ်လုပ်ပါတယ်။
.
ညီမလေးအသက်နဲ့ မွေးသက္ကရာဇ်ပြောပြလို့ရမလား။

မွေးသက္ကရာဇ်က ၁၉၉၇-ခု၊ မေလ (၁၂)ရက်ဆိုတော့ အခုဆို သမီး အသက် (၁၈)နှစ်ရှိပါပြီ။
.
ညီမလေးရဲ့ ပညာရေးအခြေအနေနဲ့ ကျောင်းမှာ ထူးချွန်မှုလေးတွေကို ပြောပြပေးပါဦး။

မြန်မာပြည်မှာတုန်းက ဆဌမတန်းအထိ တက်ခဲ့ပါတယ်။ ဗိုလ်တစ်ထောင်(၂)မှာတက်ခဲ့ပြီး (၆)တန်းနှစ် အလယ်မှာ ထွက်ခဲ့တာပါ။ မြန်မာပြည်မှာ တုန်းကတော့ သမီးမှတ်မိသလောက်ဆိုရင် သမီးက ထူးထူးခြားခြား ထူးချွန်ခဲ့တာ သိပ်မရှိဘူး။ သမီးလိုက်နိုင်သလောက်ပဲ လုပ်ခဲ့တာ။ ဒီရောက်တော့မှ သမီးသေချာ ကြိုးစားဖြစ်ခဲ့တာ။

ဒီစင်္ကာပူကို ရောက်တော့ စာမေးပွဲဖြေရတယ်။ စာမေးပွဲဖြေပြီး အောင်တော့မှ ၅-တန်းက စပြီးတက်ရတယ်။ စာမေးပွဲဖြေပြီး အောင်တော့ မှ ဒီက Public School ကို ၀င်ရတာ။ နည်းနည်းတော့ကြာတယ်။ တစ်နှစ်လောက်နေမှ တက်ရတာ။ (၅)တန်းကနေ စတက်ရတယ်။ Pioneer Primary School မှာ စတက်ခဲ့ပါတယ်။
.
ဒီရောက်တော့ ညီမလေးက (၅)တန်းက စတက်တယ်ဆိုတော့ ညီမလေးအနေနဲ့ အခက်အခဲရှိခဲ့လား။

ရှိတာပေါ့။ အစကဆို ပိုဆိုးတယ်။ အင်္ဂလိပ်စာက လုံးဝ မတတ်ဘူး။ မြန်မာပြည်မှာ အင်္ဂလိပ်စာ သင်တန်းတစ်ခုတော့တက်ခဲ့တယ်။ ဒါပေမယ့် ဒီရောက်တော့ အဲ့ဒီသင်တန်းက သိပ်ပြီး ထူးထူးခြားခြား အကျိုးမရှိဘူးပေါ့နော်။ အဲ့ဒါနဲ့ အင်္ဂလိပ်စာကို တော်တော်ကြိုးစား ယူရပါတယ်။ ပြီးတော့ ကျောင်းစတက်တော့လည်း ဒီကသင်ရတာတွေက သမီး ဟိုမှာသင်ခဲ့ရတာတွေနဲ့ အများကြီး ကွာတယ်လေ။ သင်္ချာ၊ သိပ္ပံကအစ အကုန်လုံး အစကနေပြန်လုပ်ရပါတယ်။ ဆရာ ဦးကျော်ညွန့် (G.T.I) ဆီကို ကျောင်းချိန်ပြီးတာနဲ့ စာသွားသင်ပါတယ်။ ဆရာဦးကျော်ညွန့်က Primary School တို့ Secondary School တို့အတွက် ဘာသာစုံ သင်ပေးပါတယ်။
.
ညီမလေးက (၅)တန်းက စပြီး ဒီမှာ ကျောင်းတက်ခဲ့တယ်ဆိုတော့ အတန်းစဉ်အလိုက် ထူးချွန်မှုလေးတွေနဲ့ တခြားသော ပါဝင်မှုလေးတွေကို ပြောပြပေးပါဦး။

(၅)တန်းမှာတော့ သမီးက စာကို တော်တော်လိုက်နေတုန်းပေါ့နော်။ (၆)တန်းနှစ်ရောက်တော့ ဘာသာနဲ့အတန်းခွဲပါတယ်။ တစ်ဘာသာမှာ A, B, C ဆိုပြီး (၃)ခန်းရှိပါတယ်။ သမီးက သင်္ချာနဲ့ သိပ္ပံမှာ A အခန်းကို ရပါတယ်။ အင်္ဂလိပ်စာကတော့ သိပ်မကောင်းတဲ့အတွက် B အခန်းမှာပဲပေါ့။ အဲ့ဒီကနေပြီး နောက် PSLE (Primary School Leaving Examination) လည်းထွက်ရော သမီး အတန်းထဲမှာ ပထမ ရခဲ့ပါတယ်။ တခြားသော ပြိုင်ပွဲတွေဘာတွေတော့ ပြိုင်တာ မရှိခဲ့ဘူးပေါ့နော်။

Debate ပြိုင်ပွဲအတွက်လည်း သမီး (၃)လလောက် ပါဝင်ပေးခဲ့ရဖူးပါတယ်။ အဲ့ဒါကတော့ သမီးသူငယ်ချင်း ကိုယ်စား ခဏအစားဝင်ပေးရတဲ့သဘောပါပဲ။ (၃)လလောက်ပဲ သွားပေးခဲ့ရတာပါ။

Westwood Secondary School မှာ ဂီတာအဖွဲ့တွေ၊ ဆွေးနွေးပွဲတွေ ပညာရပ်ဆိုင်ရာ ဆွေးနွေးပွဲတွေ၊ UN က ပြုလုပ်တဲ့ ပွဲတွေနဲ့  တခြား စီးပွားရေးဆိုင်ရာ ပြိုင်ပွဲတွေမှာ တက်ကြွစွာ ပါဝင်ခဲ့ပါတယ်။ အဲ့လို ပါဝင်မှုတွေကြောင့် သာမန်လေ့လာလို့ မရနိုင်တဲ့ တန်ဖိုးရှိလှတဲ့ အတွေ့အကြုံတွေကို ရခဲ့ပါတယ်။

Business ပြိုင်ပွဲတွေကတော့ သမီးသွားခဲ့တာ (၃)မျိုးလောက်ရှိတယ်ပေါ့နော်။ တစ်ခုကကျ သမီးတို့ ၂-ယောက်ချင်းရဲ့ Business Idea Plan ကို အစအဆုံးလုပ်ရတယ်။ ပစ္စည်းတွေဘယ်ကယူရမယ်၊ စီးပွားရေးဘယ်လိုလုပ်ရမယ်ဆိုတာ လုပ်ပြီး Admission ကို ပို့ရတာပေါ့နော်။ Admission က ဂျပန်ကဆိုတော့ ဂျပန်ကို ပို့ရပါတယ်။ နိုင်ငံတစ်ခုမှာ အယောက် (၅၀)လောက်ပြိုင်ရင် သူတို့က (၂၅)ယောက်လောက် ရွေးပြီးမှ ပြန်ပို့ပေးတာပါ။ တင်တဲ့အချိန်မှာကို သူတို့က Application တစ်ခါဖြတ်သေးတယ်။ Application တင်တုန်းက ၀င်ပြီး ရွေးတဲ့အထိတော့ ရောက်ခဲ့တယ်။ ဟိုဘက်နိုင်ငံကိုတော့ မသွားခဲ့ရဘူး။ သမီး သူငယ်ချင်းတွေတော့ ရောက်သွားခဲ့တယ်။ အဲ့ဒါက တစ်ခုပေါ့နော်။

နောက်တစ်ခုကကျတော့ ကုမ္ပဏီလိုမျိုး စလုပ်ရတာ။ JA Company of Media လို့ခေါ်တယ်။ ပြိုင်ပွဲက တကယ့် ကုမ္ပဏီတစ်ခုလိုပဲ လုပ်ရတယ်။ တကယ်ရောင်းပြီး တကယ်အမြတ်တွေနဲ့ ပြိုင်ပွဲလုပ်တာပေါ့နော်။ သမီးတို့က စင်္ကာပူမှာ တတိယ ရခဲ့ပါတယ်။ ဟုတ်ကဲ့ စင်္ကာပူတစ်နိုင်ငံလုံး အတိုင်းအတာနဲ့ပါ။ ကျောင်းကနေ ပို့တာပါ။

နောက်တစ်ခုကကျတော့လည်း သမီးတို့က Organization တစ်ခုနဲ့ပေါင်းပြီး သူတို့ရဲ့ ပစ္စည်းလေးတွေကို ခုနက ကုမ္ပဏီလိုမှာလုပ်တဲ့ ပစ္စည်းတွေရယ်ပေါင်းပြီး Foodstuff ဆိုတာ လမ်းဘေးဆိုင်လိုမျိုးလေးကို Shopping Centre မှာ ဖွင့်ရောင်းပြီး Sales တွေနဲ့ တွက်ပြီး ပြိုင်ရတာပါ။ သမီးတို့နဲ့ပေါင်းတဲ့ Organization က French of the Disable Society လို့ခေါ်တယ်။ သူတို့ မသန်စွမ်းလေးတွေ ရဲ့လုပ်တဲ့ပစ္စည်းတွေကို သမီးတို့က ရောင်းပေးတာပေါ့နော်။ ရောင်းပေးတဲ့အထဲမှာ သမီးတို့က ကော်မရှင်နဲ့ရတယ်။ အဲ့ဒီရတဲ့အပေါ်ကိုတွက်ပြီး ဆုပေးတာပါ။

သြော် … ဟုတ်ကဲ့။ အဲ့ဒါတွေက တချို့ကကျ သူတို့ကရွေးပေးတယ်။ တချို့ကကျ ရွေးခိုင်းတယ်။ ပြိုင်ပွဲအပေါ်မှာလည်း မူတည်တယ်။ တချို့ကကျ လာပြီးတော့ရွေးတယ်။ ရတီ ဒီပြိုင်ပွဲမှာ ပါရမယ်ပေါ့။ တချို့ကျတော့လည်း ပြိုင်ပွဲဝင်ချင်ဝင်၊ ၀င်မယ်ဆိုတော့မှ အင်တာဗျူးပြန် လုပ်တယ်။ အင်တာဗျူးအောင်ရင် ၀င်ရတယ်။

 ညီမလေးရေ GCE O-Level အကြောင်း နည်းနည်းပြောပြပေးပါလား။

GCE O Level ဆိုတာ Secondary School က (၄)နှစ်တက်ရပါတယ်။ အဲ့ဒါ Express အတွက်ပါ။ Normal Academic Stream ဆိုရင် (၅)နှစ် တက်ရတယ်။ Express မှာ (၄)နှစ်ပြီးတဲ့အခါ O-Level အတွက် Cambridge University ကနေ မေးခွန်းထုတ်တယ်။ ပြီးရင် စင်္ကာပူကို ပို့တယ်။ စင်္ကာပူရောက်ရင် စင်္ကာပူ ပညာရေးဌာန MOE က မေးခွန်းတွေကို  သူတို့လိုချင်သလို ပြောင်းတယ်။ နည်းနည်း ပိုပြီး ခက်ခဲအောင် ပြောင်းတယ်။ အဲ့ဒါပြီးရင် မေးခွန်းကို သမီးတို့က စာရွက်ပေါ်မှာပဲ ဖြေရတယ်။ Cambridge ကို သမီးတို့ ဖြေထားတာတွေ ပြန်ပို့တယ်။ အဲ့က စစ်ပြီးရင် သမီးတို့ဆီ အမှတ်စာရင်း ပြန်ပို့ပေးတယ်။

အဲ့ဒါက အရေးကြီးတယ်။ အဲ့ဒီမှာ အောင်မြင်မှ Junior College သွားမလား၊ Polytechnics သွားမလား၊ ITE (The Institute of Technical Education) သွားမလား၊ MI (Millennia Institute) သွားမလား။ အဲ့ဒီ (၄)မျိုးထဲကနေ ကိုယ်မှီမယ့်ကျောင်းကို ရွေးရမယ်။

Poly မှာဆိုလည်း Courses တွေက မတူဘူး။ အမျိုးအစားနဲ့ Point တွေက မတူဘူးပေါ့။ ပိုတော်လေ ကိုယ်လိုချင်တဲ့ Courses ကို ရလေပေါ့နော်။ အမှက်က (၇၀)ထက်ပိုရင် ဂုဏ်ထူး ရတယ်။ Points က နည်းလေပိုကောင်းလေပါပဲ။  Junior Colleges တက်နိုင်ဖို့တို့ Polytechnics ဒါမှမဟုတ် ITE (Institute of Technical Education) ရွေးချယ်ဖို့က Point နဲ့ ရည်မှန်းချက်အပေါ် မူတည်သွားတယ်။

ဟုတ်ကဲ့။ GCE O-Level ဆိုတာ သမီးတို့ ဒီမှာတော့ (၁၂)တန်းအဆင့်ပေါ့။ မြန်မာနိုင်ငံအနေနဲ့ဆိုရင်တော့ (၁၀)တန်းဖြေသလို ပုံစံမျိုးပေါ့။

Point က နည်းလေ ကောင်းလေဆိုတာ ဘယ်လိုပုံစံမျိုးကို ဆိုလိုတာလဲ ညီမလေး။ ရှင်းပြပေးပါဦး။

သမီးတုိ့ရဲ့ Marking System က A1, A2, B3, B4, C5, C6, D7, E8, F9 လို့သတ်မှတ်ထားတယ်။ ဂုဏ်ထူးထွက်တယ်ဆိုတာ A1, A2 ရလို့ပါ။ ဂုဏ်ထူးထွက်တာမှာ အမှတ် (၇၀)ကနေ (၇၅)အထိဆိုရင် A1, (၇၅)မှတ်အထက်ဆိုရင် A2 ပေါ့နော်။ နောက် သမီးက ဂီတာမှာ ပါတယ်ဆိုရင် အမှတ်ပြန် ပေးတယ်။  နောက် Sports တွေမှာ ပါတာလည်းရှိတယ်။ အဲ့ဒီမှာပါလို့ သမီးရတဲ့အမှတ်က (၂)မှတ်ရတယ် ဆို ပေါင်းလိုက်ရင် ။ အဲ့လိုပေါ့။ အဲ့ဒါတွေပေါင်းလို့ ရတဲ့အမှတ်က နည်းလေကောင်းလေပေါ့။ အများဆုံးရနိုင်တာက (၂)မှတ်ပေါ့နော်။ သမီးတို့က (၆)ဘာသာကိုပဲ ယူရတယ်။ English က ယူကို ယူရတယ်။ Science တစ်ခုယူရတယ်။ နောက် Combined Humanities တစ်ခုယူရတယ်။ ပြီးရင် ကျန်တာက အကောင်းဆုံးဘာသာရပ်ကို ရွေးပေးတယ်။

ကိုယ်ယူတဲ့ ဘာသာတွေထဲမှာ Higher Mother Tongue ဆိုတာရှိတယ်။ သူက (၂)မှတ်။ အဲ့ဒါကို A ရတယ်ဆိုရင် သူတို့က (၂)မှတ် ထပ်နှုတ်ပေးတယ်။ GCE O-Level မှာ အများဆုံးရနိုင်တဲ့ အမှတ်ပေါ့နော်။
.
ဒါဆို ညီမလေးတို့က စာမေးပွဲကို Cambridge  က မေးခွန်းကို ဖြေရတယ်ဆိုတော့ စာမေးပွဲ အောင်စာရင်းအတွက် ဘယ်လိုပုံစံထုတ်ပြန်ပေးလဲ။

ဟုတ်။ သမီးတို့ဖြေထားတဲ့ အဖြေလွှာတွေကိုတော့ ပြန်ပို့မပေးဘူး။ သမီးတို့ရဲ့ အမှတ်တွေရယ် Grate တွေရယ်ကိုပဲ ပြန်ပို့ပေးတာ။ ဟုတ်ပါတယ်။ မြန်မာနိုင်ငံမှာလိုပဲ အောင်စာရင်းထွက်မယ့်နေ့ကို ကြေညာပါတယ်။ အောင်စာရင်းကတော့ ကိုယ်တက်တဲ့ကျောင်း မှာပဲ အောင်စာရင်းထုတ်တယ်။ မြန်မာနိုင်ငံမှာလိုတော့ စာရွက်နဲ့ ကပ်ပေးတာမဟုတ်ဘူး။ Announce လုပ်ပေးတာ။ အားလုံးကိုတော့ Announce လုပ်ပေးတာ မဟုတ်ပါဘူး။ ဖြေတာက ကျောင်းသား (၂၀၀)လောက်ရှိတာဆိုတော့ Top 10 ကိုပဲ Announce လုပ်ပေးတယ်။ Top 10 က Stage ပေါ်တက်ပြီး Certificate ကို တက်ယူရတာပေါ့နော်။ ကျန်တဲ့သူတွေအားလုံးကတော့ ကိုယ့်အတန်းပိုင်ဆီမှာ ကိုယ်သွားမေးရတာ။ သမီးတို့မှာ အတန်းပိုင်ဆရာမ နှစ်ယောက်ဆီရှိတယ်။ ဆရာမနှစ်ယောက်က Hall ထဲမှာ စားပွဲနဲ့ထိုင်နေတယ်။ ကိုယ့်နာမည်အစနဲ့ Index မှာ ကိုယ့်နံပါတ်ကိုယ် ကြည့်ပြီး Certificate ကို ဆရာမဆီမှာ ထုတ်ယူရုံပါပဲ။

.
အစ်မ လေ့လာသိရသလောက် GCE O-Level ကိုဖြေတာ တစ်နှစ်မှာ ကျောင်းသား သုံးသောင်းကျော်ရှိတယ်လို့ သိရတယ်။ ဖြေတာ မအောင်တဲ့သူရောရှိလား၊ သူတို့ကျ ဘယ်လို ပြန်လုပ်ရသလဲ။

မအောင်တဲ့သူ ရှိတာပေါ့။ သူတို့က တစ်နှစ် ပြန်နေရတယ်။ ဟုတ်ပါတယ်။ ခုနကလို Hall ထဲရောက်ပြီး ဆရာမဆီ အောင်စာရင်း သွားထုတ်မှ အောင်တယ် မအောင်ဘူး သိရတာပါ။
.
ညီမလေးက ထူးထူးချွန်ချွန်ကိုပဲ တစ်ကျောင်းလုံးမှာ (၇)ဘာသာစလုံး All D ရပြီး  Top 1 နဲ့
အဆင့်မြင့်ဆုံး ဆိုတော့ အဲလို ထူးချွန်မှုရအောင် ဘယ်လို ကြိုးစားခဲ့လဲ။ ခုနကတော့ ညီမလေးက ပြောခဲ့တယ်။  ထူးချွန်စွာအောင်မြင်ဖို့ အဓိကအချက်က ဘာသာရပ်အားလုံးကို မျှတစွာလေ့လာပြီး စာတွေကို ပြီးစီးအောင် လုပ်တယ်။ Topic တစ်ခုကို တိကျသေချာလိုတဲ့အခါ တွေးတာမှားနေပြီဆိုရင် ဘယ်အချိန်ပဲဖြစ်ဖြစ် ဆရာတွေနဲ့ တွေ့ဆုံမေးမြန်းတယ်လို့ပြော တယ်လေ။ နောက်တခြားရော ဘယ်လိုပုံစံနဲ့ ကြိုးစားခဲ့သလဲ။

အဲ့ဒါက သူငယ်ချင်း အပေါင်းအသင်းပေါ်မှာလည်း  မူတည်တယ်။ သမီးရခဲ့တဲ့အခန်းကလည်း အကောင်းဆုံးအခန်းဆိုတော့ သမီးရထားတဲ့သူငယ်ချင်းတွေကလည်း စာကျက်တဲ့သူတွေပေါ့နော်။ အဲ့ဒီတော့ တစ်ခုခု သိချင်ရင် မေးလို့ရတဲ့သူငယ်ချင်းတွေ၊ Discussion လုပ်လို့ရတဲ့ သူငယ်ချင်းတွေ ရှိတာပေါ့နော်။ အပြင်မှာပဲ ပျော်ပါးသွားလာနေတဲ့သူတွေမဟုတ်တော့ Group နဲ့ စာကျက်ကြတာလည်းများတယ်။ ကိုယ်တစ်ယောက်တည်း ကျက်တဲ့အချိန်တွေလည်းရှိပေမယ့် တစ်ယောက်တည်းကျ မကျက်ဖြစ်တဲ့အခါ သူငယ်ချင်းတွေနဲ့ ဆွေးနွေးတယ်။ အဲ့ဒါတွေကလည်း ကူညီမှုရတယ်။ သူမသိတာကိုယ့်မေး၊ ကိုယ်မသိတာ သူ့မေးနဲ့ Discussion ပုံစံမျိုးပေါ့။ နောက်ပြီးတော့ ဆရာ ဆရာမတွေကလည်း ကူညီတယ်။  သမီးတို့ မသိတာ ဘာမဆို သွားမေးလို့ရတယ်။ နောက် အိမ်ရောက်နေရင်လည်း WhatsApp နဲ့လည်း ဘယ်အချိန်ဖြစ်ဖြစ် မေးလို့ရတယ်။  အဲ့ဒါတွေကလည်း အကူအညီရတယ်။

နောက်ပြီးတော့ သမီးတို့ဆီတာ 10 Years Series တွေရှိတယ်။ အဲ့ဒါကိုကျ သိပ်မလုပ်ကျဘူး။ အမှန်တော့ အဲ့ဒါက အရေးကြီးတယ်။ 10 Years Series ဆိုတာ O-Level ကို (၁၀)နှစ်စာ မေးခွန်းတွေပေါ့နော်။ အဲ့ဒါကို သမီးက မနှစ်က Set (3) တုန်းက တစ်ခါလုပ်တယ်။ Set (3) ရယ် Set (4) အစလောက်ရယ်က တစ်ခါ လုပ်တယ်။ ပြီးတော့ စာမေးပွဲတွေ လုံးဝ မစခင် တစ်လမှာ အဲ့ဒါတွေ ပြန်လုပ်တယ်။ အဲ့လို လုပ်ထားတဲ့အတွက် သူတို့မေးတဲ့ မေးခွန်းတွေကို ပိုပြီးတော့ Familiar ဖြစ်တာပေါ့။ ဒီတော့ သူတို့ ဘယ်လိုမေးလဲ ဘာလဲဆိုတာ ကိုယ်က နည်းနည်းသိနေတာပေါ့နော်။ ဘယ်လိုဖြေရမလဲဆိုတာ ကိုယ်သိနေတာကလည်း အထောက်အကူဖြစ်တယ်။

ပြီးတော့ သမီးက ကျောင်းက သင်တာတွေအပြင် အပြင်က Ascension Book ဆိုတာရှိတယ်။ သမီးက အဲ့ဒါတွေလည်း နည်းနည်းပါးပါး ၀ယ်ပြီး လေ့ကျင့်တယ်။ နောက်ပြီး တခြား Secondary School တွေကနေ သူတို့ရဲ့ စာမေးပွဲအတွက် မေးနိုင်တဲ့ မေးခွန်းတွေ ရှိတယ်။ အဲ့ဒါတွေလည်း ၀ယ်လို့ရတော့ သမီး ၀ယ်ပြီး လေ့လာပါတယ်။ အဲ့ဒီလောက်ပါပဲ။

ဟုတ်ကဲ့ Self Studies လုပ်ရတာ များပါတယ်။ ဟုတ်ပါတယ်။ မြန်မာနိုင်ငံမှာတုန်းက သင်ခဲ့ရတဲ့ ပုံစံနဲ့တော့ အတော်လေး ကွာပါတယ်။
.
ကျောင်းက ဘယ်လိုပုံစံတက်ရသလဲ။ တစ်နေကုန်လား။ စာတွေကို ဘယ်လိုပုံစံ ပြန်လုပ်သလဲ ညီမလေး။

ကျောင်းကတော့ မနက် (၇း၂၀)နာရီမှာစတယ်။ ကျောင်းဆင်းချိန်က တစ်နေ့နဲ့တစ်နေ့မတူပါဘူး။ နေ့စဉ် Time Table ရတယ်။ သမီးတို့ယူထားတဲ့ Subject တွေပေါ်မှာ မူတည်တယ်။ သမီးတို့ Secondary မှာက တစ်ခန်းလုံးက တစ်ချိန်ဆိုတော့ တနင်္လာနေ့မှာ (၁)နာရီလောက် ပြီးချင်ပြီးမယ်၊ အင်္ဂါနေ့မှာ (၃)နာရီလောက် ပြီးချင်ပြီးမယ်။ Secondary School မှာ အနောက်ကျဆုံးက (၃)နာရီခွဲလောက်ပေါ့နော်။ အဲ့ဒါပြီးရင် သမီးတို့က CCA (Co-Curricular Activities) ဆိုတာရှိတယ်။ CCA က သမီးယူထားပေါ့။ အဲ့လိုမျိုးရှိတဲ့နေ့ဆို ကျောင်းက နည်းနည်းစောပြီးတယ်။ (၁၁)နာရီခွဲ (၁၂)နာရီဆိုပြီးတယ်။ အဲ့ဒီလောက်ကနေ ညနေ (၅)နာရီခွဲ (၆)နာရီလောက်ထိ CCA ကို သွားရတယ်။ ပြိုင်ပွဲရှိရင်တော့ ပိုပြီးနောက်ကျတတ်တယ်။

စာလုပ်တာကတော့ စာကို အမြဲတမ်းကြေညက်အောင် နေ့တိုင်းနီးပါး ပြန်လေ့ကျင့်ပါတယ်။
.
ညီမလေးက အခု GCE O-Leval မှာ ထူးထူးချွန်ချွန် အောင်မြင်ခဲ့ပြီးပြီဆိုတော့ အခုရော ဆက်ပြီး ပညာသင်ဖို့ ဘယ်လို ရွေးချယ်ခဲ့ပြီလဲ။

အခုတော့ Nanyang Junior College နဲ့ Saint Andrews´ Junior College ကိုလျှောက်ထားတယ်။ အခုလ (၂၈) ရက်နေ့မှ သိရပါမယ်။
.
ဘာကြောင့် အဲ့ဒီ နှစ်ကျောင်းကို လျှောက်ထားတယ်ဆိုတော့ အဲ့ဒီ နှစ်ကျောင်းက ဘယ်လို ကွာခြားချက်ရှိလို့လဲ။ အခုတက်မယ့် ကျောင်းရဲ့ ပညာရေးအခြေအနေက ဘယ်လိုရှိလဲ။

Nanyang က Carryout Point ဆိုတဲ့ ၀င်ခွင့်ပေးတဲ့ Point က (၇)မှတ် သတ်မှတ်ထားတယ်။ အဲ့ဒီထက် နည်းရင် တက်လို့မရဘူး။ (၇)မှတ်ဆိုတော့ သမီးနဲ့ အံကိုက်ပဲပေါ့နော်။
Saint Andrews´ ကကျ (၉)မှတ်။ တကယ်လို့ Saint Andrews´ ကို သမီးက ပထမ choice နေရာမှာ ထည့်မယ်ဆိုရင် ၀င်ခွင့်ရတာ သေချာတယ်။ အဲ့ဒီကျောင်းတွေမှာ တက်နေတဲ့သူတချို့နဲ့လည်း သမီး သိနေတော့ သမီးရဲ့အမှတ်နဲ့ဆု Nanyang က ပိုပြီး အံဝင်မယ်၊ Nanyang က စာနည်းနည်း ပိုကြိုစားရတယ်။

သမီးတို့က အခု Junior College (၂)နှစ်တက်ပြီးရင် GCE A-Level ကို ဖြေရဦးမှာ။ Nanyang က ဒီ A-Level အောင်တဲ့ ရာခိုင်နှုန်း ပိုများတယ်။ ပြီးတော့ အဲ့ဒီကျောင်းက မနက် (၈)နာရီခွဲမှ စတယ်ဆိုတော့ သမီးအတွက် ကျောင်းသွားဖို့အချိန်ပိုရတယ်။ ကျောင်းက အိမ်ကနေ တစ်နာရီလောက် သွားရတယ်။ ဟိုကျောင်းက (၇)နာရီခွဲစတယ်ဆိုတော့ Nanyang က သမီးအတွက် ပိုအဆင်ပြေတယ်ပေါ့နော်။
.
ညီမလေးရဲ့ မျှော်မှန်းချက်ကို ပြောပြပေးပါဦး။

သမီးမှာ အရင်တုန်းကတော့ ရည်မှန်းတာတွေ အများကြီးရှိခဲ့ဖူးတယ်။ ဟိုဟာဖြစ်ရင် ကောင်းမလား၊ ဒီမှာဖြစ်ရင် ကောင်းမလား၊ ပေါက်ကရတွေလည်း ရှိခဲ့တယ်။ မော်ဒယ်လ်ဖြစ်ရင် ကောင်းမလားဆိုတာမျိုးထိပေါ့။ Secondary 2 တုန်းက Physics ယူမလား၊ ပထ၀ီယူမလား၊ Bio ယူမလားဆိုပြီး ဘာသာတွဲတွေ ရွေးရတယ်။ အဲ့ဒီအချိန်တုန်းက ဆရာဝန်ဖြစ်ချင်ခဲ့တယ်။ ဒါနဲ့ Bio ယူလိုက်မယ်ပေါ့နော်။ ဒါပေမယ့် တကယ်လည်း Biology သင်ပြီးတဲ့အခါ စိတ်ဝင်စားဖို့ ကောင်းပေမယ့် စာကျက်ရတာ ခက်တယ်။ အဲ့လို သွေးတွေဘာတွေက သမီးနဲ့လည်း သိပ်အဆင်မပြေဘူးပေါ့နော်။ ဒါနဲ့ ကိုယ်နဲ့မဖြစ်လောက်ဘူးလို့ဆိုပြီး လျှော့လိုက်တယ်။ သမီးက Chemistry ရယ် Science ရယ်ဘက်ကို ၀ါသနာပါတယ်ဆိုတော့ အခု လောလောဆယ်တော့ Biomedical Science ကို စိတ်ဝင်စားပြီး စဉ်းစားထားပါတယ်။ အဲ့ဒါက Bio နဲ့ Chemical ကိုပေါင်းထားပြီး လူနာတွေကို ကူညီဖို့ တီထွင်တာဆိုတော့ စိတ်ဝင်စားတယ်။ Biomedical Engineering ပေါ့။ အဲ့ဒါ ယူဖြစ်မလား မသေချာသေးဘူးပေါ့နော်။ .

မြန်မာကနေ ဒီမှာ ကျောင်းလာတက်တဲ့တချို့သူတွေရဲ့ စိတ်ထဲမှာ ငါတို့က မြန်မာမို့ ဘယ်လို ခံစားရတယ်ဆိုတဲ့စိတ်မျိုးလေးတွေ ရှိတတ်ကြတယ်လေ။ အဲ့လိုတွေ ရှိတတ်ကြတဲ့အထဲမှာ အခုလို ညီမလေးက ထူးထူးချွန်ချွန် အောင်မြင်သွားတော့ ညီမလေးရဲ့ ခံစားချက်ကရော ဘယ်လိုရှိလဲ။ ညီမလေးက ထူးချွန်စွာအောင်မြင်ခဲ့လို့ အခုဆို ညီမလေးရဲ့ နာမည်ကို ကျောင်းမှာ ရာသက်ပန်ခ ချိတ်ထားမယ်ဆိုတော့ မြန်မာနိုင်ငံသား တစ်ယောက်အနေနဲ့ ညီမလေးရဲ့ ခံစားချက်လေးကိုလည်း ပြောပြပေးပါဦး။
သမီးလည်း စလာတုန်းကတော့ အဲ့လို ခံစားချက် နည်းနည်းပါးပါးတော့ ရှိခဲ့တာပေါ့နော်။ သမီးက (၅)တန်းမှာ စတက်တယ်။ သူများတွေက (၁)တန်းကတည်းက တက်နေကြတာဆိုတော့ သူငယ်ချင်းမရှိ ဘာမရှိ အဲ့လိုမျိုးတွေ ရှိခဲ့တယ်။ ပြီးတော့ အင်္ဂလိပ်စကားလည်း သိပ်မပြောတတ်ဘူးဆိုတော့လေ။ အဲ့ဒီ ဖီလင်လ်ကတော့ စလာတဲ့အချိန်မှာ ရှိကို ရှိတတ်ကြပါတယ်။

ဒါပေမယ့် အဲ့ဒီနှစ်မှာပဲ သမီး သူငယ်ချင်းတစ်ယောက်ရတယ်။ သူကလည်း မွန်ဂိုးလီးယားကနေ တစ်ယောက်တည်း လာရတာဆိုတော့ သူနဲ့သမီး သူငယ်ချင်းဖြစ်သွားတယ်။ သူနဲ့သမီး စာအတူကျက်တယ်ဆိုတော့ ဆရာမတွေလည်း သတိထားမိတယ်။ ပြီးတော့ သမီးတွေ့ခဲ့ဖူးသမျှ ဒီက ဆရာ ဆရာမတွေတော်တော်များများက ကျောင်းသားအားလုံးကို Equal ပဲ ကြည့်တယ်။ ဘယ်သူပဲဖြစ်ဖြစ် ဘာလူမျိုးပဲဖြစ်ဖြစ် အကူအညီလိုတယ်ဆိုရင် အချိန်မရွေး လာမေးပေါ့နော်။

ငယ်ရင်တော့ သူငယ်ချင်းမရှိသေးရင် တစ်မျိုးခံစားရတာပေါ့။ ဒါပေမယ့် (၁)နှစ် (၂)နှစ်လောက်နေပြီးရင် အဲ့လိုစိတ်တွေက အများစု မရှိတော့ပါဘူး။ နေတတ်ရင် အားလုံးနဲ့ အဆင်ပြေသွားတာပါပဲ။ သမီးသူငယ်ချင်းတွေ မြန်မာပြည်က လာတာတွေလည်းရှိတယ်။ China က လာတာတွေလည်းရှိတယ်။ သူတို့လည်း အဆင်ပြေသွားတာပါပဲ။ အနှိမ်ခံရတယ် ဘာညာကတော့ Student Life မှာ သိပ်မရှိပါဘူး။ စိတ်ပူစရာလည်း မဟုတ်ပါဘူး။

ကျောင်းမှာ သမီးနာမည်ကို ရာသက်ပန်ချိတ်ထားမယ်ဆိုတော့ မြန်မာနိုင်ငံသားတစ်ယောက်အနေနဲ့ သမီး ဂုဏ်ယူတယ်၊ အရမ်းလည်း ၀မ်းသာမိပါတယ်။ မြန်မာနိုင်ငံသားတွေက မြန်မာတစ်ယောက် အခုလို ရတယ်ဆိုတာ သိတော့ ၀ိုင်းပြီးဂုဏ်ယူကြလို့လည်း သမီးဂုဏ်ယူပါတယ်။ ဟုတ် ၀မ်းသာတယ်ပေါ့နော် ဟုတ်ကဲ့။
.
အခုလို O-Level မှာ ဘာသာစုံဂုဏ်ထူးတာဟာ မြန်မာပြည်ကနေဆို ညီမလေးက ပထမဆုံးဖြစ်မလားပဲ။

အဲ့လိုတော့ သမီးမသိဘူး။ တစ်ခြား ကျောင်းကောင်းတွေလည်းရှိသေးတယ်။ အဲ့ဒီကျောင်းတွေမှာ သမီးနဲ့အမှတ်တူရတဲ့သူတွေ ရှိနေပေမယ့် သူတို့ထက် အမှတ်များတဲ့သူရှိရင် သမီးနဲ့အမှတ်တူသူက Top တော့ မဖြစ်ဘူး။ သမီးက ပထမဆုံးလားတော့ သမီး မသေချာဘူး။ သမီးလို တော်တဲ့သူတွေ အများကြီးရှိမှာပါ။

ဟုတ်။ သမီးတို့ကျောင်းက သမီးတစ်ယောက်တည်းတော့ မဟုတ်ပါဘူး။ ဒီက နောက်တစ်ယောက်လည်း ရှိပါတယ်။ သူကလည်း ဘာသာစုံဂုဏ်ထူးထွက်တယ်။ ခုနက သမီးပြောသလို သမီးတို့မှာ A1, A2 ရှိတယ် မို့လား။ သူက သမီးထက် A2 ပိုများတယ်။ A2 ပိုများတဲ့အတွက် အမှတ်ကတော့ သမီးထက် နည်းနည်း ပိုနိမ့်တယ်ပေါ့နော်။ ဒါပေမယ့် ဂုဏ်ထူးကတော့ သူနဲ့အတူတူပါပဲ။
.
မြန်မာမိန်းကလေးငယ်တစ်ယောက်အနေနဲ့ တခြားသော မြန်မာမိန်းကလေးငယ်တွေကိုရော ဘယ်လိုစကား လက်ဆောင်ပါးချင်ပါလဲ။

အခုဆို ညီမလေးကို အားကျနေမယ့် မောင်လေး ညီမလေးတွေလည်း ရှိမယ်။ သူတို့သားသမီးကို ညီမလေးကို ဖြစ်စေချင်လိုက်တာဆိုတဲ့ မိဘတွေလည်းရှိမယ်လေ။ ဒီတော့ မောင်ငယ် ညီမငယ်လေးတွေကိုရော ပညာရေးနဲ့ပတ်သက်ပြီး ဘယ်လို အကြံဥာဏ်ပေးချင်သလဲ။
ဘာပြောချင်လဲဆိုတော့ … ကြိုးစားပေါ့နော်။ ကိုယ်လိုချင်တဲ့ ရည်မှန်းချက် တစ်ခုရှိတယ်ဆိုရင် အဲ့ဒီကိုရောက်ဖို့အတွက် ဘယ်လိုနည်းလမ်းနဲ့မဆို ကြိုးစားပေါ့နော်။ Destruction ဘက်ကို သိပ်ပြီး အားမရောက်စေနဲ့ပေါ့နော်။ သမီးတို့က ဒီအတန်းတွေမှာ လူငယ်တွေဆိုတော့လေ Destruction တွေ အများကြီးရှိတယ်။ ကျောင်းမှာလည်းရှိတယ်၊ အပြင်မှာလည်းရှိတယ်။ ဒါပေမယ့် ကိုယ်က ကိုယ်လိုချင်တဲ့ အရာဆီမရောက်သရွေ့ ကြိုးစားရမယ်ပေါ့နော်။ ပျော်ရွှင်မှုကိုလည်းလုပ်ပြီး ကိုယ်ကြိုစားသင့်သလောက်လည်း ကြိုးစားပေါ့နော်။

ညီမငယ်လေးတွေကို ဘာပြောချင်သလဲဆိုတော့ …. မြန်မာပြည်မှာဆို နည်းလမ်းရွေးဖို့က သိပ်မရှိကြဘူးလေ။ ဒေါက်တာလုပ်မလား၊ ဟိုဟာလုပ်မလား၊ ဒီဟာလုပ်မလား ဆိုပြီးတော့ပဲ ရှိတယ်ပေါ့နော်။ ဒါပေမယ့် ဒီမှာရောက်ရင် အဲ့ဒါ ကောင်းတာက ကိုယ်တိုင် ရွေးချယ်စရာတွေက အများကြီးပေါ့။ ရွေးချယ်စရာတွေကို သေချာစဉ်းစားရွေးချယ်ပေါ့နော်။ ပြီးတော့ နိုင်ငံခြားမှာ သွားပြီးတော့ ကျောင်းတက်ရတယ်ဆိုတာ လွယ်ကူတဲ့ကိစ္စရပ် မဟုတ်ဘူးလေ။ တစ်လတစ်လကို School Fees ကလည်းများတယ်။ မိဘက ထောက်ပံ့ရတာလည်း မနည်းဘူးလေ။ ဒီတော့ အဲ့ဒါကို အလကား ဆုံးရှုံးသွားရသလိုမျိုး မဖြစ်စေချင်ဘူးပေါ့။ အဓိကက ကုန်ကျတာနဲ့ တန်အောင် ကြိုးစားရမှာပေါ့နော်။ သြော် နိုင်ငံခြားကိုရောက်သွားပြီပဲ သူတို့ဘ၀က ကောင်းသွားပြီပဲ ဆိုတာမျိုး မဟုတ်ပဲ ကိုယ်က သူများတွေထက် ပိုအောင် ကြိုးစားရမယ်။ ဒီက လူတွေက ဒီမှာမွေးပြီး ကျောင်းလခလည်း အများကြီးမပေးရဘူး။ ကိုယ်တွေက အများကြီးပေးရတယ်၊ နောက်ပြီး သူတို့အတွက်က ဒီလိုကျောင်းတွေကို တက်ဖို့လွယ်တယ်။ သမီးတို့တွေ အတွက်က ဒီလို တက်နိုင်ဖို့မဆိုတာ မလွယ်ဘူး။ ဒါကြောင့် သူတို့တွေထက် ပိုပြီးတော့တောင် ကြိုးစားရမယ်။ ကြိုးစားပြီး သူတို့နဲ့ ယှဉ်နိုင်အောင် သူတို့ထက် ပိုတော်အောင် ကြိုးစားရမယ်။ အဲ့လို အခါကျ နောက် ကိုယ် အလုပ်လုပ်တဲ့အခါကျ ကိုယ့်ရဲ့ ပတ်စ်ပို့စ်ကို မကြည့်တော့ဘဲ ကိုယ့်ထူးချွန်မှုကိုပဲ ကြည့်တော့တယ်။ ဒါကြောင့် အဲ့လို အောင်မြင်ဖို့ အတွက်၊ ကိုယ့်ရည်မှန်းချက် ရောက်ဖို့အတွက် ကြိုးစားစေချင်ပါတယ်လို့။

ဒီစင်္ကာပူမှာက Competitive က အရမ်းများတယ်။ ဒီတော့ ငါက သူများတွေထက်သာအောင် Top ဖြစ်ရမယ် ဘာညာဆိုတဲ့ အတွေးစိတ်ကြီး တအားမ၀င်ပဲ ကိုယ်ရသလောက် ကိုယ့်ဘက်က အကောင်းဆုံးဖြစ်အောင် အစွမ်းကုန် ကြိုးစားဖို့လိုပါတယ်။ သမီးလည်း အခုလိုရမယ်လို့ တစ်ခါမှ မစဉ်းစားဖူးဘူး။ All D ထွက်ရမယ်လို့လည်း ရည်မှန်းချက်ထားထားတာ မဟုတ်ဘူးပေါ့နော်။ အဲ့လိုမျိုး ထားရင် ပိုပြီးတော့ မလိုအပ်တဲ့ Pressure တွေများတယ်ပေါ့။ ဒါကြောင့် ကိုယ်တိုင် ထိပ်ဆုံးမရောက်ရင်တောင် အကောင်းဆုံးအတွက် ကြိုးစားအားထုတ်နေဖို့လိုပါတယ်။
.
ညီမလေးက အခုဒီမှာ ကျောင်းလာတက်တယ်။ Student Pass နဲ့ တက်နေတယ်။ ဒီတော့ ညီမလေး အနေနဲ့ တစ်ချိန်ချိန်မှာ မြန်မာနိုင်ငံကို ဘယ်လိုပုံစံနဲ့ အထောက်အကူဖြစ်အောင် လုပ်မယ်ဆိုတာမျိုး စိတ်ကူးမိတာမျိုးရှိလား။

တွေးမိတယ်။ အရင်တုန်းက … သမီး ဆရာဝန်ဖြစ်ချင်တုန်းကပေါ့နော်။ မြန်မာပြည်မှာ ဆေးရုံထောင်ချင်တယ်။ သိပ်မတတ်နိုင်တဲ့သူတွေကို ကူညီချင်တယ်ဆိုတာမျိုးရှိတယ်။ အခုကျတော့ အဲ့လို ဆရာဝန်ဖြစ်ဖို့ မရှိဘူးဆိုတော့ သမီးပိုပြီး တော်မယ်ဆိုရင် ဘာသာ စကားတွေကို နည်းနည်းပိုသင်မယ်။ ပြီးရင် မြန်မာပြည်ကနေပြီးတော့ Ambassador လုပ်ဖို့လည်း စဉ်းစားထားတယ်။ နောက် ဘယ်လို ကူညီပေးမလဲဆိုတာ အခုလောလောဆယ် ဘယ်လိုကူညီရမလဲဆိုတာ မသိသေးဘူး။ သမီးကျောင်းပြီးလို့ ဘွဲ့ရပြီဆိုတဲ့အခါမှ မြန်မာပြည်က အခြေအနေကိုကြည့်ပြီး သမီး ကူညီနိုင်သလောက် ကူညီမှာပါ။ သမီး အဖေကလည်း မြန်မာပြည်ကို သိပ်ချစ်တယ်။ ဒီတော့ သမီးက မြန်မာပြည်ကို ဆက်သွယ်ပြီး တစ်ခုခုတော့ ဖြစ်အောင် လုပ်မှာပါ။
.
ညီမလေး (၁၈)နှစ်ပြည့် မွေးနေ့တုန်းက ညီမလေးရဲ့ မေမေက ဆုတောင်းပေးတာလေး အစ်မ ဖတ်လိုက်ရတယ်။ GCD O-Level ကို ထူးထူးချွန်ချွန်အောင်မြင်ပါစေတဲ့။ အခု ညီမလေးက ထူးထူးချွန်ချွန်အောင်မြင်တော့ မေမေ့ဆုတောင်းလေးလည်း ပြည့်တယ်။ ညီမလေးရဲ့ ကြိုးစားအားထုတ်မှုလည်း ပါတယ်ပေါ့နော်။ အဲ့ဒီအပေါ် ညီမလေး ဘယ်လို ခံစားရလဲ။

ဟုတ်။ မေမေ့ရဲ့ ဆုတောင်းလည်းပါတာပေါ့။ အများရဲ့ ဆုတောင်းတွေလည်း ပါတာပေါ့နော်။ ၀မ်းသာပါတယ်။
.
အစ်မက အများကြီး မေးပြီးသွားပြီဆိုတော့ တစ်ခြား ထပ်မေးဖို့တော့ မရှိတော့ဘူး။ ညီမလေး အနေနဲ့ရော ဘာများ ထပ်ဖြည့် ပြောချင်တာရှိလဲ။

စင်္ကာပူမှာ ကျောင်းလာတက်ချင်တယ်၊ ဒါမှမဟုတ် ကျောင်းလာတက်ရင်း တစ်ခုခု အခက်အခဲရှိတယ်ဆိုရင် သမီးကို ဆက်သွယ် မေးမြန်းနိုင်ပါတယ်။ အကြံဥာဏ်လိုအပ်တယ်ဆိုရင်လည်း သမီးတတ်နိုင်သလောက် ကူညီမှာပါ။ မိဘတွေအနေနဲ့လည်း သမီးကို ခေါ်လို့ရပါတယ်။ သမီးလည်း ဒီကိုလာတုန်းက အဲ့လိုပဲ မြန်မာတစ်ချို့ကို ကျောင်းနဲ့ ပတ်သက်တာတွေ မေး ရတယ်၊ ကျောင်းဝင်ခွင့်ရဖို့ ဘယ်လို လုပ်ရမလဲ၊ ၀င်ခွင့်ရရင် ဘယ်လိုဘာသာရပ်တွေ ရွေးချယ်သင့်လဲ ဆိုတာကိုပေါ့။ သမီးကိုလည်း ကြိုက်တာ မေးလို့ရပါတယ်။   နောက်ပြီး ဆရာဦးကျော်ညွန့် (G.T.I)ကလည်း စာသင်ပေးတယ်ဆိုတော့ ဆရာ့ဆီကိုလည်း ဆက်သွယ်လို့ရပါတယ်။

.
အခုလို ဖြေပေးတာအတွက် ကျေးဇူးအများကြီးတင်ပါတယ် ညီမလေး။

အခုလို မေးတဲ့အတွက် သမီးလည်း ကျေးဇူးအများကြီးတင်ပါတယ်။ သမီးရဲ့ အဖေနဲ့အမေကိုလည်း ကျေးဇူးတင်ပါတယ်။ နောက်ပြီး သမီးဒီကို စရောက်တော့ စာသင်ပေးခဲ့တဲ့ ဆရာဦးကျော်ညွန့် (G.T.I)ကိုလည်း ကျေးဇူးအများကြီးတင်ပါတယ်။

 ညီမငယ် ယွန်းရတီရဲ့ အောင်မြင်မှုအပေါ် မိခင်တစ်ယောက်အနေနဲ့ ခံစားချက်ကို မိခင်ဖြစ်သူ ဒေါ်သီတာကျော်က အခုလို ပြောပါတယ်။

အစ်​မက သမီးကိုငယ်​ငယ်​ကတည်းက စာနဲ့ပတ်​သက်​ပြီး ဖိအားမ​ပေးခဲ့ဘူး၊ ဒါ​ပေမယ့်​ သမီးကို အမြဲတမ်း​ပြောဖြစ်​ခဲ့တာက​တော့ သမီးဟာ တစ်ဦးတည်း​သောသမီးဖြစ်​လို့ ကိုယ်​​ခြေ​ထောက်​​ပေါ်ကိုယ်​ရပ်​တည်​နိုင်​​အောင်​ကြိုးစားရမယ်​။ မှီခိုသူမဖြစ်​​စေချင်​ဘူး။

အစ်မ စင်​ကာပူမှာ ရှိ​နေကတည်းက သူ့ကို ခဏခဏ​ပြောဘူးတာက သမီးကို အ​မေက အရမ်းထူးခွန်တဲ့ ပညာတတ်​ တစ်​ယောက်​ဖြစ်ပြီး နိုင်​ငံတကာနဲ့ ဆက်​ဆံရတဲ့ UN လို​နေရာမျိုးမှာလုပ်​​စေချင်​တယ်​။
အဲလို​တော့​ပြော ဘူးတယ်။ ကိုယ့်​ တိုင်းပြည် အများ​ကောင်းကျိုးအတွက်​ လုပ်​တဲ့အလုပ်​မျိုး​ပေါ့။ ဒီ​လောက်​ပါပဲ။

သမီး ဆုရလိမ့်​မယ်​လို့ လုံးဝမ​မျှော်​လင့်​ထားဘူး။ ကိုယ်​အနားမှာမရှိတာမို့ JC ရဖို့ပဲ ​မျှော်​လင့်​ခဲ့တာပါ။

အခုလို​ အောင်​မြင်​သွားတာမြင်​ရ​တော့ အရမ်းဝမ်းသာပြီး အဲဒီ​နေ့ညက တစ်ညလုံး အိပ်​လို့မ​ပျော်​ပဲ ငို​နေမိတယ်။ မြန်​မာ​တွေအားလုံး ဂုဏ်​ပြုစကား​ပြောကြတဲ့အတွက်​ ပိုပြီးပီတိ ဖြစ်​မိပါတယ်​။

* * * * * * * * * * * * * * * * * * * *
* * * စင်္ကာနိုင်ငံ GCE O-Level က ထူးချွန် မြန်မာကျောင်းသူလေးကို ဆက်သွယ်မေးမြန်းရာမှာ ဖြေကြားပေးတဲ့ ညီမငယ်လေး ယွန်းရတီနိုင်ကို ကျေးဇူးအများကြီး တင်သလို မေးမြန်းဖို့ ခွင့်ပြုပေးခဲ့တဲ့ ယွန်းရတီရဲ့ မိဘနှစ်ဦးကို ကျေးဇူးအထူးတင်ရှိပါတယ်။
ညီမလေး ယွန်းရတီကို ဆက်သွယ်မေးမြန်းရာမှာ ကူညီပေးခဲ့ကြသူများကိုလည်း ကျေးဇူးတင်ရှိပါကြောင်း … ။

ဆက်စပ်သတင်း ဖတ်ရန်

စင်ကာပူကျောင်းမှာ မြန်မာကျောင်းသူ GCE O-Level ကို ဘာသာစုံ ဂုဏ်ထူးဖြင့် ထူးချွန်စွာ အောင်မြင်