Category: ဆောင်းပါး

အလုပ်သမားများ၏ ရပိုင်ခွင့်နှင့် အခွင့်အရေးများသည် ယနေ့ကမ္ဘာတွင် အရေးတကြီး ဆွေးနွေးစရာ ခေါင်းစဉ်ကြီးများအနက် တစ်ခု ဖြစ်နေဆဲပင်။ အလုပ်သမားများနှင့်ပတ်သက်၍ အစ္စလာမ်သာသနာကရော မည်သို့ သွန်သင်ဆုံးမထားသည်ကို လေ့လာကြည့်ကြပါစို့…။

အစ္စလာမ့်အခြေခံတန်ဖိုးမှာ တရားမျှတခြင်းပင်ဖြစ်သည်။ လူ့အသိုင်းအဝန်းတစ်ခုအတွင်း တရားမျှတခြင်းမရှိပါက ငြိမ်းချမ်းမှုနှင့် သဟဇတဖြစ်မှု လုံးဝ ရှိလိမ့်မည်မဟုတ်ပေ။ တရားမျှတခြင်းကို ကုရ်အာန်ကျမ်းတော်မြတ်တွင် အလ်-အဒ်လ် နှင့် အလ်-ကိစ်သ် ဟူ၍ အရဗီအသုံးအနှုန်းနှစ်ခုဖြင့် ဖော်ပြထားသည်။ အဒ်လ်ဆိုသည်မှာ အစွန်းနှစ်ဖက်ကို ရှောင်ပြီး အလယ်အလတ်ကျမျှတခြင်းဖြစ်ပြီး၊ ကိစ်သ်ဆိုသည်မှာ လောကရှိ လူတိုင်း သတ္တဝါတိုင်းနှင့် အရာရာတိုင်းတွင် ထိုက်တန် သင့်လျော်သော ရပိုင်ခွင့် အခွင့်အရေးများရှိကြောင်းကို အသိအမှတ်ပြုလက်ခံခြင်း ဖြစ်သည်။ တစ်ဖက်သား၏ ရပိုင်ခွင့်များကို အပြည့်အဝပေးခြင်းသည် တရားမျှတခြင်းဖြစ်ပြီး မပေးခြင်း၊ လျစ်လျူရှုခြင်းသည် မတရားမှု မမျှတမှုပင်ဖြစ်သည်။ အလ္လာဟ်အရှင်မြတ်က ကျမ်းတော်မြတ်တွင် တရားမျှတရန် လေးနက်စွာ မိန့်တော်မူထားသည်မှာ-

“အို-သက်ဝင်ယုံကြည်သူအပေါင်းတို့၊ အသင်တို့သည်(မည်သည့်ကိစ္စမျိုး၌မဆို) တရားမျှတမှုအပေါ်၌ မြဲမြံစွာ တည်တံ့သူများ ဖြစ်ကြလေကုန်။ မိမိတို့ ကိုယ်ကျိုးနှင့်ဆန့်ကျင်သည်ဖြစ်စေ၊ မိဘနှစ်ပါးနှင့် ဆန့်ကျင်သည်ဖြစ်စေ၊ ဆွေမျိုးနီးစပ်တို့နှင့် ဆန့်ကျင်သည်ဖြစ်စေ၊ အလ္လာဟ်အရှင်မြတ်ကိုသာ ထောက်ထား၍ (တိကျမှန်ကန်စွာ) သက်သေခံသူများပင် ဖြစ်ကြလေကုန်။
 အကယ်၍ (အသင်တို့က) ဆန့်ကျင်၍ သက်သေထွက်ဆိုရမည့်သူသည် ချမ်းသာကြွယ်ဝသူပင်ဖြစ်စေ၊ ဆင်းရဲသူပင်ဖြစ်စေ(မည်သို့ပင် ဖြစ်စေကာမူ) အလ္လာဟ်အရှင်မြတ်သည် (အသင်တို့ထက်) ၎င်းတို့နှစ်ဦးလုံးနှင့် အနီးစပ်ဆုံးသောအရှင်ဖြစ်တော်မူပေ၏။ သို့ဖြစ်ပေရာ အသင်တို့သည် တရားမျှတမှုမှ တိမ်းစောင်းမသွားကြရန် စိတ်၏ အလိုဆန္ဒကို မလိုက်နာ မလိုက်စားကြကုန်လင့်။
 သို့ရာတွင် အကယ်၍ အသင်တို့သည် ကွေ့ကောက်ပြောဆိုကြပါလျှင်၊ သို့တည်းမဟုတ် လွှဲဖယ် တိမ်းရှောင်ကြပါလျှင် ဧကန်မလွဲ အလ္လာဟ်အရှင်မြတ်သည် အသင်တို့ပြုမှုသမျှတို့ကို အကြွင်းမဲ့ သိမြင်တော်မူသော အရှင်မြတ်ပင် ဖြစ်တော်မူပေသတည်း။” (အမျိုးသမီးကဏ္ဍ၊ ပါဒတော် ၁၃၅)

လူသားတိုင်းတွင် လူသားဖြစ်ခြင်းနှင့်ပတ်သက်ပြီး သာတူညီမျှ အခွင့်အရေး ရြှိကပေသည်။ ထိုအခွင့်အရေးသည် အသားအရောင်၊ လူမျိုး၊ ယောက်ျားဖြစ်မှု မိန်းမဖြစ်မှုနှင့် ဘယ်အရပ်ဒေသမှာ မွေးဖွားသည်၊ ငယ်ခြင်း ကြီးခြင်း၊ ဆင်းရဲချမ်းသာ စသည်တို့ပေါ်တွင် မမူတည်ပေ။  အလ္လာဟ်အရှင်မြတ်က မိန့်တော်မူထားသည်မှာ-

“အို-လူခပ်သိမ်းတို့။ ဧကန်မလွဲ ငါအရှင်မြတ်သည် အသင်တုိ့အား ယောက်ျားတစ်ယောက်၊ မိန်းမတစ်ယောက်မှ ဖန်ဆင်းတော်တော်မူခဲ့၏။ ထို့ပြင် ငါအရှင်မြတ်သည် အသင်တို့အချင်းချင်း တစ်ဦးကို တစ်ဦး ခွဲခြားသိမြင်မှတ်မိကြအံ့သောငှာ လူမျိုးစု အသီးအသီး၊ မျိုးနွယ်အသွယ်သွယ်ပြုလုပ်တော်မူခဲ့၏။ ဧကန်စင်စစ် အသင်တို့အနက် (အလ္လာဟ်အရှင်မြတ်အား) အကြောက်ရွံ့ဆုံး၊ အပြစ်များမှ အများဆုံး ရှောင်ကြဉ်သူသည် သာလျှင် အလ္လာဟ်အရှင်မြတ်အထံတော်၌ အမြင့်မြတ်ဆုံးသောသူဖြစ်၏။” (အတွင်းဆောင်များကဏ္ဍ၊ ပါဒတော် ၄၉)

မုဟမ္မဒ်သခင်ကိုယ်တော်မြတ်(ငြိမ်းချမ်းပါစေကြောင်းမေတ္တာပို့သပါသည်)ကလည်း နောက်ဆုံးဟဂ်ျမိန့်ခွန်းတော်တွင် ဟောကြားတော်မူခဲ့သည်မှာ-

“အရဗ်လူမျိုးဖြစ်ခြင်းသည် အခြားလူမျိုးထက် မြင့်မြတ်မှု သာမြတ်မှုမရှိ၊ အခြားလူမျိုးဖြစ်ခြင်းသည်လည်း အရဗ်လူမျိုးများထက် မြင့်မြတ်မှု၊ သာမြတ်မှုမရှိ။ လူမည်းဖြစ်ခြင်းကြောင့် လူဖြူများထက် မြင့်မြတ်မှု သာမြတ်မှုမရှိ။ လူဖြူဖြစ်ခြင်းကြောင်းလည်း လူမည်းများထက် မြင့်မြတ်မှုမရှိ။ သို့သော်မြင့်မြတ်မှု သာမြတ်မှုသည် ကိုယ်ကျင့်တရား မြင့်မြတ်ကောင်းမွန်မှုအပေါ်မှာသာ တည်ရှိသည်။”

အလုပ်လုပ်ခြင်းနှင့် အလုပ်သမားများနှင့်ပတ်သက်၍

အစ္စလာမ်သည် အလုပ်လုပ်ခြင်းကို ဂုဏ်ပေးသည်။ ကိုယ့်အားကိုယ်ကိုးရန် သွန်သင်သည်။ သို့သော် အလုပ်လုပ်ခြင်းဆိုရာ၌ ထိုအလုပ်သည် တရားသော သမာအာဇီဝအလုပ်မျိုးဖြစ်ရပေမည်။ အလုပ်လုပ်သူ သည်လည်း ရိုးသားမှုနှင့် စိတ်စေတနာဖြူစင်မှုအပေါ် အခြေခံရပေမည်။ မတရားသော လူမှုကျင့်ဝတ်နှင့် မညီသော အလုပ်များ ဥပမာ- အရက်သေစာဘိန်းဘင်းကစော်ရောင်းဝယ်ဖောက်ကားခြင်း၊ ချဲထီနှစ်လုံးမှစ၍မျိုးစုံသော လောင်းကစားဝိုင်းများ၊ အနှိပ်ခန်းမှစ၍ ပြည့်တန်ဆာခန်းများဖွင့်ခြင်း၊ လူမှောင်ခိုကူးခြင်း၊ အမြတ်ကြီးစားခြင်း၊ စားသုံးသူတို့ ဒုက္ခရောက်စေရန် ပစ္စည်းများသိုလှောင်ခြင်း၊ အပေါင်ခံအတိုးစားခြင်း စသည်တို့ကို အစ္စလာမ်က ပြင်းထန်လေးနက်စွာ တားမြစ်ထားသည်။ အလုပ်ရှင်ရော အလုပ်သမားများပါအားလုံး ရိုးသားရမည်ဖြစ်ပြီး တစ်ဦးနှင့် တစ်ဦး တရားမျှတစွာ အပြန်အလှန် ဆက်ဆံရမည်ဖြစ်သည်။

အလုပ်သမားများအရေးနှင့်ပတ်သက်ပြီး အချက်ငါးချက်ပေါ် အခြေခံကာ ဆက်လက်တင်ပြပါမည်။

(၁) ရှင်းလင်းသင့်တော်သော သဘောထူညီချက်များ

နှုတ်ဖြင့်ဖြစ်စေ ရေးသားချုပ်ဆိုသည်ဖြစ်စေ သဘောတူညီချက်များ၊ စာချုပ်များအားလုံးသည် ရှင်းလင်းကာ ပွင့်လင်းမြင်သာရပေမည်။ တရားမျှတရပေမည်။ တရားဥပဒေနှင့်ညီညွတ်ရပေမည်။ (တရားဥပဒေဆိုရာတွင် မတရားသော ဥပဒေများ၊ ဖိနှိပ်ထားသည့် ဥပဒေများကို ဆိုလိုခြင်းမဟုတ်ဘဲ ဖြောင့်မတ်မှန်ကန်သော သစ္စာတရားပေါ်တွင် အခြေခံသည့် ဥပဒေကို ဆိုလိုသည်။) အလုပ်ရှင်များအနေဖြင့် အလုပ်သမားတိုင်းကို သူတို့၏ လုပ်ငန်းတာဝန်များသာမက  ရပိုင်ခွင့်များဖြစ်သည့် ခွင့်၊ အစားပေးခြင်း၊ ခွင့်ရက်ရှည်များ စသည့်တို့ကိုလည်း အသိပေးခြင်းခံထားရပေမည်။ အလ္လာဟ်အရှင်မြတ်က မိန့်တော်မူသည်မှာ-

“အို-ယုံကြည်သူအပေါင်းတို့၊ အသင်တို့သည် (မိမိတို့ထားရှိကြသော) ပဋိညာဉ် ကတိဝန်ခံချက်များအတိုင်း လိုက်နာဆောင်ရွက်ကြလေကုန်။” (ခဲဘွယ်ဘောဇဉ်ကဏ္ဍ၊ ပါဒတော် ၁)

ကိုယ်တော်မြတ်မုဟမ္မဒ်သခင်(ငြိမ်းချမ်းပါစေကြောင်း မေတ္တာပို့သပါသည်)ကလည်း မိန့်တော်မူခဲ့သည်မှာ-

“မတရားတာကို တရားတာလုပ်ထားတာ၊ သို့မဟုတ် တရားတာကို မတရားတာလုပ်ထားတာတွေ မဟုတ်ရင် မွတ်စလင်မ်တွေ မိမိတို့ သဘောတူညီချက် ကတိခံဝန်ချက်များကို လိုက်ကို လိုက်နာကြရမည်။” (သိရ်မိဇိ သြဝါဒကျမ်းတော်)
ထို့ကြောင့် အစ္စလာမ့်တရားတော်အရ အလုပ်ရှင်ရော အလုပ်သမားများပါ မိမိတို့ သဘောတူညီချက် ကတိများကို မိမိတို့အစွမ်းရှိသလောက် အကောင်းဆုံး ဖြည့်ဆည်းရပေမည်။

(၂) အလုပ်သမားများ၏ ဂုဏ်သိက္ခာ

အစ္စလာမ့်တရားတော်သည် လူသားတို့အား တရားသော ကုန်သွယ်စီးပွားရှာခြင်းနှင့် အသက်မွေးဝမ်းကျောင်းပြု အလုပ်လုပ်ကိုင်ခြင်းများကို တိုက်တွန်းခွင့်ပြုထားပေးသည်။ သို့ဖြစ်၍ အလုပ်လုပ်သူတိုင်းကို ဂုဏ်ပေးကာ ဆက်ဆံရပေမည်။ တရားသော အလုပ်ဟူသမျှ ဂုဏ်ရှိစွ ဆိုသည့် အတိုင်းပင်။ မုဟမ္မဒ်သခင်(ငြိမ်းချမ်းပါစေကြောင်း မေတ္တာပို့သပါသည်)သည် အလုပ်ကြိုးစားခြင်းကြောင့် ကြမ်းမာနေသောလက်ရှင်များကို မြတ်နိုးတော်မူပြီး လူပျင်းလူဖျင်းများ၊ သူတောင်းစားများနှင့်ယှဉ်လျှင် များစွာဂုဏ်ပေး ဆက်ဆံစကားပြောတော်မူလေ့ရှိပြီး ဒုအာဆုမွန်ကောင်းတောင်းပေးလေ့ရှိသည်။ အစ္စလာမ်သည် အလုပ်သမားများကို ကြင်နာစွာ ဆက်ဆံရန် သင်ကြားသည်။ အလ္လာဟ်အရှင်မြတ်က မိန့်တော်မူသည်မှာ-

“အသင်တို့သည် အလ္လာဟ်အရှင်မြတ်အား ခဝကိုးကွယ် ဆည်းကပ်ကြလေကုန်။ ၎င်းပြင် အသင်တို့သည် မည်သည့် တစုံတရာကိုမျှ ထိုအရှင်မြတ်နှင့် တွဲဘက်နှိုင်းယှဉ်ခြင်း မပြုကြကုန်လင့်။ ထိုမှတပါးတုံ အသင်တို့သည် အမိအဘနှစ်ပါးတို့ကိုလည်းကောင်း၊ ဆွေမျိုးနီးစပ်တို့ကိုလည်းကောင်း၊ မိဘမဲ့ကလေးတို့ကိုလည်းကောင်း၊ အထီးကျန်သူဆင်းရဲတို့ကိုလည်းကောင်း၊ နီးကပ်သော အိမ်နီးချင်းတို့ကိုလည်းကောင်း၊ ဝေးလံသော အိမ်နီးချင်းတို့ကိုလည်းကောင်း၊ အပေါင်းအဖော်တို့ကိုလည်းကောင်း၊ ခရီးသည်တို့ကိုလည်းကောင်း၊ အသင့်တို့ ညာဖက်လက်မှ ပိုင်ဆိုင်သောသူများ(မိမိတို့လက်အောက်ခံများနှင့် အလုပ်သမားများ)ကိုလည်းကောင်း ကောင်းစွာ ဆက်ဆံ ပြုစုကြလေကုန်။ ဧကန်စင်စစ် အလ္လာဟ်အရှင်မြတ်သည် မာနထောင်လွှားသောသူ၊ ဝင့်ကြွားပြောဆိုသောသူကို နှစ်သက်တော်မူသည် မဟုတ်ပေ။ အကြင်သူတို့သည် မိမိတို့ကိုယ်တိုင်လည်း စေးနဲကြကုန်၏။ သူတပါးတို့အားလည်း စေးနဲကြစေရန် ညွှန်ကြားကြ၏။ ထိုမျှသာမကသေး ယင်းသူတို့သည် ၎င်းတို့အား အလ္လာဟ်အရှင်မြတ်က မိမိကျေးဇူးတော်နှင့်  ပေးသနားတော်မူခဲ့သော အရာများကိုလည်း (လှူဒါန်းသုံးစွဲခြင်းမပြုဘဲ) လျှို့ဝှက် ထိမ်ချန်၍ ထားရှိကြ၏။ အမှန်စင်စစ် ငါ အရှင်မြတ်သည် ကျေးဇူးကန်းသော သူတို့အဖို့ ဂုဏ်အသရေ ပျက်စီးစေသော အပြစ်ဒဏ်ကို အသင့်ပြင်ဆင် ထားရှိတော်မူသည်။” (အမျိုးသမီးများကဏ္ဍ၊ ပါဒတော် ၃၆နှင့် ၃၇)

(၃) အလုပ်သမားများအပေါ် သနားကြင်နာခြင်း

အလုပ်သမားများသည် ကျွန်တော်တို့ ညီနောင်များ ညီအစ်မများပင်ဖြစ်ကြသည်။ သူတို့သည် ကျွန်တော်တို့ကို ကူညီသူများလည်းဖြစ်ကြသည်။ ကိုယ်တိုင်မလုပ်နိုင်သော အရေးကိစ္စများစွာအတွက် သူတို့ကို ကျွန်တော်တို့ မှီခိုနေရသည်။ အလုပ်ရှင်များသည် အလုပ်သမားများကို သူတို့လုပ်နိုင်စွမ်းထက် ပိုလွန်ပြီး တာဝန်များ အလုပ်များ မခိုင်းစေသင့်ပါ။ အလုပ်သမားများအတွက် လူသားဆန်ပြီး လုံခြုံသော လုပ်ငန်းခွင်ကို စီစဉ်ပေးရမည်။ အကယ်၍များ လုပ်ငန်းခွင်တွင် ထိခိုက်အနာတရာများရှိခဲ့ပါလျှင် ရပိုင်ခွင့်များနှင့် အစားပေးခြင်းများကို စီစဉ်ပေးရပါမည်။ အလုပ်သမားများကို အလုပ်အတွင်း အမြဲတမ်းနစ်မွန်းမနေစေဘဲ သူတို့ကိုယ်တိုင်နှင့် မိသားစုအတွက် ကိုယ်ပိုင်ချိန် ရှိစေရန်လည်း စီစဉ်ပေးရမည်။  အရွယ်မရောက်သေးသောကလေးငယ်များနှင့် လုပ်ငန်းလုပ်ဆောင်ရန် အရည်အသွေးမရှိလောက်အောင် စိတ် သို့မဟုတ် ကိုယ် မကျန်းမာ သူများကို အလုပ်မခိုင်းစေသင့်ပါ။ အလုပ်သမနှင့် အမျိုးသမီးဝန်ထမ်းများအတွက်လည်း ကာယအိနြေ္ဒမှအစ အစစအရာအရာ လုံခြုံစိတ်ချရသော လုပ်ငန်းခွင်ဖြစ်စေရန် စီစဉ်ထားရပေမည်။

ကာယအိနြေ္ဒရေနှင့်  မကိုက်ညီသော အလုပ်များ (ယနေ့ ဆေးလိပ်နှင့် အရက်ကုမ္ပဏီများ၊ ဆေးလိပ်နှင့် အရက်ပရိုမိုးရှင်းများ၊ အရက်ဘီယာရောင်းချသော စားသောက်ဆိုင်များတွင် မြန်မာပြည်အမျိုးသမီးငယ်များကို လျပ်ပေါ်လော်လီစွာဝတ်စားစေကာ၊ အလှပြင်၊ စကတ်တိုများဝတ်စားစေကာ ကြော်ငြာများရိုက်ခြင်းနှင့် ညအချိန်အထိ အလုပ်များခိုင်းစေခြင်း၊ ကေတီဗီများနှင့် အနှိပ်ခန်းများကို လူသိရှင်ကြားဖွင့်ခြင်း စသည်တို့ကို တွေ့နေရသည်မှာ လွန်စွာ ဝမ်းနည်းဖွယ်ကောင်းလှပါသည်။ ပို၍ ဝမ်းနည်းဖွယ်၊ ရှယ်ဖွယ်ကောင်းသည်မှာ မိမိတို့ကိုယ်ကို အမျိုးဘာသာသာသနာကို စောင့်ရှောက်ကာကွယ်နေသူများဟု သံကုန် ဟစ်ကြွေးနေသူများသည် ထိုအရေးကိစ္စများတွင်မူ နှုတ်ဆိတ်နေပြီး မိမိတို့ဘာသာတရားက သွန်သင်သော မေတ္တာခန္တီတရားနှင့်ဝေးစွာသော လုပ်ရပ်များတွင် အားစိုက်အချိန်ကုန်ခံနေခြင်းများပင်ဖြစ်သည်။ ပို၍ သနားဖွယ်ကောင်းသည်မှာ ထိုသို့သော တလွဲဆံပင်ကောင်းများနောက်သို့လိုက်ကာ မိမိတို့တန်ဖိုးရှိသော အချိန်နှင့် အင်အားများကို ပေးနေသော ကျွန်တော်တို့ ညီနောင် ဘာသာခြား မြန်မာပြည်သူ ညီနောင်သားချင်းများပင်။ (မလုပ်သောသူများကို မဆိုလိုပါ) မြန်မာပြည်သူမွတ်စလင်မ်များအနေနဲ့ ဝမ်းမြောက်စရာမှာ ထိုရှယ်ဖွယ်ကောင်းသော လုပ်ငန်းများတွင် မွတ်စလင်မ်များမရှိသလောက်နည်းခြင်းပင်ဖြစ်သည်။) များ မလုပ်ရန်နှင့် အလုပ်သမများ၏ မီးဖွားမှုရပိုင်ခွင့်များကို စီစဉ်ပေးထားရမည်။ မုဟမ္မဒ်သခင်(ငြိမ်းချမ်းမှုကျရောက်ပါစေကြောင်း မေတ္တာပို့သပါသည်)က သြဝါဒချွေတော်မူခဲ့သည်မှာ-

 

“အသင့် ညီနောင်များနှင့်ပတ်သက်၍ အသင်တို့တွင် တာဝန်အပြည့်အဝရှိပေသည်။ အလ္လာဟ်အရှင်မြတ်က သူတို့ကို အသင့်လက်အောက်ခံအဖြစ်ထားတော်မူသည်။ ထို့ကြောင့် အသင့်လက်အောက်ရှိ ညီနောင်တိုင်းကို အသင်စားသကဲ့သို့ ကျွေးမွေးပါ။ အသင်ဝတ်ဆင်သကဲ့သို့ ဝတ်စားပေးပါ။ သူတို့အပေါ်မှာ ဝန်ထုပ်ဝန်ပိုးဖြစ်စေမည့် မနိုင်တာဝန်များကို မပေးပါနှင့်။ ထိုကဲ့သို့သော တာဝန်ကြီးများပေးခဲ့လျှင် သူတို့ကို အလုပ်ကူများ စီစဉ်ပေးပါ။” (ဗုခါရီသြဝါဒတော်ကျမ်း)

(၄) လုပ်အားခကို ထိုက်သင့်စွာနှင့် အချိန်မှီပေးအပ်ခြင်း

လုပ်သားများကို လုပ်အားခ ထိုက်သင့်စွာနှင့် တရားမျှတစွာပေးအပ်ရမည်။ အစ္စလာမ်တွင် မည်သူတစ်ဦးတစ်ယောက်ကိုမှ မတရားလုပ်ခြင်းကို ခွင့်မပြုချေ။ အလ္လာဟ်အရှင်မြတ်က မိန့်တော်မူသည်မှာ-

“…အသင်တို့သည် လူတို့အား ၎င်းတို့၏ ဥစ္စာပစ္စည်းများကို မတရားသဖြင့် လျှော့၍ပေးခြင်းကိုလည်း မပြုကြကုန်လင့်၊…” (ကြငှန်းများကဏ္ဍ၊ ပါဒတော် ၇)

အလ္လာဟ်အရှင်မြတ်က မိမိတို့ရပိုင်ခွင့်များကို အပြည့်အဝယူပြီးနောက်သော်မှ သူတစ်ပါးတို့အား လျှော့ပေးခြင်းသူများကို သတိပေးထားသည်မှာ-

“အလေး၊ တင်းတောင်း၊ ခွက်၊ စသည်ကို စဉ်းလဲသူတို့သည် ပျက်စီးကြရပေမည်။ အကြင်သူတို့သည် သူတပါးထံမှ ခြင်တွယ်၍ ယူကြရသောအခါ အပြည့်ရယူကြလေသည်။ သို့ရာတွင် ၎င်းတို့သည် သူတပါးတို့အားခြင်တွယ်၍ သော်လည်းကောင်း၊ သူတပါးတို့အား ချိန်တွယ်၍ သော်လည်းကောင်း ပေးကြသောအခါ လျှော့၍ ပေးကြလေသည်။ ၎င်းတို့သည် မိမိတို့မှာ ဧကန်အမှန် ရှင်ပြန်ထကြရမည့်သူများ ဖြစ်ကြသည်ကို မယုံကြည်ကြလေသလော။ ကြီးကြယ်လှစွာသောနေ့တွင်။ အကြင်နေ့တွင် လူခပ်သိမ်းတို့သည် စကြဝဠာခပ်သိမ်းကို ဖန်ဆင်းမွေးမြူတော်မူသော အရှင်မြတ်၏ ရှေ့တော်မှောက်တွင် ရပ်ကြကုန်အံ့သတည်း။”
(အလေးတင်းတောင်းစဉ်းလဲခြင်းကဏ္ဍ၊ ပါဒတော် ၁ မှ ၆)
မုဟမ္မဒ်သခင်(ငြိမ်းချမ်းမှုကျရောက်ပါစေကြောင်းမေတ္တာပို့သပါသည်)က မိန့်ကြားတော်မူခဲ့သည်မှာ-
“အလုပ်သမားများအား ချွေးမခြောက်ခင် လုပ်အားခပေးချေကြလေ့ာ။” (အဗ်နေ့မဂျဟ်သြဝါဒတော်ကျမ်း)

(၅) သမဂ္ဂများနှင့် အသင်းအဖွဲ့များ ဖွဲ့စည်းခွင့်ပေးခြင်း

အထက်ပါ အချက်အလက်များအပေါ်အခြေခံကာ အစ္စလာမ့်သွန်သင်ချက်အရ အလုပ်သမားများအနေဖြင့် အသင်းအဖွဲ့များ အစည်းအရုံးများ လွတ်လပ်စွာ ဖွဲ့စည်းပိုင်ခွင့် ရှိပေသည်။ အထူးကုန်သွယ်မှုသမဂ္ဂများနှင့် အသင်းအဖွဲ့များသည် လူသမားတို့၏ လုပ်ငန်းခွင်နှင့် လူမှုရေးများကို ကူညီနိုင်ပေသည်။ ထိုအဖွဲ့များသည် လူသမားများ၏ ရပိုင်ခွင့်နှင့် အခွင့်အရေးများနှင့်ပတ်သက်ပြီး တရားမျှတမှုရရှိစေရန်လည်း အကူအညီများပေးနိုင်သည်။ သို့သော် အလုပ်ရှင်များရော အလုပ်သမားများပါ မိမိတို့တာဝန်ဝတ္တရားများနှင့် ရပိုင်ခွင့်များနှင့်ပတ်သက်ပြီး အလ္လာဟ်ရှင်မြတ်ကို ကြောက်စိတ်နှင့် သိစိတ်ထားရှိကာ လိုက်နာကြရပေမည်။

Muzammil H.Siddiq, Director, Orange County Islamic Centre, California ၏ OnIslam မှ Rights of Workers in Islamဆောင်းပါးကို ဆီလျော်အောင် မြန်မာပြန်ဆိုပါသည်။

အထက်ပါ ဆောင်းပါးဖြင့် MMSY Media မှ မေလ(၁)ရက်နေ့တွင် ကျရောက်သော အလုပ်သမားနေ့ ကို ဂုဏ်ပြုလိုက်ပါသည်။

ကျွန်တော် ဆယ်တန်းအောင်ပြီးစ အချိန်- ၁၉၈၆ ခုနှစ်က ရခိုင်ပြည် သံတွဲမြို့နယ်ရှိ ကျီးကန်းရဲကျေးရွာလေးကို အလည်သွားတော့- တောနယ်က စာဆိုတစ်ဦးဖြစ်တဲ့ ကလောင်ရှင် မောင်ကြွေက “ဓါးကမကောင်း၊ ၀ါးမပျောင်း ၍- နှီးချောင်းကျွတ်ဆတ်ခဲ့ရပြီ၊” ဆိုတဲ့ စာသားလေးကို သူ့အိမ်နံရံမှာ မီးသွေးခဲနဲ့ ရေးသားထားတာကို တွေ့ လိုက်မိပါတယ်။ သူကိုယ်တိုင် ဘာကို ရည်ရွယ်ပြီး ရေးသားထားမှန်း ကျွန်တော် မသိပါ။ သို့သော် ထိုစဉ်ကပင် နိုင်ငံတော်အရေး- လူထုအရေးကို တစ်စုံတစ်ရာ စိတ်ဝင်စားမိသော ကျွန်တော်က- သြော်- ငါတို့နိုင်ငံမှာ အုပ်ချုပ်သူက မကောင်း၊ ပြည်သူကမလိမ္မာ- နိုင်ငံတော်မွဲခဲ့ရလေပြီ- လို့ ဆိုလိုလေသလားလို့-၊ မှတ်ချက်ချ မိပါတယ်။

ဒီနေရာမှာ အုပ်ချုပ်သူက မကောင်း လို့ သုံးမိတဲ့ အတွက် အုပ်ချုပ်သူ ကောင်းတယ် ဆိုတာ ဘာလဲ- လို့ ကျွန်တော်တွေးမိသလောက် ပြန်လည် ရှင်းပြဘို့ လိုမယ် ထင်ပါတယ်။ အုပ်ချုပ်သူ တစ်ဦးအနေနဲ့-

(၁) သူဟာ- လူမျိုးနွယ် ဘာသာတရား တစ်ခုခုပေါ်မှာ မျက်နှာလိုက် ဇောင်းပေးခြင်း ကင်းရပါမယ်- သူဟာ သူ့တစ်သီးပုဂ္ဂလအနေနဲ့ ကြိုက်တဲ့ ဘာသာကို ကိုးကွယ်ယုံကြည်နိုင်ပါတယ်- ဒါပေမယ့် အဲ့ဒီ ဘာသာ အတွက် သာသနာပြုတစ်ဦး မဖြစ်စေရပါ။ သူ့ယုံကြည်တဲ့ ဘာသာတရားကို သူ့နှလုံးသားထဲမှာသာ သိမ်းထားရ ပါမယ်- အဲ့ဒီဘာသာတရားကို ကိုယ်စားပြုပြီး နိုင်ငံတော်ကို အုပ်ချုပ်ခြင်း၊ ပြည်နယ်၊ မြို့ရွာ ဒေသများကို အုပ်ချုပ်ခြင်း မပြုလုပ်ရပါ။ ဘာကြောင့်လဲ ဆိုတော့ သူ အုပ်ချုပ်နေတဲ့ အသိုင်းအ၀ိုင်းမှာ သူနဲ့ ဘာသာတူလူ သားတွေချည်း နေထိုင်နေခြင်း မဟုတ်ပါ။ သူအုပ်ချုပ်ရာ ဒေသတစ်ခုလုံး တိုးတက်ရေး ကောင်းစားရေးကိုသာ သူ အာရုံ ထားရပါမယ်- သူ့ဘာသာ၊ သူ့လူ၊ သူ့ဘက်သား၊ သူ့ဆွေမျိုး ကောင်းစားရေးကို ပါယ်သတ်ထားရပါမယ်။ အလားတူ- လူမျိုးနွယ်စုံ နေထိုင်ရာ နိုင်ငံတစ်ခုမှာ မိမိကိုယ်စားပြုတဲ့ လူမျိုးတစ်ခုတည်း ကောင်းစားရေးကိုသာ အာရုံထားနေတဲ့ ခေါင်းဆောင်ဆိုတာလည်း အင်မတန်မှ အယူသည်းညံ့ဖျင်းတဲ့ ခေါင်းဆောင်တစ်ဦး ဖြစ်ပါ တယ်။ အဲ့လို ခေါင်းဆောင်တစ်ဦးဦးရဲ့ နောက်မှာ လိုက်နေရသူများဟာ အချင်းချင်း စိတ်ဝမ်းကွဲပြီး ရန်လို မုန်း တီးစိတ်များသာ တိုးပွားစေပါတယ်။

ဥပမာ- ရပ်ကွက်တစ်ခုအတွင်း ဗမာတစ်ဦးနဲ့ ကရင်တစ်ဦး ရန်ဖြစ်တယ် ဆိုပါတော့- အုပ်ချုပ်သူဟာ ဗမာ ဖြစ်နေပါစေ- သူဟာ ရန်ဖြစ်သူ နှစ်ဦးရဲ့ လူမျိုးကို မကြည့်ဘဲ- ရန်ဖြစ်သူနှစ်ဦးရဲ့ အမှုအခင်းကိုသာ ကြည့်တဲ့ လူသားမျိုး ဖြစ်ရပါမယ်။ ဗမာ အုပ်ချုပ်သူ အောက်က ဗမာများတဲ့ ရပ်ကွက်မှာ ကရင်ကို မှားမှားမှန်မှန် အမှုရှုံး စေ ဆိုတာမျိုး မဖြစ်စေရပါ။

အလားတူ ဗမာ၊ ကုလား၊ တရုတ်၊ ရှမ်း၊ ချင်း၊ မွန်၊ ကရင်၊ ပအို့- စသည်ဖြင့် လူမျိုးစုံ အတူနေတဲ့ တိုင်းပြည်တစ် ခုကို ဦးဆောင်နေသူ တစ်ဦးဟာ- ငါ ဟာ နိုင်ငံတစ်ခုရဲ့ ဦးဆောင်- ငါ့အသွေး ငါ့အသားဟာ တိုင်းပြည်တွင်း လူမျိုးအားလုံးနဲ့ ဖွဲ့စည်းထားတယ်- ငါဟာ ဗမာ မဟုတ်ဘူး၊ ငါဟာ ကုလားမဟုတ်ဘူး၊ ငါဟာ ရှမ်းမဟုတ်ဘူး-၊ ငါဟာ လူမျိုးအားလုံးပါဝင်သူ လို့ ခံစားနိုင်ရပါမယ်။ ကုလားကို နှိမ်ရင်လည်း ငါ့ကို နှိမ်တာ၊ ဗမာကို ဖိရင်လည်း ငါ့ကို ဖိတာ၊ ရခိုင်ကို နှိပ်ရင်လည်း ငါ့ကို နှိပ်တာလို့ ခံယူနိုင်ရပါမယ်။ ဒီလို ခံယူချက်ရှိတဲ့ ခေါင်းဆောင်များ ဦး ဆောင်ပါမှ အဲ့ဒီ ဦးဆောင်အောက်မှာ ရှိတဲ့ နိုင်ငံတော်ဟာ ညီညွတ်လာမယ်၊ တိုးတက်လာမယ်၊ အေးချမ်းလာ မယ် ဖြစ်ပါတယ်။

(၂) အုပ်ချုပ်သူ သို့မဟုတ် နိုင်ငံဦးဆောင် တစ်ဦးဟာ- ကမ္ဘာမှာ ငါ ဦးဆောင် လမ်းလျှောက်နေတဲ့ နိုင်ငံဟာ အတိုးတက်ဆုံး ဖြစ်ရစေမယ်လို့ ခံယူချက် ရှိရပါမယ်။ ဒီခံယူချက်နဲ့ အတူ နိုင်ငံသား တစ်ဦးချင်းစီကိုလည်း တိုး တက်အောင် ကြံဆောင်ဘို့ ကြိုးစားဘို့ စိတ်ဓါတ်များဝင်လာအောင် လှုံ့ဆော်ပေးရပါမယ်။- ကမ္ဘာနဲ့ ရင်ဘောင် တန်းနိုင်အောင် ဆိုတဲ့ စိတ်ဓါတ်လောက်က အလွန်တရာမှ ညံ့ဖျင်းပြီး ရေသာခိုတဲ့ အတုအယောင် ရည်ရွယ် ချက်မျှသာ ဖြစ်တယ် ဆိုတာကိုလည်း နားလည်ရပါမယ်။ ဒီနေရာမှာ နည်းနည်း ရှင်းလိုပါတယ်- ရင်ဘောင် တန်းနိုင်အောင် ဆိုကတည်းက သူများနဲ့ တန်းတူဖြစ်အောင် ကြိုးစားမယ် ဆိုတဲ့ စိတ်မျှသာ ရှိပါတယ်။ တန်းတူ ဖြစ်ဘို့ ကြိုးစားခြင်းဟာ- မိမိထက် တော်ပြီးသား တတ်ပြီးသား သူများအား တုပပြီး အတုခိုးမှု တစ်ခုမျှသာ ဖြစ် နေပါသေးတယ်။ ခေတ်စကားနဲ့ ပြောရရင် အတုယူ အတုခိုးခြင်းဟာ Made in China အဆင့်မျှသာ ဖြစ်ပါ တယ်။ မိမိက နံပါတ်တစ် ဘယ်တော့မှ မဖြစ်ဘဲ- သူများဆီကချည်း ခိုးချနေရတဲ့ ဘ၀ပါ။ ဒါကြောင့် အတုခိုးဘို့ ချည်း သွန်သင်လမ်းပြနေတဲ့ အဆင့် ခေါင်းဆောင်များဟာ အရည်အသွေးကောင်းတဲ့ ခေါင်းဆောင်များ မဟုတ် သေးပါ။

အခြေခံအားဖြင့် တိုးတက်ကောင်းစားစေမယ့် နိုင်ငံတစ်ခုကို ထူထောင်မယ့် ဦးဆောင်များမှာ အခြေခံအား ဖြင့်

(၁) မိမိသည် နိုင်ငံတော်အတွင်း နေထိုင်သည့် လူမျိုးအားလုံးကိုယ်စား လူသား တစ်ဦး ဖြစ်သည်၊

(၂) မိမိသည် မိမိဦးဆောင်နေသည့် နိုင်ငံတော်အား ကမ္ဘာ့ထိပ်သီး ဖြစ်ရန် နည်းမျိုးစုံဖြင့် ကြိုးစားမည်- ဆိုတဲ့ စိတ်ဓါတ် ခံယူ ချက် ခိုင်မာနေဘို့ လိုပါတယ်။

မိမိက ဗုဒ္ဓဘာသာ ဖြစ်လို့ မိမိဦးဆောင်သည့် နိုင်ငံသည် ဗုဒ္ဓဘာသာ လွှမ်းမိုးရမည် ဆိုတဲ့ ခေါင်းဆောင်များက နိုင်ငံတော်ကို ဦးမဆောင်သင့်ပါ။ သာသနာ့ဘောင်ဝင်ပြီး သင်္ကန်းဝတ်- သက်ဆိုင်ရာ တရားကိုကျင့်- တရားပြ ပုဂ္ဂိုလ်မျိုးသာ လုပ်သင့်ပါတယ်။ မိမိက ခရစ်ယာန်ဖြစ်လို့ နိုင်ငံတော်မှာ ခရစ်ယာန်လွှမ်းမိုးရမယ် ဆိုတဲ့ ပုဂ္ဂိုလ် များလည်း နိုင်ငံခေါင်းဆောင် မလုပ်သင့်ပါ- ခရစ်ယာန် ဓမ္မဆရာ လုပ်ပြီး ဂိုဏ်းချုပ်ဖြစ်ရန်သာ ကြိုးစားသင့်ပါ တယ်။ အလားတူ မိမိက မွတ်စလင် ဖြစ်လို့ နိုင်ငံတော်ကို အစ္စလာမ် သာသနာ လွှမ်းမိုးရမယ် ဆိုတဲ့ ပုဂ္ဂိုလ်များ လည်း နိုင်ငံတော်ကို အုပ်ချုပ်သူ ခေါင်းဆောင် မလုပ်သင့်ပါ-၊ ဗလီဆရာလုပ်ပြီး အစ္စလာမ်ဘာသာရေးမှာ အကြီးအကဲ ဖြစ်အောင်သာ ဆောင်ရွက်သင့်ပါတယ်။

လူမျိုးရေး- ဘာသာရေး ရစ်ပတ်ထားသူ တစ်ဦးအနေနဲ့ နိုင်ငံကို ခေါင်းဆောင်လုပ်ခြင်းဟာ – နှီးချောင်း ကောင်းကောင်း တစ်မျှင်ကို စိတ်ဖြှာစေမယ့်- ဓါးကောင်းတစ်လက် ဘယ်တော့မှ ဖြစ်လာမှာ မဟုတ်ပါ။

ဝါးမပျောင်း၍—- ကို ဆက်ပါမည်။-

ဌေးလွင်ဦး

(မှတ်ချက် – ဤဆောင်းပါးသည် ဆောင်းပါးရှင်၏ အမြင်နှင့် သုံးသပ်ချက်များသာဖြစ်သည်။)