Tag: Bangladesh

သြဂုတ် ၁၁၊ ၂၀၂၄
M-Media

-ဘင်္ဂလားဒေ့ရှ် ၀န်ကြီးချုပ်ဟောင်း ရှိခ်ဟာဆီနာက သူမ ရာထူးက ဆင်းပေးလိုက်ရမှုအတွက် အမေရိကန်ကို အပြစ်တင်ခဲ့ပြီး ပြည်တော်ပြန်မယ်လို့လည်း ကတိပြု ပြောကြားလိုက်ပါတယ်။

နိုင်ငံလွတ်လပ်ရေးအတွက် ဆောင်ရွက်ပေးခဲ့သူတွေရဲ့ မျိုးဆက်ကို အစိုးရအလုပ်အကိုင် ခွဲ၀ေပေးမယ့် ဟာဆီနာရဲ့ ကြိုးပမ်းမှုကို ပြည်သူတွေက မကျေနပ်ရာကနေ ဆန္ဒပြပွဲ အကြီးအကျယ် ဖြစ်ပွားခဲ့ပြီး နောက်ဆုံးမှာ ၀န်ကြီးချုပ်ဟာဆီနာ ရာထူးကဆင်းကာ အိန္ဒိယကို ထွက်ပြေးခဲ့ရပါတယ်။

အသက် ၇၆ နှစ်အရွယ် ရှိပြီဖြစ်တဲ့ ဟာဆီနာက စိန့်မာတင်ကျွန်းမှာ စစ်စခန်းလုပ်မယ့် အမေရိကန်ရဲ့ တောင်းဆိုမှုကို သူမက လက်မခံတဲ့အတွက် အမေရိကန်က သူမ ပြုတ်ကျအောင် ဆောင်ရွက်လိုက်တာလို့ ထွက်ပြေးရပြီးနောက်ပိုင်း ပထဆုံးထုတ်ပြန်တဲ့ ကြေငြာချက်မှာ ပြောကြားခဲ့ပါတယ်။

အမေရိကန်ရဲ့ တောင်းဆိုချက်ကိုသာ လိုက်လျောခဲ့ရင် အခုအချိန်အထိ အာဏာရှိနေအုံးမယ်လို့လည်း သူမက ဆိုပါတယ်။ အမေရိကန်ဖက်ကတော့ ဟာဆီနာရဲ့ အခုပြောကြားမှုအတွက် မှတ်ချက်မပေးသေးပါဘူး။

သူမရဲ့ ကြေငြာချက်မှာ တိုင်းပြည်ကို မကြာခင် ပြန်မယ်လို့ ကတိပြုခဲ့ပြီး သူမရဲ့ပါတီ Awami League က လည်း ပြန်လည်အောင်မြင်လာနိုင်မယ်လို့ ထည့်သွင်း ပြောဆိုခဲ့ပါတယ်။

Ref: Arab News

သြဂုတ် ၈၊ ၂၀၂၄
M-Media

-ကျောင်းသားနဲ့ လူထုလှုပ်ရှားမှုကြောင့် ရှိခ်ဟာဆီနာအစိုးရ ပြုတ်ကျသွားတဲ့ ဘင်္ဂလားဒေ့ရှ်နိုင်ငံကို နိုဘယ်ငြိမ်းချမ်းရေးဆုရှင် မိုဟာမက် ယူနွတ်စ်ဟာ သြဂုတ်လ ၈ ရက်နေ့မှာ ပြင်သစ်နိုင်ငံကနေ ပြန်ရောက်လာပါတယ်။

ကျောင်းသားခေါင်းဆောင်တွေက တောင်းဆိုထားတဲ့အတိုင်း ကြားဖြတ်အစိုးရကို ဦးဆောင်ဖို့ ဖြစ်ပါတယ်။ ဘင်္ဂလားဒေ့ရှ် သမ္မတ မိုဟာမက် ရှာဟာဘူဒင်ကလည်း မိုဟာမက် ယူနွတ်စ်ကို ကြားဖြတ်အစိုးရဖွဲ့ဖို့ တာ၀န်ပေးထားပါတယ်။

“အိမ်ပြန်ရောက်လာတဲ့အတွက် ၀မ်းသာမိပါတယ်” လို့ မိုဟာမက် ယူနွတ်စ်က ဒါကာမြို့ လေဆိပ်ကို ရောက်ပြီးနောက်ပိုင်း သတင်းထောက်တွေကို ပြောကြားခဲ့ပါတယ်။

မိုဟာမက် ယူနွတ်စ်ဟာ သမ္မတ ရှာဟာဘူဒင်၊ စစ်တပ်အကြီးအကဲ ဗိုလ်ချုပ် ၀ါကာ အူဇမန်တို့နဲ့ အစည်းအ၀ေးပြုလုပ်မှာ ဖြစ်ပြီး အဲဒီနောက် ဒေသစံတော်ချိန် ည ၈ နာရီမှာ ကြားဖြတ်အစိုးရကို ဖွဲ့စည်း ကြေငြာမှာ ဖြစ်ပါတယ်။

ကြားဖြတ်အစိုးရဟာ ရွေးကောက်ပွဲ ပြုလုပ်ပြီးတဲ့အထိ တာ၀န်ယူထားရမှာပါ။

“ဒီကနေ့ဟာ ကျွန်တော်တို့အတွက် ဂုဏ်ယူစရာနေ့ပါ။ ဘင်္ဂလားဒေ့ရှ်ရဲ့ အောင်ပွဲနေ့သစ်လည်းဖြစ်ပါတယ်။ ဘင်္ဂလားဒေ့ရှ်ဟာ ဒုတိယအကြိမ်မြောက်လွတ်လပ်ရေးကို ရရှိခဲ့ပါပြီ” လို့ အသက် ၈၄ နှစ်အရွယ် မိုဟာမက် ယူနွတ်စ်က ထည့်သွင်းပြောဆိုခဲ့ပါတယ်။

၀န်ကြီးချုပ်ဟောင်း ရှိခ်ဟာဆီနာရဲ့ အုပ်ချုပ်မှုသက်တမ်းဟာ ၁၅ နှစ် ကြာမြင့်ခဲ့ပြီး ဘင်္ဂလားဒေ့ရှ်နိုင်ငံရဲ့ စီးပွားရေးလည်း တိုးတက်ခဲ့ပါတယ်။ ဒါပေမယ့် ပြီးခဲ့တဲ့ နှစ်အနည်းငယ်အတွင်း လူထုနဲ့ နိုင်ငံရေး အတိုက်အခံတွေအပေါ် ဖိနှိပ်မှုတွေ လုပ်ဆောင်လာခဲ့ပြီးတဲ့နောက် လူကြိုက်များမှု ကျဆင်းလာခဲ့ပါတယ်။

တိုင်းပြည်လွတ်လပ်ရေးရအောင် ကြိုးပမ်းခဲ့သူတွေရဲ့ မျိုးဆက်ကို အစိုးရ အလုပ်အကိုင်တွေမှာ ဦးစားပေးရမယ်ဆိုတဲ့ ဥပဒေမျိုး ထွက်လာပြီးတဲ့နောက် လူထုက လမ်းပေါ်ထွက် ဆန့်ကျင်ဆန္ဒပြခဲ့ကြပြီး နောက်ဆုံးမှာ ရှိခ်ဟာဆီနာဟာ တိုင်းပြည်ကနေ ထွက်ပြေးခဲ့ရပါတယ်။

Ref: Aljazeera

ဧပြီ ၁၁၊ ၂၀၂၃

M-Media

-အမျိုးသမီတစ်ဦးကို အိမ်ထောင်ရေးဖောက်ပြန်တယ်လို့ စွပ်စွဲကာ အရေးယူအပြစ်ပေးခဲ့တဲ့ ဘာသာရေးဆရာနဲ့ အဖွဲ့၀င် ၃ ဦးကို ဘင်္ဂလားဒေ့ရှ် ရဲတပ်ဖွဲ့က ဖမ်းဆီးလိုက်ပါတယ်။ 

ဒီအဖြစ်အပျက်ဟာ နိုင်ငံအရှေ့မြောက်ပိုင်း ဟာဘီဂန့်ဂျ်ဆိုတဲ့ ရွာတစ်ရွာမှာ ဖြစ်ပွားခဲ့တာပါ။ 

အသက် ၃၀ အရွယ် အမျိုးသမီးတစ်ဦးဟာ အိမ်ထောင်ရေးဖောက်ပြန်တယ်လို့ဆိုပြီး ကြိမ်ဒဏ် ၈၂ ချက်ရိုက်ကာ၊ ခဲလုံး ၈၀ နဲ့ ပစ်ပေါက် အပြစ်ပေးဖို့ အစ္စလာမ်ဘာသာရေးခေါင်းဆောင်တစ်ဦးက ဓမ္မသတ်ထုတ်ခဲ့တာပါ။  ကျေးရွာကောင်စီကလည်း ဒီအတိုင်း လိုက်လုပ်ခဲ့ပါတယ်။ 

စွပ်စွဲခံအမျိုးသမီးက ဒီကိစ္စကို သွားရောက်တိုင်ကြားခဲ့ပြီးနောက် ဘာသာရေးခေါင်းဆောင်နဲ့ ကျေးရွာလူကြီး ၃ ကို ရဲတပ်ဖွဲ့က ဖမ်းဆီးခဲ့ပါတယ်။ 

အမျိုးသမီးရဲ့ ခင်ပွန်းဟာ အိုမန်နိုင်ငံမှာ အလုပ်လုပ်နေတာဖြစ်ပြီး ဒီကိစ္စဖြစ်ပြီးတဲ့နောက် ဘင်္ဂလားဒေ့ရှ်ကို ပြန်ရောက်လာကာ သူ့ရဲ့ဇနီး ခံစားခဲ့ရတာတွေအတွက် တရားမျှတမှုရဖို့ တောင်းဆိုခဲ့ပါတယ်။ 

အစ္စလာမ်ဘာသာရေးခေါင်းဆောင်တွေဟာ ဓမ္မသတ်ထုတ်ပြန်ခွင့် ရှိပေမယ့် အတင်းအကြပ် လိုက်နာဆောင်ရွက်ခိုင်းတာမျိုး မပြုဖို့ ဘင်္ဂလားဒေ့ရှ်တရားရုံးချုပ်က ၂၀၁၁ ခုနှစ်မှာ အမိန့်ထုတ်ထားမြစ်ထားပါတယ်။ 

Ref: Reuters