Tag: Greece

ဧပြီ ၁၀၊ ၂၀၁၆
M-Media

– တရုတ်ပို့ဆောင်ရေးလုပ်ငန်းကြီးတစ်ခုက ဂရိနိုင်ငံရဲ့ အကြီးဆုံးဆိပ်ကမ်းဖြစ်တဲ့ ပိုင်ရီးယပ်စ်ဆိပ်ကမ်းရဲ့ အစုရှယ်ယာအများစုကို ၀ယ်ယူဖို့ ဂရိနဲ့ သဘောတူလက်မှတ်ရေးထိုးလိုက်ပါတယ်။

ဒီသဘောတူညီမှုအရ တရုတ်ပို့ဆောင်ရေးကုမ္ပဏီ China Cosco Holding က အဲဒီဆိပ်ကမ်းရဲ့ ရှယ်ယာ ၆၇ ရာခိုင်နှုန်း ပိုင်ဆိုင်နိုင်မှာ ဖြစ်ပါတယ်။ ဂရိရဲ့ ဒီလိုရောင်းချမှုဟာ တိုင်းပြည်ရဲ့ ငွေကြေးကျပ်တည်းမှု ပြဿနာကို ဖြေရှင်းဖို့အတွက် ပြီးခဲ့တဲ့နှစ်နှောင်းပိုင်းကတည်းက ပုဂ္ဂလိကပိုင်ရောင်းချမှုမှာ ဒုတိယအကြီးဆုံး ရောင်းချမှုလည်း ဖြစ်ပါတယ်။

နိုင်ငံပိုင်လုပ်ငန်းတွေကို ပုဂ္ဂလိကပိုင်ပြုလုပ်ဖို့ စောစောပိုင်းက ငြင်းဆန်ခဲ့တဲ့ ဂရိလက်ဝဲအစိုးရကပဲ ဇန်န၀ါရီလမှာ China Cosco Holding ရဲ့ ပေါင် ၃၆၈.၅ သန်း တန်ကြေးရှိ အဆိုပါကမ်းလှမ်းချက်ကို အတည်ပြုလက်ခံခဲ့တာဖြစ်ပါတယ်။

ယင်းသဘောတူညီမှုရဲ့ စုစုပေါင်းတန်ဖိုးဟာဆိုရင် ထပ်တိုးရင်းနှီးမြှုပ်နှံမှုအပါအ၀င် ပေါင် ၁.၅ ဘီလီယံ ရှိပြီး ၃၆ နှစ်ရှိတဲ့ သဘောတူညီချက်ကာလအတွင်း ၀င်ငွေ ပေါင် သန်း ၄၂၀နဲ့ အတိုးတွေကိုလည်း ဂရိက ရရှိမှာဖြစ်ပါတယ်။ လက်ရှိမှာတော့ အဆိုပါ တရုတ်ကုမ္ပဏီဟာ ပိုင်ရီးယပ်စ်ဆိပ်ကမ်းမှာ ကွန်တိန်နာဂိတ်နှစ်ခုကို လုပ်ကိုင်နေပြီဖြစ်ပါတယ်။

ဂရိမြို့တော် အေသင်ရဲ့ တောင်ဘက် မိုင်အနည်းငယ်ဝေးတဲ့ ပိုင်ရီးယပ်စ်ဆိပ်ကမ်းဟာ ဂရိရဲ့ အကြီးဆုံးပို့ဆောင်ရေး လုပ်ငန်းတစ်ခုဖြစ်ပြီး မြေထဲပင်လယ်ရဲ့ အကြီးဆုံးဆိပ်ကမ်းတွေထဲက တစ်ခုလည်းဖြစ်ပါတယ်။ China Cosco Holding ဟာ တရုတ်ကွန်တိန်နာတွေကနေ အာရှပို့ကုန်တွေကို ဥရောပအရောက် ပို့ဆောင်ရာမှာ ကြားခံဆိပ်ကမ်းတစ်ခုအဖြစ် ပိုင်ရီးယပ်စ်ဆိပ်ကမ်းကို အသုံးပြုမှာ ဖြစ်ပါတယ်။ အဲဒီဆိပ်ကမ်းဟာ ဆူးအက်တူးမြောင်းနဲ့ ကပ်လျက် တည်ရှိနေတာဖြစ်ပါတယ်။

Ref: Presstv

သြဂုတ် ၇၊ ၂၀၁၅
M-Media

– နိုင်ငံ၏ အကြွေးပြဿနာဖြေရှင်းရေး ယူရို ဘီလီယံပေါင်းများစွာ ရရှိရန်အတွက် နိုင်ငံတကာ အကြွေးရှင်များနှင့် သဘောတူညီချက်ကို သြဂုတ် ၁၅ ရက်နေ့ နောက်ပိုင်းတွင် မဖြစ်မနေ ရရှိရမည်ဖြစ်ပြီး ရရှိအောင်လည်း လုပ်ဆောင်သွားမည်ဟု ဂရိဝန်ကြီးချုပ် အလက်ဇစ် တီစီပရက်စ်က ပြောကြားခဲ့သည်။

အီဂျစ်သို့ ရောက်ရှိနေသည့် ပြင်သစ်သမ္မတ ဟော်လန်ဒေးနှင့် တီစီပရက်စ်တို့မှာ ယမန်နေ့က တွေ့ဆုံဆွေးနွေးပြီးနောက် ၀န်ကြီးချုပ်ရုံးမှ ထုတ်ပြန်သော ကြေညာချက်တွင် ထိုကဲ့သို့ ပြောကြားခဲ့ခြင်းဖြစ်ပြီး ခေါင်းဆောင်နှစ်ဦးမှာ သြဂုတ် ၁၅ ရက် နောက်ပိုင်းတွင် အကြွေးပြဿနာအတွက် ကယ်တင်ရေး ဆွေးနွေးညှိနှိုင်းမှုများကို မဖြစ်မနေ အဆုံးသတ်ရန် သဘောတူညီခဲ့ကြသည်ဟုလည်း
ဖော်ပြထားသည်။

ဂရိမှာ ၎င်းတို့၏ အကြွေး ယူရို ၃ ဘီလီယံကို ပြန်ပေးနိုင်ရန်နှင့် နိုင်ငံ့စီးပွားရေး ပြန်ထူထောင်နိုင်ရန်အတွက် ယူရို ၈၅ ဘီလီယံတန်ဖိုးရှိ ရန်ပုံငွေ ရရှိရေး နိုင်ငံတကာ ဘဏ္ဍာရေးအဖွဲ့များနှင့် သြဂုတ် ၂၀ ရက်မတိုင်ခင် သဘောတူညီချက် ရရှိရန် လိုအပ်နေသည်။

ဥရောပကော်မရှင် ဥက္ကဌဖြစ်သူ ဂျီအန် ကလော့ဒေး ဂျန်ကာက အဆိုပါသဘောတူညီချက်မှာ သြဂုတ်လ ၂၀ ရက်နေ့ နောက်ပိုင်းတွင် ရရှိနိုင်ဖွယ်ရှိသည်ဟု ပြောကြားခဲ့သည်။ ဗုဒ္ဓဟူးနေ့ကလည်း ဂရိဝန်ကြီးချုပ်က မိမိတို့အစိုးရမှာ နိုင်ငံတကာ အကြွေးရှင်များနှင့် သဘောတူညီချက်ရရှိရန် နောက်ဆုံးအဆင့် ရောက်ရှိနေသည်ဟု ပြောကြားခဲ့သည်။

ထိုသဘောတူညီချက်ရရှိခြင်းမှာ ဂရိနိုင်ငံအနေဖြင့် ယူရိုဇုန်တွင် ဆက်လက်ရှိနေစေရန် သေချာမည်ဖြစ်သည်။ ဂရိမှာ အကြွေးပြဿနာမှ လွတ်မြောက်ရေးအတွက် အခွန်နှင့် ပင်စင်တို့တွင် ပြုပြင်ပြောင်းလဲမှုများပြုလုပ်ရန် အပါအ၀င် အကြွေးရှင်နိုင်ငံများ၏ တင်းကြပ်သော အဆိုပြုချက်ကို ပြီးခဲ့သည်လက အလျင်အမြန် လက်ခံခဲ့သည်။

ထိုကဲ့သို့ လက်ခံခဲ့ခြင်းကြောင့် လက်ရှိအချိန်တွင် ဂရိမှာ ဥရောပနိုင်ငံများမှ ယူရို ၇.၁၆ ဘီလီယံကို ရေတိုချေးငွေအဖြစ် ရရှိထားပြီး နိုင်ငံတကာငွေကြွေးရန်ပုံငွေအဖွဲ့သို့ ပေးအပ်ရမည့် ယူရို ၂ ဘီလီယံကို ပေးနိုင်ခဲ့သည်။

ဂရိမှာ ဘဏ္ဍာရေးပြဿနာကြောင့် ပြီးခဲ့သည့် ၅ နှစ်အတွင်း ငွေကြေးအကူအညီ ယူရို ဘီလီယံ ၂၄၀ ကို ရရှိခဲ့သည်။

Ref: PressTV