Tag: iraq

ဇွန် ၂၂၊ ၂၀၁၇
M-Media

– အီရတ်နိုင်ငံ မူဆိုးလ်မြို့ရှိ သမိုင်းဝင် နာမည်ကြီး အလ်-နူရီ ဗလီဝတ်ကျောင်းတော်မှာ ဖောက်ခွဲဖျက်ဆီးခံခဲ့ရပြီး အီရတ်အစိုးရက IS မှ ဖောက်ခွဲခဲ့ခြင်းဖြစ်သည်ဟု ပြောကြားခဲ့ကာ IS ကမူ အမေရိကန်ဦးဆောင်သည့် မဟာမိတ်အဖွဲ့၏ လေကြောင်းတိုက်ခိုက်မှုကြောင့် ပျက်ဆီးခဲ့သည်ဟု စွပ်စွဲခဲ့သည်။

ပြီးခဲ့သည့် ရက်ပိုင်းအတွင်း အမေရိကန် ကျောထောက်နောက်ခံပြုထားသည့် အီရတ်စစ်တပ်မှာ မူဆိုးလ်ရှိ IS က ထိန်းချုပ်ထားသည့် ကျန်ရှိဒေသများကို ပြန်ရရန်အတွက် ထိုးစစ်ဆင်မှုများ ပြုလုပ်ခဲ့သည်။

“ရှေးဟောင်းမြို့ထဲအထိ ဖောက်ပြီး သူတို့ရဲ့ ပစ်မှတ်တွေဆီ ကျွန်တော်တို့ တပ်တွေက ၀င်ရောက်နေပါတယ်။ အလ်-နူရီဗလီနဲ့ မီတာ ၅၀ အကွာလောက်ရောက်တဲ့အခါမှာ IS ဟာ အဲဒီဗလီကို ဖောက်ခွဲဖျက်ဆီးခဲ့ပြီး နောက်ထပ် သမိုင်းဝင် ရာဇ၀တ်မှုတစ်ခုကို ကျူးလွန်လိုက်ပါတယ်” ဟု မူဆိုးလ်ထိုးစစ်ဆိုင်ရာ တပ်မှူး ဒုတိယဗိုလ်ချုပ်ကြီး အဘ်ဒူလာမီ ယာရာလာက ယမန်နေ့ထုတ်ပြန်သော ကြေငြာချက်တွင် ဖော်ပြထားသည်။

Amaq ၀ဘ်ဆိုက်တွင် ထုတ်ပြန်သည့် ကြေငြာချက်၌ ဗလီဝတ်ကျောင်းတော် ပျက်ဆီးခြင်းမှာ အမေရိကန်၏ လေကြောင်းတိုက်ခိုက်မှုကြောင့် ဖြစ်သည်ဟု IS က ပြောကြားခဲ့သည်။

IS ခေါင်းဆောင် အဘူဘာကာရ် အလ်-ဘဂ္ဂဒါဒီမှာ အဆိုပါ အလ်-နူရီ ဗလီဝတ်ကျောင်းတော်၏ တရားဟောစင်မြင့်မှနေ၍ ၂၀၁၄ ခုနှစ် ဇွန်လက ခလီဖာနိုင်ငံ ထူထောင်ကြောင်း ကြေငြာခဲ့သည်။

အီရတ်တွင် IS အကြမ်းဖက်အဖွဲ့၏ နောက်ဆုံး ခြေကုပ်စခန်းဖြစ်သော မူဆိုးလ်မြို့အား ပြန်လည်ရရှိရေးအတွက် ထိုးစစ်တွင် ယမန်နေ့က စစ်မျက်နှာသစ်တစ်ခု ထပ်ဖွင့်ခဲ့သည်ဟု အီရတ်စစ်တပ်က ပြောကြားခဲ့ပြီး အမေရိကန်ဦးဆောင်သည့် မဟာမိတ်အဖွဲ့က လေကြောင်းနှင့် ကုန်းကြောင်းတို့မှ ထောက်ပံ့မှုများ ပြုလုပ်ပေးနေသည်။

Ref: Aljazeera

ဇွန် ၈၊ ၂၀၁၇
M-Media

– အီရတ်နိုင်ငံရှိ ကာ့ဒ်ဒေသ လွတ်လပ်ရေးအတွက် စက်တင်ဘာ ၂၅ ရက်နေ့တွင် ပြည်သူဆန္ဒ ခံယူသွားမည်ဟု ကိုယ်ပိုင်အုပ်ချုပ်ခွင့်ရ ကာ့ဒ်ဒေသ အစိုးရ (KRG) ၏ အကြီးအကဲဖြစ်သူ မာဆွတ် ဘာရ်ဇာနီက ယမန်နေ့တွင် Twitter စာမျက်နှာတွင် ကြေငြာခဲ့သည်။

ဘာရ်ဇာနီ၏အကြံပေး ဟာမင် ဟော်ရာမီက အဆိုပါ ဆုံးဖြတ်ချက်ကို ကာ့ဒ်ဒေသမြို့တော် အာရ်ဘီလ်တွင် ကာ့ဒ် နိုင်ငံရေးပါတီများ တွေ့ဆုံမှုပြီးနောက် ချမှတ်ခဲ့ခြင်းဖြစ်သည်ဟု ဆိုရှယ်မီဒီယာတွင် ပြောကြားခဲ့သည်။

အီရတ်နိုင်ငံမှ ခွဲထွက်ရေး ပြည်သူ့ဆန္ဒခံယူပွဲကို နယ်မြေ ၃ ခုတွင် ပြုလုပ်သွားမည်ဖြစ်သည်။ လက်ရှိတွင် အဆိုပါဒေသအတွက် ကာ့ဒ်အဖွဲ့များနှင့် အီရတ်အစိုးရတို့အကြား အငြင်းပွားမှုများ ရှိနေသော်လည်း ဒေသကိုမူ ကာ့ဒ်စစ်တပ်က ထိန်းချုပ်ထားသည်။

အငြင်းပွားဒေသများတွင် ရေနံကြွယ်ဝသည့် ကီရ်ကွတ်ပြည်နယ် အပါအ၀င် မြောက်ပိုင်းဒေသများ ပါဝင်ကာ အဆိုပါဒေသများကိုပါ ကာ့ဒ်များက ခွဲထုတ်သွးမည်ဆိုပါက အီရတ်အစိုးရ၏ ဆန့်ကျင်မှု ပိုမိုကြီးမားလာဖွယ် ရှိနေသည်။

လွတ်လပ်ရေး ပြည်သူ့ဆန္ဒခံယူပွဲတွင် မျှော်လင့်ထားသည့်အတိုင်း ပြည်သူများက သဘောတူပါက လွတ်လပ်ရေးကြေငြာစာတမ်းအထိ ဦးတည်သွားမည်လားဆိုသည်မှာ မရေရာသေးပေ။

ကာ့ဒ်တို့၏ လက်ရှိကြေငြာမှုအတွက် အီရတ်အစိုးရဖက်မှ မည်သည့်တုန့်ပြန်မှုမှ မလုပ်သေးပေ။ ပြီးခဲ့သည့် ဧပြီလတွင် အီရတ်ဝန်ကြီးချုပ် ဟိုင်ဒါ အလ်-အာဘာဒီက လွတ်လပ်ရေးအတွက် ကာ့ဒ်လူမျိုးများ၏ မဲပေးပိုင်ခွင့်ကို လေးစားသော်လည်း အချိန်မတန်သေးဟု ပြောကြားခဲ့သည်။

Ref: Aljazeera

ဇွန် ၆၊ ၂၀၁၇
M-Media

– အီရတ်နိုင်ငံ မူဆိုးလ်မြို့ရှိ IS အကြမ်းဖက်အဖွဲ့မှာ ပြီးခဲ့သည့်တစ်ပတ်က တစ်ရက်တည်းတွင် အရပ်သား ၁၆၀ ကျော်ကို သတ်ပစ်ခဲ့ပြီး မြို့တွင်းမှ ထွက်ပြေးမှုကို တားဆီးရန်ဖြစ်သည်ဟု ကုလက ပြောကြားလိုက်သည်။

“IS နဲ့ အခြားအကြမ်းဖက်အဖွဲ့တွေရဲ့ ရက်စက်ကြမ်းကြုတ်မှုတွေဟာ ကမ်းကုန်နေပါပြီ။ မနေ့က မူဆိုးလ်မြို့အနောက်ပိုင်း အလ်ရှီရာရပ်ကွက် လမ်းတွေပေါ်မှာ အသက်ခံထားရတဲ့ အမျိုးသားတွေ၊ အမျိုးသမီးတွေ၊ ကလေးတွေရဲ့ပုံကို ကျွန်တော့် ၀န်ထမ်းက ကျွန်တော့်ကို ပြပါတယ်။ မြို့ထဲက ထွက်ပြေးတာကို တားဆီးဖို
့အတွက် IS အဖွဲ့ဟာ အနည်းဆုံး လူပေါင်း ၁၆၃ ယောက်ကို ပစ်သတ်ခဲ့တာပါ” ဟု ကုလသမဂ္ဂ လူ့အခွင့်အရေး အကြီးအကဲ ဇိုက် ဘင် ရာအဒ် အလ်ဟူစိန်က ကုလ၏ လူ့အခွင့်အရေးဆိုင်ရာ အစည်းအဝေး အဖွင့်မိန့်ခွန်းတွင် ပြောကြားခဲ့သည်။

ဟူစိန်၏ ပြောရေးဆိုခွင့်ရှိသူ ရူပါ့တ် ကိုလ်ဗီလီကမူ အဆိုပါ သတ်ဖြတ်မှုမှာ ဇွန်လ ၁ ရက်နေ့က ဖြစ်ခဲ့သည်ဟု ယုံကြည်ရကြောင်း ပြောကြားခဲ့သည်။

မူဆိုလ်းတွင် IS က ထိန်းချုပ်ထားသည့် ကျန်ရှိနေမြေများအား သိမ်းပိုက်နိုင်ရေးအတွက် မေလနှောင်းပိုင်းမှစ၍ အီရတ်စစ်တပ်မှာ ကြီးမားသည့် ထိုးစစ်ဆင်မှုတစ်ခု ပြုလုပ်ခဲ့သည်။

အကူအညီပေးရေး အဖွဲ့များက မူဆိုးလ်မြို့တိုက်ပွဲများတွင် ပိတ်မိနေသည့် ထောင်နှင့်ချီသော အရပ်သားများအတွက် စိုးရိမ်မိသည်ဟု ပြောကြားခဲ့သည်။

ယူနီဆက်ဖ်ကလည်း IS ထိန်းချုပ်ရာ ဒေသများတွင် ကလေးငယ်ပေါင်း ၁ သိန်းခန့်မှာ အလွန် အန္တရာယ်ရှိသည့် အခြေအနေတွင် နေထိုင်နေရသည်ဟု သတိပေးထားသည်။

Ref: Aljzeera