Tag: iraq

ဇူလိုင် ၁၅၊ ၂၀၁၇
M-Media

– သာမန်ရိုးရိုးကားတွေကို တိုက်ပွဲဝင်နိုင်တဲ့ ယာဉ်တွေလိုမျိုး IS က ဖန်တီးထားတဲ့ ကားတွေကို မူဆိုးလ်မြို့မှာ အီရတ်အစိုးရက ပြပွဲတစ်ခုအဖြစ် ခင်းကျင်းပြသထားပါတယ်။

၂၀၁၄ ခုနှစ်က IS အကြမ်းဖွဲ့ရဲ့ သိမ်းယူမှုကို ခံလိုက်ရတဲ့ မူဆိုးလ်မြို့ကို ပြန်လည်သိမ်းပိုက်ဖို့အတွက် အီရတ်စစ်တပ်ဟာ ၉ လတာ ထိုးစစ်ဆင်ခဲ့ပြီး ပြီးခဲ့တစ်ပတ်မှာတော့ လုံးဝ လွတ်မြောက်သွားပြီဖြစ်ပါတယ်။

မူဆိုလ်းမြို့ ပြည်ထောင်စု ရဲတပ်ဖွဲ့ဌာနချုပ်မှာ ပြသထားတဲ့ အဲဒီကားတွေဟာ ထိုးစစ်အတွင်း သိမ်းဆည်းရမိခဲ့တာတွေဖြစ်ပြီး အများစုက အိမ်စီးကားတွေ ဖြစ်ပါတယ်။

IS က အဲဒီကားတွေကို သံပြားထူထူတွေနဲ့ ဖုံးအုပ်ပြီး ကျည်ကာကားအဖြစ် ဖန်တီးထားသလို အနောက်က လူထိုင်တဲ့နေရာတွေကို ဖယ်ရှားပြီး ဖောက်ခွဲရေးပစ္စည်းတွေကို ဖြည့်တင်းထားပါတယ်။ နောက်ပြီး ဘီးတွေမှာလည်း အသေခံဗုံးတွေကို တပ်ဆင်ထားတာ တွေ့ရပါတယ်။

တစ်ချို့ကားတွေရဲ့ ခေါင်မိုးမှာ ရထားလမ်းလို လမ်းကြောင်းလေးတွေ ဖန်တီးထားပြီး လက်လုပ်ဒုံးကျည်အတွက် ရည်ရွယ်တယ်လို့ ယူဆရပါတယ်။ ဘီးတွေမှာ အသေခံဗုံးတွေမပါဘဲ ကျည်ဒဏ်ခံနိုင်ဖို့ သံပြားတွေ လှိုင်လှိုင်သုံးကာ တိုက်ပွဲဝင်ဖို့ ဖန်တီးထားတဲ့ ကားတွေကိုလည်း တွေ့ရပါတယ်။

မြေတူးစက်ကားတွေကို လက်နက်တပ်ဆင်ကာ ကားတစ်စီးလုံးကို သံပြားတွေဖုံးထားတာ၊ ထရပ်ကားတစ်စီးမှာဆိုရင် T-55 တင့်ကားက အမြောက်ကို ဖြုတ်ကာ တပ်ပြီး ပုံဖျက်ထားမျိုးတွေလည်း ရှိပါတယ်။

IS က ဖန်တီးထားတဲ့ ဒီကားတွေဟာ တင့်ကားအစစ်တွေနဲ့ယှဉ်ရင် အန္တရာယ်ကင်းမှု၊ ပေါ့ပါးမှုမရှိပေမယ့် အမေရိကန်ဦးဆောင်တဲ့ မဟာမိတ်တွေရဲ့ လေကြောင်းတိုက်ခိုက်မှုကို ခံနိုင်ဖို့ အဓိကရည်ရွယ်လို့ ယူဆရပါတယ်။

Ref: RT

ဇူလိုင် ၁၃၊ ၂၀၁၇
M-Media

– အီရတ်နိုင်ငံအတွင်းရှိသည့် အကြမ်းဖက်သမားတိုင်းကို အပြစ်ပေးသွားမည်ဖြစ်ပြီး မည်သည့်အကြမ်းဖက်သမားကိုမှ လွတ်ငြိမ်းချမ်းသာခွင့် ပေးမည်မဟုတ်ဟု အီရတ်ဝန်ကြီးချုပ် ဟိုက်ဒါ အလ်-အာဘာဒီက ပြောကြားလိုက်သည်။

၂၀၁၄ ခုနှစ်က IS အကြမ်းဖက်အဖွဲ့၏ သိမ်းပိုက်မှုကိုခံခဲ့ရသည့် ဒုတိယမြို့တော် မူဆိုးလ်ကို ပြန်လည်ရရှိရန် အီရတ်အစိုးရစစ်တပ်နှင့် ကာ့ဒ်တပ်ဖွဲ့များက ၉ လကြာ ထိုးစစ်ဆင်ခဲ့ရပြီး ပြီးခဲ့သည့်သီတင်းပတ် နှောင်းပိုင်းတွင် သိမ်းယူနိုင်ခဲ့သည်။

ယမန်နေ့က ၀န်ကြီးများကောင်စီ အဖွင့်မိန့်ခွန်းတွင် အာဘာဒီက အီရတ်စစ်သားများမှာ လူ့အခွင့်အရေးကို ကာကွယ်သူများဖြစ်ပြီး၊ လူသားထုလွတ်မြောက်ရေး၊ ပြည်သူများအား ကယ်တင်ရေး စတေးခဲ့ကြသူများဖြစ်ကြောင်း၊ လူ့အခွင့်အရေးကို ကာကွယ်ရန် စစ်သားများ၏ ကြိုးပမ်းမှုများကို အစိုးရအနေဖြင့် ထောက်ခံသွားမည်ဖြစ်ပြီး မည်သည့်ချိုးဖောက်မှုမျိုးကိုမဆို ဆန့်ကျင်သွားမည်ဖြစ်ကြောင်း ပြောကြားခဲ့သည်။

မူဆိုးလ်ထိုးစစ်တွင် အရပ်သားများ သေဆုံးမှုနှင့်ပတ်သက်၍ နိုင်ငံတကာ လူ့အခွင့်အရေးအဖွဲ့ဖြစ်သော Amnesty International က ရှုတ်ချခဲ့သည်။

အာဘာဒီက ပြစ်ဒဏ်ခံရမှုမှ မည်သည့်အကြမ်းဖက်သမားမှ လွတ်မြောက်မည်ဟုတ်ဘဲ၊ လူသတ်အကြမ်းဖက်သမားများကို လွတ်ငြိမ်းချမ်းသာခွင့်လည်း ပေးမည်မဟုတ်ဟု ထည့်သွင်းပြောကြားခဲ့သည်။

ထို့ပြင် မိမိတို့အစိုးရမှာ အနာဂတ်တွင် စီးပွားရေး၊ ဖွံ့ဖြိုးရေးနှင့် ပညာရေးကဏ္ဍများကို အာရုံစိုက် လုပ်ဆောင်မည်ဖြစ်ကာ ခြစားမှုကိုလည်း တိုက်ဖျက်သွားမည်ဟု ဆိုသည်။

Ref: Alarabiya

ဇူလိုင် ၉၊ ၂၀၁၇
M-Media

– အီရတ်၏ ဒုတိယအကြီးဆုံး မူဆိုးလ်မြို့တွင် IS အကြမ်းဖက်အဖွဲ့ကို လုံးဝ အောင်နိုင်သွားပြီဖြစ်ကြောင်း အီရတ်ဝန်ကြီးချုပ် ဟိုက်ဒါ အလ်-အာဘာဒီက ယနေ့တွင် ကြေငြာလိုက်သည်။

“လက်နက်ကိုင်တပ်ဖွဲ့တွေရဲ့ ကာကွယ်ရေးဦးစီးချုပ် ဟိုင်ဒါ အလ်-အာဘာဒီဟာ လွတ်မြောက်တဲ့ မူဆိုးလ်မြို့ကို ရောက်ရှိခဲ့ပြီး ကြီးကျယ်တဲ့အောင်မြင်မှုအတွက် သူရဲကောင်းတပ်သားတွေ၊ အီရတ်ပြည်သူတွေကို ချီးကျူးခဲ့ပါတယ်” ဟု ၀န်ကြီးချုပ်ရုံးမှ ထုတ်ပြန်သော ကြေငြာချက်တွင် ဖော်ပြထားသည်။

နိုင်ငံပိုင် သတင်းဌာနက အီရတ်တပ်ဖွဲ့များမှာ တီဂရစ်မြစ်ကမ်းသို့ ရောက်ရှိပြီး အီရတ်အလံကို လွှင့်တင်နိုင်ခဲ့သည်ဟု ဖော်ပြခဲ့ပြီးနောက်ပိုင်း မူဆိုးလ်မြို့လွတ်မြောက်ကြောင်း ကြေငြာချက် ထွက်ပေါ်လာခဲ့ခြင်းဖြစ်သည်။

စောစောပိုင်းက IS အဖွဲ့ဝင် ၁၀၀ ခန့်မှာ တီဂရစ်မြစ်တစ်လျှောက်ရှိ မြို့ဟောင်းတွင် ပိတ်မိနေခဲ့ပြီး​ ရှုံးနိမ့်မည်ဆဲဆဲအချိန် ယနေ့မနက်ပိုင်းက အများစုမှာ မြစ်ထဲသို့ ခုန်ချထွက်ပြေးခဲ့သည်။

မူဆိုးလ်မြို့ကို အီရတ်စစ်တပ် ပြန်လည်သိမ်းပိုက်နိုင်ခြင်းမှာ ၃ နှစ်အတွင်း IS အကြမ်းဖက်အဖွဲ့၏ အကြီးဆုံး ဆုံးရှုံးမှုဖြစ်သည်။

အမေရိကန်ဦးဆောင်သည့် မဟာမိတ်တပ်ဖွဲ့များ၏ လေကြေားင်းပစ်ကူနှင့်တူ အီရတ်တပ်ဖွဲ့မှာ ပြီးခဲ့သည့် အောက်တိုဘာလကတည်းက မူဆိုးလ်မြို့သိမ်းပိုက်ရေး ထိုးစစ်ဆင်ခဲ့ခြင်းဖြစ်သည်။

၉ လတာ ကြာမြင့်ခဲ့သည့် ထိုတိုက်ပွဲအတွင်း အရပ်သားထောင်နှင့်ချီ၍ သေဆုံးခဲ့ပြီး ၁ သန်းနီးပါး အိုးအိမ်စွန့်ခွာ ထွက်ပြေးခဲ့ရသည်။

Ref: Aljazeera