Tag: SaudiArabia

ဒီဇင်ဘာ ၃၁၊ ၂၀၂၂
M-Media

-မန်ယူတိုက်စစ်မှူးဟောင်း ခရစ္စတီယာနို ရော်နယ်ဒိုကို ခေါ်ယူနိုင်ခဲ့ပြီလို့ ဆော်ဒီကလပ် အလ်-နဆာရ်က သောကြာနေ့မှာ ထုတ်ပြန်ကြေငြာပါတယ်။

စာချုပ်သက်တမ်းဟာ ၂၀၂၅ ခုနှစ်အထိ ရှိမှာဖြစ်ပြီး တစ်နှစ်ကို ကန်ဒေါ်လာ ၁၇၅ သန်း ရရှိမှာပါ။

“နောက်ထပ်နိုင်ငံတစ်ခုမှာ အတွေ့အကြုံသစ် ရမှာဖြစ်တဲ့အတွက် စိတ်လှုပ်ရှားမိပါတယ်။ ဆော်ဒီက အမျိုးသား၊ အမျိုးသမီး ဘောလုံးလောက ဖွံ့ဖြိုးတိုးတက်ဖို့အတွက် အလ်-နဆာရ်အသင်း ရည်မှန်းချက်ကြီးကြီးထားပြီး လုပ်ဆောင်နေတာဟာ သိပ်ကို အားကျစရာကောင်းပါတယ်။ ကမ္ဘာ့ဖလားမှာ ဆော်ဒီအသင်းရဲ့ ခြေစွမ်းကို ကျွန်တော်တို့ မြင်ခဲ့ရတယ်။ ဆော်ဒီဟာ ဘောလုံးအားကစားမှာ ရည်မှန်းချက်ကြီးမားပြီး အလားအလာရှိတဲ့ နိုင်ငံတစ်ခုလည်း ဖြစ်ပါတယ်။”

“ဥရောပဘောလုံးလောကမှာ ဆုဖလားအားလုံးကို ရယူနိုင်ခဲ့ပြီးတဲ့နောက် ကျွန်တော့်အတွေ့အကြုံကို အာရှမှာ မျှ၀ေဖို့ အချိန်ကျပြီလို့ ကျွန်တော် ခံစားရပါတယ်။ အသင်းဖော်အသစ်တွေနဲ့ တွေ့ရဖို့၊ အသင်း အောင်မြင်မှုရအောင် ဆောင်ရွက်ပေးဖို့ မစောင့်နိုင်တော့ပါဘူး” လို့ ရော်နယ်ဒိုက လက်မှတ်ရေးထိုးတဲ့ အခမ်းအနားမှာ ပြောကြားခဲ့ပါတယ်။

နို၀င်ဘာလ ရုပ်သံအင်တာဗျူးတစ်ခုမှာ မန်ယူအသင်းနဲ့ နည်းပြတို့ကို ရော်နယ်တို့က ပြင်းပြင်းထန်ထန် ၀ေဖန်ခဲ့ပြီးတဲ့နောက် မန်ယူက ရော်နယ်ဒိုကို စာချုပ်ဖျက်သိမ်းခဲ့တာ ဖြစ်ပါတယ်။

Ref: ESPN

ဒီဇင်ဘာ ၅၊ ၂၀၂၂

M-Media 

-၂၀၂၇ အာရှဖလား ဘောလုံးပြိုင်ပွဲ အိမ်ရှင်လျှောက်ထားမှုကနေ အိန္ဒိယနိုင်ငံ နှုတ်ထွက်သွားတဲ့အတွက် ဆော်ဒီအာရေဗျက အိမ်ရှင်အဖြစ် လက်ခံကျင်းပခွင့် ရဖွယ်ရှိနေပါတယ်။

ပြိုင်ပွဲကို လက်ခံကျင်းပဖို့အတွက် ကာတာ၊ အိန္ဒိယနဲ့ ဆော်ဒီတို့က လျှောက်ထား ထားကြတာပါ။ 

၂၀၂၃ ခုနှစ် ပြိုင်ပွဲကို တရုတ်ကိုယ်စား ကျင်းပဖို့အတွက် ကာတာက စက်တင်ဘာလမှာ လက်ခံခဲ့ပြီး၊ အိန္ဒိယကလည်း လိုအပ်တဲ့ အဆောက်အဦးတွေ အချိန်မီ ဆောက်လုပ်နိုင်မယ့် အနေအထား မရှိတဲ့အတွက် စာရင်းကနေ ဒီကနေ့ပဲ နှုတ်ထွက်သွားခဲ့ပါတယ်။     

အာရှဘောလုံးအဖွဲ့ချုပ်ဟာ လာမယ့်နှစ် ဖေဖော်၀ါရီလမှာ အစည်းအ၀ေးလုပ်ပြီး ၂၀၂၇ အာရှဖလား ဘောလုံးပြိုင်ပွဲ အိမ်ရှင်နိုင်ငံကို ထုတ်ပြန်မှာပါ။

ဆော်ဒီအာရေဗျဟာ အာရှဖလားကို ၃ ကြိမ်တိုင်တိုင် ဆွတ်ခူးရရှိထားပေမယ့် အိမ်ရှင်အဖြစ် လက်ခံကျင်းပထားခြင်း မရှိသေးပါဘူး။ 

၂၀၂၆ ခုနှစ် အာရှဖလား အမျိုးသမီး ဘောလုံးပြိုင်ပွဲကိုလည်း အိမ်ရှင်အဖြစ် လက်ခံကျင်းပဖို့ အခုနှစ်အစောပိုင်းမှာ ဆော်ဒီက လျှောက်ထားထားပါတယ်။ 

Ref: Reuters

ဒီဇင်ဘာ ၃၊ ၂၀၂၂

M-Media 

-အသစ်ဆောက်လုပ်နေတဲ့ ဆော်ဒီအာရေဗျ နည်းပညာမြို့တော်က ပေါ်ထွက်လာမယ့် အလုပ်အကိုင်အခွင့်အလမ်းတွေကို အရယူနိုင်ဖို့အတွက် သီရိလင်္ကာအစိုးရက ပြည်သူတွေကို တိုက်တွန်းလိုက်ပါတယ်။ 

နီအွမ် (NEOM) လို့ အမည်ပေးထားတဲ့ နည်းပညာမြို့တော်သစ်ကို နိုင်ငံအနောက်မြောက်ပိုင်း သဘူးက်မြို့မှာ ဆော်ဒီက တည်ဆောက်နေတာဖြစ်ပြီး ၂၀၃၀ မတိုင်ခင် ဖွင့်လှစ်နိုင်ဖို့ ရည်ရွယ်ထားပါတယ်။ 

ပြီးခဲ့တဲ့လ နီအွန်မြို့ ဆောက်လုပ်ရေးလုပ်ငန်းခွင်ကို သွားရောက်ကြည့်ရှုခဲ့တဲ့ သီရိလင်္ကာ အလုပ်သမား၀န်ကြီး မနျူရှာ နာနာယက်ကာရာက နိုင်ငံအတွင်း ကျွမ်းကျင်လုပ်သားတွေအနေနဲ့ နီအွန်က အလုပ်အကိုင်အခွင့်အလမ်းတွေကို ဖမ်းဆုပ်ကြဖို့ တိုက်တွန်းခဲ့ပါတယ်။ 

“နီအွန်မြို့ အနာဂတ်စီမံကိန်းကြီးကို အကောင်အထည်ဖော်နေတဲ့ အနေအထားကို မြင်ရတာ တကယ့်ကို အံ့အားသင့်စရာ ကောင်းပါတယ်။ စီမံကိန်းသာ ပြီးသွားရင် ခရီးသွားကဏ္ဍနဲ့ ခေတ်သစ်လူနေမှုဘ၀ကို အကြီးအကျယ် ပြောင်းလဲသွားစေမှာပါ”

ဒီစီမံကိန်းကြောင့် အလုပ်အကိုင်အခွင့်အလမ်းများစွာ ဖြစ်ပေါ်စေပြီး နိုင်ငံရပ်ခြား ရွှေ့ပြောင်းလုပ်သားတွေအနေနဲ့ အမိအရ ရယူသင့်ကြောင်း၊ နည်းပညာနဲ့ မြို့ပြတည်ဆောက်ရေးနယ်ပယ်က ကျွမ်းကျင်လုပ်သားတွေအတွက် အကောင်းဆုံး အလုပ်အကိုင် အခွင့်အလမ်းကို ရရှိမှာဖြစ်ကြောင်း ၀န်ကြီးက ထည့်သွင်းပြောဆိုခဲ့ပါတယ်။ 

“သီရိလင်္ကာမှာ ကမ္ဘာ့အဆင့် အင်ဂျင်နီယာတွေ၊ ဗိသုကာပညာရှင်တွေ၊ မြို့ပြစီမံကိန်း ပညာရှင်တွေ အများကြီးရှိိတယ်။ သူတို့ရဲ့ ကျွမ်းကျင်မှု၊ ဖန်တီးနိုင်စွမ်းတွေက ဒီစီမံကိန်းကို အထောက်အကူပေးနိုင်မှာပါ။ နီအွန်လို စီမံကိန်းမျိုးက ကမ္ဘာမှာ သိပ်မရှိဘူး။ ကျွမ်းကျင်လုပ်သားအများစုအတွက် တစ်သက်မှာ တစ်ခါသာရမယ့် အခွင့်အရေးမျိုးပါ”

Ref: Arab News

နို၀င်ဘာ ၁၆၊ ၂၀၂၂

M-Media 

• 

• 

• 

• 

• 

• 

• 

• 

-လူပေါင်း ၆ သောင်းလောက် နေထိုင်နိုင်မယ့် ဧရာမရွက်လှေကြီးတစ်စီးကို ဆော်ဒီအာရေဗျမှာ တည်ဆောက်ဖို့ အီတလီ ဗိသုကာကုမ္ပဏီ Lazzarini က စီစဥ်နေပါတယ်။ 

ကမ္ဘာ့လိပ်ကြီးပုံသဏ္ဍာန်ရှိမယ့် အဲဒီရွက်လှေကို Pangeos လို့ အမည်ပေးထားပါတယ်။ ဆောက်လုပ်ရေးကုန်ကျစားရိတ်က ကန်ဒေါ်လာ သန်းပေါင်း ၆ ထောင် ရှိမှာဖြစ်ပါတယ်။ 

သင်္ဘောဟာ အလျား ပေ ၂ ထောင်၊ အနံ ပေ ၁၈၀၀ ရှိမှာဖြစ်ပါတယ်။ HTS လျှပ်စစ်အင်ဂျင် ၉ လုံး တပ်ဆင်ကာ တစ်နာရီကို ရေမိုင် ၅ မိုင် ခုတ်မောင်းနိုင်မယ်လို့ ဆိုပါတယ်။ 

ဇိမ်ခံအိမ်တွေ၊ တိုက်ခန်းတွေ၊ တော်၀င်မိသားစုတွေအတွက် နန်းတော်ကြီးတွေ ထည့်သွင်းတည်ဆောက်မှာ ဖြစ်ပါတယ်။ ဟိုတယ်တွေ၊ ပန်းခြံ၊ ကမ်းခြေတွေ၊ ကလပ်၊ အပန်းဖြေစင်တာ၊ စျေး၀ယ်စင်တာတွေ အများအပြားပါ၀င်ကာ သင်္ဘောတွေကပ်ဖို့ ဆိပ်ကမ်းနဲ့ လေယာဥ်ငယ်တွေဆင်းဖို့ လေယာဥ်ကွင်းလည်း ထည့်သွင်းထားမှာ ဖြစ်ပါတယ်။ 

ဆောက်လုပ်ရေးလုပ်ငန်းဟာ ၈ နှစ်လောက်ကြာမှာပါ။

သင်္ဘောသွားတဲ့အချိန် ဖြစ်ပေါ်လာတဲ့ ရေလှိုင်းတွေကနေ စွမ်းအင်ရယူတဲ့ နည်းပညာ ပါ၀င်မှာဖြစ်ပြီး သင်္ဘောရဲ့အမိုးမှာ တပ်ဆင်ထားတဲ့ ဆိုလာပြားတွေကနေလည်း စွမ်းအင် ရရှိမှာဖြစ်ပါတယ်။ ရွက်လှေကြီးဟာ ကာဘွန်ထုတ်လွှတ်မှု လုံး၀ရှိမှာမဟုတ်ဘူးလို့ ဆောက်လုပ်မယ့် အီတလီကုမ္ပဏီက ပြောပါတယ်။ 

ဆောက်လုပ်ပြီးသွားရင် ကမ္ဘာ့အကြီးဆုံး ရေပေါ်မြို့တော်ဖြစ်လာမယ့် Pangeos ဟာ ကမ္ဘာတစ်၀ှမ်းကို ရွက်လွှင့်မှာ ဖြစ်ပါတယ်။ 

Ref: luxurylaunches.com