သြဂုတ် ၈၊ ၂၀၁၃
M-Media
သုတ
ရန်ကုန် ။ ။ ရှစ်လေးလုံး ဒီမိုကရေစီအရေးတော်ပုံကြီး ငွေရတုအထိမ်းအမှတ် တွေ့ဆုံဆွေးနွေးပွဲအခမ်းအနားကြီး (ပထမနေ့)ကို ရန်ကုန်မြို့ MCC တွင် ယနေ့ နံနက် (၈း၃၀)နာရီမှ ညနေ(၆)နာရီထိ ကျင်းပပြုလုပ်ခဲ့ပါသည်။
ရှစ်လေးလုံး နှစ်ပတ်လည်အခမ်းအနားကြီးသို့ အရပ်ဖက်အဖွဲ့အစည်းများ၊ နိုင်ငံရေးပါတီများ၊ အသင်းအဖွဲ့များနှင့် လူထုအင်အား စုစုပေါင်း ၂၀၀၀၀ ကျော် တက်ရောက်ပါဝင်ခဲ့ကြသည်။ ပြခန်းများတွင် ၈၈ အရေးအခင်းက အနယ်နယ် အရပ်ရပ်မှ မှတ်တမ်းဓါတ်ပုံများကို ပြသထားပြီး တိုင်းရင်းသားရေး၊ ပြည်တွင်းငြိမ်းချမ်းရေးနှင့် အနာဂတ်ပြည်ထောင်စု၊ လူ့အခွင့်အရေးနှင့် ဒီမိုကရေစီ ဖြစ်ပေါ်တိုးတက်မှု၊ စစ်မှန်သော အမျိုးသား ပြန်လည်သင့်မြတ်ရေး၊ တိုင်းပြည် ပြန်လည်တည်ဆောက်ရေးနှင့် ဒီမိုကရေစီ အင်အားစုများ၏အခန်းကဏ္ဍဟူသော ခေါင်းစဉ်(၄)ရပ်ကို ခန်းမဆောင်(၄)ခုခွဲ၍ ၀ိုင်းဝန်းဆွေးနွေးခဲ့ကြပါသည်။
အခမ်းအနားကြီးသို့ တက်ရောက်လာကြသော ပရိသတ်အပေါင်းအား ကော်ဖီ-မုန်၊ နေ့လည်စာနှင့် ညစာ ထမင်းဟင်းတို့လည်း ကျွေးမွေးခဲ့ကြပြီး ညနေ (၆)နာရီမှာ ဆွေးနွေးပွဲ ပထမနေ့ အစီအစဉ်များကို ရပ်နားခဲ့ပါသည်။
ဓါတ်ပုံများ ကြည့်၇န်။ http://goo.gl/DJpJfA
Leave a Reply
You must be logged in to post a comment.