စက်တင်ဘာ ၁၁၊ ၂၀၁၃
M-Media
လင်းလင်း
ရန်ကုန် ။ ။ ရန်ကုန်တိုင်းဒေသကြီး တောင်ဥက္ကလာပမြို့နယ်တွင် အငှားယာဉ်မောင်းတစ်ဦးအား အရက်မူးနေသူများမှ တုတ်၊ ခဲ များဖြင့် ခြိမ်းခြောက်ကာ စက်တင်ဘာ ၁၀-ရက် ညနေပိုင်းက ငွေညစ်ယူခဲ့သူများအား တောင်ဥက္ကလာပ မြို့မရဲစခန်းမှ အရေးယူ ဆောင်ရွက်လျက် ရှိကြောင်းသိရသည်။
ဖြစ်ပွားပုံမှာ စက်တင်ဘာလ ၁၀-ရက် ညနေ ၄-နာရီ ၀န်းကျင်ခန့်က တောင်ဥက္ကလာပ မြို့နယ်ဘက်သို့မောင်းနှင်လာသော အငှားယဉ်အား (၁၁)ရပ်ကွက် မြသီတာ အားကစားကွင်း ချောင်းကူးတံတားပေါ်တွင် လူတစ်ယောက် ကန့်လန့်အိပ်နေသည် ကိုတွေ့ရသဖြင့် ယာဉ်မောင်း ဦးကိုကိုလေးက ရှောင်ပြီး မောင်းနှင်စဉ် အခြားလူ နှစ်ဦးမှ တုတ်၊ ခဲများကိုင်ဆောင်ကာ ကားအရှေ့တွင် ပိတ်ရပ်ပြီး အရက်ဖိုးပေးရန် ခြိမ်းခြောက်တောင်းဆိုခဲ့ကြောင်းသိရသည်။
ထို့ကြောင့် ယာဉ်မောင်း ဦးကိုကိုလေးမှ ငွေကျပ် ၅၀၀ ပေးခဲ့ပြီး ပဒေသာလမ်းဆုံဘက်သို့မောင်းနှင်ခဲ့ရာ ရဲတပ်ဖွဲ့ဝင်များနှင့်တွေ့ ရှိသဖြင့် ပြောပြ တိုင်တန်း ခဲ့သည်။ “ဒါမျိုး တွေဟာ ကျွန်တော်တို့ အငှားယာဉ် မောင်းတဲ့သူ တော်တော်များများ ကြုံတွေနေတဲ့ ပြဿနာတွေပါ ကျွန်တော်တို့ အထူးသဖြင့် ညဘက် မောင်းတဲ့ အခါမှာ ဒါမျိုးတွေက ကြုံတွေ့တတ်ပါတယ်။ ကျွန်တော်တို့ သတိနဲ့မောင်းဖို့ လိုအပ်တယ်။ အဲလို မူးယစ် ရမ်းကားတဲ့ သူတွေနဲ့ တွေ့တဲ့ အခါ တာဝန်ရှိသူများကို အမြန် ဆုံးအကြောင်းကြားသင့်ပါတယ်”လို့ ဦးကိုကိုလေးက ပြောကြားခဲ့ပါသည်။။
ဦးကိုကိုလေး၏ တိုင်တန်းချက်အရ တောင်ဥက္ကလာပမြို့နယ် ရဲစခန်းမှ အခင်းဖြစ်သွားသော နေရာသို့ သွားရောက်ခဲ့ပြီး အဆိုပါ ခြိမ်းခြောက် ငွေညစ်သူများ အား ဖမ်းဆီးခဲ့ရာ တောင်ဥက္ကပမြို့နယ်နေ (၁၁) ရပ်ကွက်နေသူဖြစ်သည့် မြတ်သူ၊ သက်တင်စိုး၊ ရဲထွဋ်နှင့် (၈)ရပ်ကွက်နေ ဇင်ကို တို့ ၄-ဦးအား ဖမ်းဆီး ရမိခဲ့ပြီး တောင်ဥက္ကလာပ မြို့မရဲစခန်းမှ (ပ) ၃၃၂။၂၀၁၃၊ ပုဒ်မ ၃၈၄/၁၁၄ ဖြင့် အရေးယူဆောင်ရွက် လျက်ရှိကြောင်းသိရသည်။
ကိုးကား – ကြေးမုံသတင်းစာ (စက်တင်ဘာ ၁၁-ရက်၊ ၂၀၁၃)
Leave a Reply
You must be logged in to post a comment.