အောက်တိုဘာ ၅ ၊ ၂၀၁၄
ရှမ်းပြည်နယ်မြို့တော် တောင်ကြီးမှာ စနေ ညနက်ပိုင်းက ဗုံးတွေ ဆက်တိုက်ဆိုသလို ပေါက်ကွဲခဲ့ပါတယ်။
ည ၁၀ နာရီကျော်မှာ အနည်းဆုံး ဗုံး ၃ လုံးပေါက်ကွဲခဲ့ပြီး ရဲတပ်သားနှစ်ဦး ဒဏ်ရာရသွားတယ်လို့ သိရပါတယ်။
ပေါက်ကွဲတဲ့နေရာတွေက ၂၁၂ ဆက်သွယ်ရေးတပ် ဝင်ပေါက်အနီး၊ ယာဉ်ထိန်းရဲစခန်းရှေ့ နဲ့ အရှေ့ပိုင်းတိုင်း စစ်ဌာနချုပ် (ရပက)အနီးတို့မှာ ဖြစ်တယ်လို့ တောင်ကြီးမြို့မရဲစခန်း တာဝန်ကျ ရဲဝန်ထမ်းတစ်ဦးက အတည်ပြု ပြောပါတယ်။
ပေါက်ကွဲမှုတွေ ဖြစ်ပြီးနောက် တောင်ကြီးမြို့မှာ လုံခြုံရေးတွေကိုလည်း ထပ်တိုးချထားတယ်လို့ သူက ပြောပါတယ်။
ဘယ်သူ ဖောက်ခွဲတယ်၊ ဘယ်လို ဗုံးအမျိုးအစားဖြစ်တယ်ဆိုတဲ့ အသေးစိတ်အချက်အလက်တွေကို ဆက်လက် စုံစမ်း စစ်ဆေးဆဲဖြစ်တယ်လို့ သိရပါတယ်။
အစိုးရနဲ့ အပစ်အခတ် ရပ်ထားတဲ့ ရှမ်းပြည် တိုးတက်ရေးပါတီ/ရှမ်းပြည်တပ်မတော် (SSPP/SSA) နှင့် အစိုးရတပ်တွေ ရှမ်းပြည်တောင်ပိုင်း ကျေးသီးမြို့နယ်မှာ ၃ ရက်ဆက်တိုက် တိုက်ပွဲတွေ ဖြစ်ပွားနေစဉ် အတွင်း ယခုလို ဗုံးပေါက်ကွဲမှု ဖြစ်ပွားခဲ့ခြင်းပဲဖြစ်ပါတယ်။
ကိုးကား BBC(မြန်မာပိုင်း)
Leave a Reply
You must be logged in to post a comment.