နိုဝင်ဘာ ၈ ၊ ၂၀၁၄
M-Media
– ပုရိသတို့ရဲ့ စွဲမက်ဖွယ် ခန္ဓာကိုယ် အချိုးအစားနဲ့အတူ မော်ဒယ်လုပ်ငန်းမှာ အောင်မြင်ခဲ့တဲ့ အီတလီက အလှမယ်တစ်ယောက်ဟာ ဘောလုံး ဒိုင်လူကြီး ဘ၀ကို ခြေစုံပစ်ဝင်တော့မယ်ဆိုတဲ့ သတင်းတွေ ထွက်ပေါ်လာခဲ့ပါတယ်။
ရိုမာနီလို့ အမည်ရပြီး အသက် ၃၂ နှစ်အရွယ်ရှိပြီဖြစ်တဲ့ အဲဒီမော်ဒယ်ဟာ ပြီးခဲ့လအနည်းငယ်အတွင်းကပဲ သူ့ရဲ့ အသက်မွေးဝမ်းကြောင်းအလုပ်ကို ပြောင်းလဲဖို့ ဆုံးဖြတ်ခဲ့တာဖြစ်ပါတယ်။
အဲဒီနောက်ပိုင်း ဒိုင်လူကြီးသင်တန်းတွေတက်ခဲ့ပြီး အခုချိန်မှာတော့ ရိုမာနီဟာ အသိအမှတ်ပြု လက်မှတ်ရခဲ့ကာ စီးရီးအေနဲ့ စီးရီးဘီ ပြိုင်ပွဲတွေမှာ ဒိုင်လုပ်ခွင့်ရခဲ့ပါပြီ။
ဒါနဲ့ ပတ်သက်ပြီး သူမက
“ကွင်းအတွင်းက ကစားသမားတွေနဲ့အတူ ပြေးလွှားပြီး အမိန့်တွေပေးရတာဟာ စွဲမက်စရာကောင်းတဲ့ အခွင့်အရေးတစ်ခုပါပဲ” လို့ ပြောကြားခဲ့ပါတယ်။
အီတလီရဲ့ အမြင့်ဆုံးအမှတ်ပေးပြိုင်ပွဲဖြစ်တဲ့ စီးရီးအေပြိုင်ပွဲမှာ အတွေ့အကြုံပိုင်းဆိုင်ရာ သတ်မှတ်ချက်ကြောင့် ယခုအချိန်အထိတော့ အမျိုးသမီး ဒိုင်လူကြီးတွေကို ခန့်အပ်ခြင်း မရှိသေးပါဘူး။
မော်ဒယ်အလုပ်မှာ အောင်မြင်ခဲ့တဲ့ ရိုမာနီတစ်ယောက် သူရဲ့ အသက်မွေးဝမ်းကြောင်း နယ်ပယ်သစ်မှာ အောင်မြင်မလားဆိုတာကိုတော့ စောင့်ကြည့်ရမှာပါ။
ref_ Daily Mail
Leave a Reply
You must be logged in to post a comment.