နိုဝင်ဘာ ၁၀၊ ၂၀၁၄
M-Media
– အသင်းရှိ ကမ္ဘာ့ အကောင်းဆုံးဆုရှင် ခရစ္စတီယာနိုရော်နယ်ဒိုမှာ အခြားသူများထက် မြင့်မားသည့် အဆင့်တစ်ခုသို့ ရောက်ရှိနေပြီး မိမိမှာလည်း ထိုအဆင့်သို့ ရောက်ရှိချင်သည်ဟု ရီးယဲလ်အသင်း၏ ဝေးလ်တိုက်စစ်မှူး ဂါရက်ဘေးက ပြောကြားလိုက်သည်။
ယမန်နေ့က ဗယ်လက်ကာနိုအား ၅ ဂိုး ၁ ဂိုးဖြင့် အနိုင်ရခဲ့သော ပွဲစဉ်တွင် ဘေးလ်မှာ အသင်းအတွက် အဖွင့်ဂိုးသွင်းပေးခဲ့ပြီး ထိုပွဲမှာ ရီးယဲလ်အတွက် ၈ ပွဲကစားပေးထားသည့် ဘေးလ်အတွက် ၅ ဂိုး မြောက်လည်း ဖြစ်သည်။
သို့သော်လည်း ၁၆ ပွဲကစားပြီး ၂၂ ဂိုးသွင်းထားနိုင်သည့် ရော်နယ်ဒိုကဲ့သို့ ကမ္ဘာ့ပြိုင်စံရှား ကစားသမားတစ်ဦးဖြစ်လာရန် ဘေးလ်က ဆန္ဒရှိနေသည်။
“ကျွန်တော်ဟာ တစ်ချိန်လုံး တိုးတက်နေပြီး ရော်နယ်ဒိုလိုအဆင့်ရောက်ဖို့ ကြိုးစားနေပါတယ်။ သူသွင်းခဲ့တဲ့ဂိုးတွေနဲ့ အသင်းအတွက် သူစွမ်းဆောင်ပေးခဲ့တာတွေက အံ့သြလောက်စရာပါပဲ။ ဘယ်သူမှ သူ့လို မရှင်သန်နိုင်ပါဘူး။ အခုအချိန်မှာတော့ သူဟာ အခြားသူတွေထက် နောက်ထပ် အဆင့်တစ်ခုကို ရောက်ရှိနေပါပြီ။ လေ့ကျင့်ကွင်းနဲ့ ပွဲတွေထဲမှာ သူ့ကိုမြင်ရတာဟာ ကျွန်တော့်အနေနဲ့ ဆက်လက်တိုးတက်အောင်လုပ်ဖို့ အားဖြစ်စေပါတယ်။ တစ်နေ့တော့ ကျွန်တော်လည်း အဲဒီနေရာရောက်လာလိမ့်မယ်လို့ မျှော်လင့်ပါတယ်” ဟု ဘေးလ်က BBC သတင်းဌာနသို့ ပြောကြားခဲ့သည်။
ယမန်နှစ်က ကမ္ဘာ့အကောင်းဆုံး ဘောလုံးသမားဆု ရရှိခဲ့သည့် ရော်နယ်ဒိုမှာ ယခုနှစ် ဇကာတင်စာရင်းတွင်လည်း ပါဝင်နေပြီး ဆက်လက်ရွေးချယ်ခံရရန် ရေပန်းစားနေသည်။
Leave a Reply
You must be logged in to post a comment.