နိုဝင်ဘာ ၂၂ ၊၂၀၁၄
M-Media
– ကမ္ဘာ့နိုင်ငံများရဲ့ လှူဒါန်းပေးကမ်းမှုတွေကို ကြည့်ရှုလေ့လာပြီး ထုတ်ပြန်ခဲ့တဲ့ ၂၀၁၄ ကမ္ဘာ့အလှူဒါနအညွှန်းကိန်းအရ အမေရိကန်ပြည်ထောင်စုနဲ့ မြန်မာနိုင်ငံတို့ဟာ ထိပ်ဆုံးမှာ ပူးတွဲရှိနေပါတယ်။
၂၀၀၉ ခုနှစ်မှ ၂၀၁၃ ခုနှစ်တွင်း နိုင်ငံပေါင်း ၁၃၅ နိုင်ငံရဲ့ လှူဒါန်းမှုများကို ကြည့်ရှုလေ့လာခဲ့ပြီးတဲ့နောက် အစီရင်ခံစာကို ဒီလအတွင်းမှာပဲ ထုတ်ပြန် ပြန်ကြေညာလိုက်တာပါ။ ဒီလေ့လာမှုကို နိုင်ငံတကာ အလှူဒါနပြုရေးအဖွဲကဖြစ်တဲ့ Charities Aid Foundation ကနေ ပြုလုပ်ခဲ့တာပါ။
ဒီအညွှန်းကိန်းကို ပျမ်းမျှအားဖြင့် အချက် ၃ ချက်အပေါ်မှာ အခြေခံထားပြီး အဲဒီအချက်တွေကတော့ ပြည်သူများရဲ့ တစ်လအတွင်း ပုံမှန်လှူဒါန်းမှု၊ စေတနာ့ဝန်ထမ်းအဖြစ် တာဝန်ထမ်းဆောင်မှုနဲ့ တစ်စိမ်းတစ်ရံစာများကို ကူညီမှုတွေပဲဖြစ်ပါတယ်။
ဒီလိုလေ့လာမှုကနေ တွေ့ရှိခဲ့တဲ့အချက်တွေကတော့ အောက်ပါအတိုင်း ဖြစ်ပါတယ်။
– အမေရိကန်ပြည်ထောင်စုဟာ ဒီအချက် ၃ ချက်စလုံးအတွက် ထိပ်ဆုံး ၁၀ နိုင်ငံအတွင်းမှာ ပါဝင်တဲ့နိုင်ငံဖြစ်ပါတယ်။
– အမေရိကန်ပြည်ထောင်စုရဲ့ ရမှတ်ဟာ ပြီးခဲ့တဲ့နှစ်က ၆၁ ရာခိုင်နှုန်းရှိရာကနေ ဒီနှစ်မှာ ၆၄ ရာခိုင်နှုန်းရှိပါတယ်။
– ဒီအညွှန်းကိန်းမှာ မြန်မာနိုင်ငံရရှိခဲ့တဲ့အဆင့်က နိုင်ငံလူဦးရေ ၉၁ ရာခိုင်နှုန်းရဲ့ ငွေကြေးလှူဒါန်းမှု အချိုးကနေ ရလာတာပဲ ဖြစ်ပါတယ်။
– ထေရ၀ါဒဗုဒ္ဓသာသနာအသိုင်းအ၀ိုင်းဖြစ်တဲ့ မြန်မာနိုင်ငံက သံဃာတော် ၅ သိန်းကျော်ကို ဒကာ၊ ဒကာမတွေက ဆွမ်းနဲ့ လှူဖွယ်ဝတ္ထုပစ္စည်းများ အမြဲမပြတ် လှူဒါန်းမှုကလည်း ဒီအညွှန်းကိန်းက မြန်မာနိုင်ငံရဲ့ ရမှတ်တွေနဲ့ သက်ဆိုင်နေပါတယ်။
ဒီအစီရင်ခံစာမှာ စိတ်ဝင်စားစရာကောင်းတဲ့ နောက်အချက်တစ်ချက်ကတော့ အမျိုးသမီးတွေဟာ အမျိုးသားတွေထက် ငွေကြေးလှူဒါန်းမှု ပိုမိုများပြားတယ်ဆိုတာပါပဲ။ ဒါပေမယ့် ဒါဟာ ၀င်ငွေအမြင့်ဆုံးနိုင်ငံတွေမှာဖြစ်ပြီး၊ အလယ်အလတ်ဝင်ငွေနဲ့ ၀င်ငွေနိမ့်ပါးတဲ့နိုင်ငံတွေမှာတော့ အမျိုးသားတွေက ပိုပြီးလှူဒါန်းကြတယ်လို့ ဖော်ပြထားပါတယ်။
အမေရိကန်ပြည်ထောင်စု အင်ဒီယားနား တက္ကသိုလ်က Lilly Family ပရဟိတဗေဒဌာနမှ သုတေသနနှင့် ပညာရပ်ရေးရာ ဌာနမှူး ပက်ထရစ်ရူနေးကတော့ အမေရိကန်ပြည်ထောင်စုဟာ အလှူဒါနရက်ရောတဲ့ တိုင်းပြည်တစ်ခုဆိုတာကို လက်ခံခဲ့ပါတယ်။
အမေရိကန်မှာ စီးပွားရေးကျဆင်းမှု ကြုံလာပြီးတဲ့နောက် နှစ်တိုင်းမှာ အလှူဒါနပြုမှုဟာ တိုးလာတယ်လို့လည်း ရူနေးက ဆိုပါသေးတယ်။
“၀မ်းမြောက်ဖွယ်သတင်းကတော့ အလှူဒါနပြုခြင်းဟာ စီးပွားရေးကျဆင်းတဲ့အချိန်မှာတောင် ကျင်ဆင်းမှု မရှိခဲ့တာပါပဲ။ စိတ်မကောင်းစရာသတင်းကတော့ ကျွန်တော်တို့ အဲဒါကို ဆက်လက်တိုးတက်ဖို့ ဆောင်ရွက်ခဲ့ပေမယ့် ကျွန်တော်တို့ မျှော်လင့်တာထက် နှေးကွေးတာပါပဲ” လို့ သူက ပြောခဲ့ပါတယ်။
အမေရိကန်ပြည်ထောင်စုဟာ အလှူဒါနပြုမှုမှာ ၂၀၀၇ ခုနှစ် မတိုင်ခင်ကထက် ၄ ရာခိုင်နှုန်းလျော့ကျသွားတယ် ဆိုတယ်လို့လည်း ရူနေးက ထပ်လောင်းပြောကြားခဲ့ပါတယ်။
ref_ USA Today
Leave a Reply
You must be logged in to post a comment.