ဒီဇင်ဘာ ၁၉ ၊ ၂၀၁၄
M-Media
– လူသားထုအပေါ် ကျူးလွန်သော ရာဇ၀တ်မှုများအတွက် မြောက်ကိုရီးယားအား နိုင်ငံတကာ ရာဇ၀တ်ခုံရုံး ICC သို့ ပို့ရန် တိုက်တွန်းထားသည့် ဆုံးဖြတ်ချက်တစ်ခုကို ကုလသမဂ္ဂ အထွေထွေညီလာခံတွင် အတည်ပြုလိုက်ပြီဟု သိရသည်။
အဆိုပါဆုံးဖြတ်ချက်မူကြမ်းကို ဒီဇင်ဘာ ၁၈ ရက်နေ့က ထောက်ခံမဲ ၁၁၆ မဲ၊ ကန့်ကွက်မဲ ၂၀ နှင့် ကြားနေမဲ ၅၃မဲတို့ဖြင့် အတည်ပြုခဲ့ခြင်းဖြစ်သည်။
ထိုဆုံးဖြတ်ချက်တွင် မြောက်ကိုရီးယားအား ICC သို့ ပို့ဆောင်ရေးအတွက် လုံခြုံရေးကာင်စီကို တောင်းဆိုထားပြီး နိုင်ငံသားများအား ဖိနှိပ်ချုပ်ချယ်မှုအတွက် မြောက်ကိုရီးယားခေါင်းဆောင်များအပေါ် ပစ်မှတ်ထားသည့် ပိတ်ဆို့မှုများကို ပြန်လည်စဉ်းစားရန်လည်း ဆော်သြထားသည်။
အကျဉ်းစခန်းများတွင် နှိပ်စက်ခြင်း၊ စနစ်တကျ ညှင်းပန်းခြင်း၊ အစာရေစာ ပြတ်လပ်စေခြင်းနှင့် သတ်ဖြတ်ခြင်းတို့အပါအ၀င် မြောက်ကိုရီးယားနိုင်ငံတွင် ဖြစ်ပေါ်ခဲ့သည့် ကျယ်ပြန့်သော ညှင်းပန်းနှိပ်စက်မှုများအတွက် အသေးစိတ်အချက်အလက်များ ဖော်ပြထားသော အစီရင်ခံစာတစ်စောင်ကို ကုလသမဂ္ဂ စုံစမ်းစစ်ဆေးရေးကော်မရှင်က ဖေဖော်ဝါရီလတွင် ထုတ်ပြန်ခဲ့ပြီးနောက်ပိုင်း မြောက်ကိုရီးယားအား ICC သို့ပို့ဆောင်ရေး ကုလက ဆောင်ရွက်ခဲ့ခြင်းဖြစ်သည်။
ထိုဆုံးဖြတ်ချက်အတွက် ထွေထွေညီလာခံကော်မတီတွင် ပထမဆုံးပြုလုပ်ခဲ့သည့် မဲပေးမှုတွင်လည်း ထောက်ခံမဲ ၁၁၁ မဲဖြင့် အတည်ပြုခဲ့သည်။
ကွန်မြူနစ်နိုင်ငံ မြောက်ကိုရီးယား၏ လူ့အခွင့်ရေးများကို ချိုးဖောက်နေမှု တိုးပွားလာသည့် အချိန်တွင် ယခုကဲ့သို့ ဆုံးဖြတ်ချက် ထွက်လာမှုအတွက် ချီးကျူးမှုများလည်း ရှိခဲ့ပြီး ဥရောပ သမဂ္ဂမှ ထုတ်ပြန်သော ကြေညာချက်တွင် ထိုဆုံးဖြတ်ချက်က အခြားသောနိုင်ငံများအနေဖြင့် ၎င်းတို့နိုင်ငံအတွင်း လူ့အခွင့်အရေး အခြေအနေကို တိုးတက်အောင် ဆောင်ရွက်ရန်အတွက် ခိုင်မာသော ဆော်သြမှုလည်းဖြစ်သည်ဟု ဖော်ပြခဲ့သည်။
Agencie
Leave a Reply
You must be logged in to post a comment.