ဒီဇင်ဘာ ၃၁၊ ၂၀၁၄
M-Media
– ရီးယဲလ်တွင် ရုန်းကန်နေရသောကြောင့် ပရီးမီးယားလိဂ်သို့ ပြောင်းရွှေ့ တော့မည်ဆိုသည့် သတင်းများအား တိုက်စစ်မှူး ဂါရက်ဘေးလ်က ငြင်းဆိုလိုက်ပြီး ၂၀၁၉ ခုနှစ် သက်တမ်းကုန်ပြီး နောက်ပိုင်းတွင်လည်း ရီးယဲလ်၌ပင် ဆက်လက်ရှိနေဦးမည်ဟု ပြောကြားလိုက်သည်။
ပြီးခဲ့သည့်နွေရာသီ အပြောင်းအရွှေ့က စပါးအသင်းမှ ရီးယဲလ်သို့ စံချိန်တင် ပြောင်းရွှေ့ကြေး ယူရို သန်း ၁၀၀ ဖြင့် ပြောင်းရွှေ့ လာခဲ့သော်လည်း ပုံမှန် ပွဲထွက်ခွင့်မရဘဲ ယခုနှစ်တွင်လည်း အစ္စကိုနှင့် ရော်ဒရီဂစ်က်တို့၏နောက် ဒုတိယနေရာတွင်သာ ရှိနေသည်။
ထို့ကြောင်း ဘေးလ်အနေဖြင့် ပရီးမီးယားလိဂ်သို့ ပြန်လည်ပြောင်းရွှေ့တော့မည် ဖြစ်ပြီး မန်ချက်စတာ ယူနိုက်တက်ဖြစ်နိုင်သည်ဟု စပိန်နှင့် ယူကေရှိ သတင်းများက ဖော်ပြနေကြသည်။
`မန်ယူလား။ ကျွန်တော် ရီးယဲလ်မှာ ပျော်နေပါတယ်။ ဒီမြို့ကို ကျွန်တော်ချစ်တယ်။ ရာသီဥတုနဲ့ ဒီအသင်းကိုလည်း ကျွန်တော် ချစ်ပါတယ်။ ဒီမှာ ဆုတံဆိပ်တွေပိုရဖို့ပဲ ကျွန်တော် စိတ်ထက်သန်ပါတယ်။ ရီးယဲလ်နဲ့ ၂၀၁၉ အထိ စာချုပ်ရှိနေတယ်။ ဒီနောက်ပိုင်းမှာလည်း နောက်ထပ်နှစ် များစွာ ကျွန်တော် ဆက်ရှိနိုင်မှာပါ´ ဟု ဘေးလ်က ပြောကြားခဲ့သည်။
ရီးယဲလ်နည်းပြ အန်ဆယ်လော့တီ ကလည်း ဘေးလ်မှာ အသင်းအတွက် အရေးပါသည် ကစားသမားဖြစ်ပြီး အသင်းက စွန့်လွှတ်မည် မဟုတ်ကြောင်း ပြောကြားခဲ့သည်။
Ref : goal.com
Leave a Reply
You must be logged in to post a comment.