ဖေဖော်ဝါရီ ၉၊ ၂၀၁၅
M-Media
– မူးယစ်ဆေးဝါး ထိန်းချုပ်ရေးအတွက် မြန်မာနှင့် ထိုင်းတို့ ပူးပေါင်းဆောင်ရွက်မှုကို တိုးမြှင့်သွားမည်ဖြစ်ပြီး ထိုလုပ်ငန်းများအတွက် ထိုင်းနိုင်ငံက မြန်မာနိုင်ငံအား ကန်ဒေါ်လာ ၆ သိန်းနီးပါး ရန်ပုံငွေ ပေးအပ်သွားမည်ဟု တာဝန်ရှိသူများက ယနေ့တွင် ပြောကြားလိုက်သည်။
ထိုင်းမူးယစ်ဆေးဝါးထိန်းချုပ်ရေး ဘုတ်အဖွဲ့နှင့် မြန်မာနိုင်ငံမူးယစ်ဆေးဝါးတားဆီးနှိပ်နင်းရေး ဗဟိုကော်မတီတို့ မကြာသေးမီက ချုပ်ဆိုခဲ့သော နှစ်နိုင်ငံ ပူးပေါင်းဆောင်ရွက်ရေး သဘောတူညီချက်အောက်တွင် ထိုင်းနှင့် မြန်မာတို့မှာ မူးယစ်ဆေးဝါးထိန်းချုပ်ရေးနှင့် ဖြိုခွင်းခြင်းတို့ကို မြှင့်တင်ခြင်း တစ်နှစ်တာကြာမြင့်မည့် အစီအစဉ်ကိုဖော်ဆောင်သွားမည်ဖြစ်သည်။
မြန်မာနှင့် ထိုင်းတို့မှာ ကန်ဒေါ်လာ ၁၀.၇ ဘီလီယံတန်ဖိုးရှိ မူးယစ်ဆေးဝါးထိန်းချုပ်ရေး ၆ နှစ်တာ အစီအစဉ်ကို မြန်မာနိုင်ငံရှိ တာချီလိတ်နှင့် မိုင်းဆတ်မြို့များတွင် ၂၀၁၂ ခုနှစ်ကတည်းက စတင်ဖော်ဆောင်ခဲ့ခြင်းဖြစ်သည်။ အဆိုပါအစီအစဉ်တွင် မူးယစ်ဆေးဝါး ထိန်းချုပ်ရေးနှင့် ဘိန်းအစားထိုးသီးနှံများ စိုက်ပျိုးခြင်းအတွက် ပူးပေါင်းဆောင်ရွက်ရေး အစီအစဉ်များလည်း ပါဝင်သည်။
မူးယစ်ဆေးဝါးနှင့် ရာဇ၀တ်မှုဆိုင်ရာ ကုလသမဂ္ဂရုံးမှ ထုတ်ပြန်သော အစီရင်ခံစာအရ မြန်မာနိုင်ငံတွင် ဘိန်းစိုက်ပျိုးမှုဧရိယာမှာ ၂၀၁၃ ခုနှစ်အတွင်း ၅၇၈၀၀ ဟက်တာ ရှိခဲ့ရာမှာ ၂၀၁၄ ခုနှစ်တွင် ၅၇၆၀၀ ဟက်တာသာ ရှိတော့ကြောင်း ဘိန်းစိမ်းထုတ်လုပ်မှုမှာလည်း ၂၀၁၃ ခုနှစ်တွင် တန်ချိန် ၈၇၀ ရှိရာမှ၊ ၂၀၁၄ ခုနှစ်တွင် ၂၅ ရာခိုင်နှုန်းလျော့ကျကာ တန်ချိန် ၆၇၀ သာရှိတော့ကြောင်း ဖော်ပြထားသည်။
မြန်မာနိုင်ငံမှာ မူးယစ်တိုက်ဖျက်ရေး ၅ နှစ်တာအစီအစဉ် (၂၀၁၄ ခုနှစ်မှ ၂၀၁၉) ကို ထပ်တိုးဆောင်ရွက်သွားရန် စီစဉ်ထားပြီး ၁၉၉၉ မှ ၂၀၁၄ ခုနှစ်အထိ သတ်မှတ်ဆောင်ရွက်ခဲ့သော မူးယစ်တိုက်ဖျက်ရေး ၁၅ နှစ်တာအစီအစဉ်ကို အရှိန်မြှင့်ရန် ရည်ရွယ်ခြင်းလည်းဖြစ်သည်။
Ref: xinhua
Leave a Reply
You must be logged in to post a comment.