Blind Trust Project

ဖေဖော်ဝါရီ ၁၄ ၊ ၂၀၁၅
ရှာဖွေ တင်ပြသူ- ကျော်ကျော်

ဒါလေးကို တီထွင်ရိုက်ကူးတာကToronto filmmaking group ကTime Vision ကရိုက်တာပါ။

အဲ့ဒီပရောဂျက်ကို’Blind Trust Project’လို့ နာမည်ပေးထားတယ်။ ရိုက်ကူးဖို့ အဖွဲ့ကလေးတစ်ခု စုစည်းကာ စတင်ခဲ့သူကတော့ အသက် ၂၄နှစ် အရွယ်ရှိ ကနေဒီယန် မွတ်စလင် အမျိုးသမီးငယ်Assma Galuta ပဲဖြစ်ပါတယ်။

ကနေဒါနိုင်ငံ Torontoမြို့ Dundas Square အလယ်၊လူသွားလူလာထူထပ်ပြီး အလုပ်ရှုပ်လှတဲ့နေရာမှာရိုက်ကွင်းကို တည်ထားပါတယ်။ အဲ့ဒီမှာမွတ်စလင်လူငယ် တစ်ဦးက မျက်စိကိုအဝတ်စည်းပြီး ပိတ်ထားကာ မတ်တပ် ရပ်နေပါတယ်။ သူ့တစ်ဖက်တစ်ချက်စီမှာ-ကျွန်တော်ဟာ မွတ်စလင် တစ်ယောက်ပါ။ အကြမ်းဖက်သမားလို့ တံဆိပ်ကပ်ခံရပါတယ်။ခင်ဗျားကို ယုံပါတယ်၊ ကျွန်တော့်ကို ယုံလား၊ပွေ့ဖက်မှုတစ်ခုပေးပါ-ဆိုတဲ့ဆိုင်းဘုတ်ငယ်လေးကို ချထားပါတယ်။

ရည်ရွယ်ချက် ကတော့ မွတ်စလင်တွေကို သိမ်းကြုံးပြီး လိုရာဆွဲကာ အကြမ်းဖက်သမားခေါင်းစဉ်အောက်မှာ ထည့်သွင်းတာကို တွန်းလှန်ဖို့ပါ။ ဇန်နဝါရီလ ၃၁ရက်နေ့ကတင်ခဲ့တဲ့ ဒီဗွီဒီယိုဖိုင်လေးဟာ YouTube မှာ အခုထိကြည့်ရှူ့သူပေါင်း ၁၁ သိန်းကျော်သွားပါပြီ။ ဒီလိုတည်ပြီး စရိုက်ကတည်းက အဲ့ဒီလူငယ်ကို ၃မီနစ်အတွင်း လာရောက်ပွေ့ဖက်သူ အယောက်၂၀ကျော်ရှိခဲ့ပါတယ်။သူ့နားက ဖြတ်သွားဖြတ်လာနေကြတဲ့ အရောင်အသွေးစုံ လူပေါင်းစုံတို့က တစ်ချက်ရပ်ငေးကာ ပွေ့ဖက်ခဲ့ကြတာပါ။

ယူကေတို့ နယူးဇီလန်တို့မှာလည်း ခေါင်းကြီးပိုင်းနေရာတွေမှာ ဒီဗွီဒီယိုဖိုင်လေး ကနေရာယူခဲ့ပါတယ်။ စီစဉ်ရိုက်ကူးသူတွေထဲက Ottawa အခြေဆိုက် တက်ကြွလှုပ်ရှားသူ တစ်ဦးဖြစ်တဲ့ AsoOmil Jayဆိုတဲ့ အမျိုးသမီးငယ်ကလေး ကတော့-ကြည့်ပြီးအတော်လေး ခံစားရကြောင်းပြောကြားပါတယ်။နောက်ပြီး ဒါဟာ ဝါဒဖြန့်ချီတာမဟုတ်ဘဲ၊ လက်တွေ့လူမှုနယ်ပယ်မှာ အစစ်အမှန်ဖြစ်မယ့် ရှာဖွေတွေ့ရှိမှုလို့ လည်းပြောပါတယ်။ အဲ့ဒီပွေ့ဖက်မှုတွေက မွတ်စလင်ဖြစ်လို့ အကြောင်းမဲ့ မုန်းတီးခံရခြင်းအတွက် အသစ်တဖန်အားအင်သစ်တိုးဖို့ အတွက် အပြောင်းအလဲပါပဲလို့ဆိုပါတယ်။

ဒီလူငယ်လေးကိုပွေ့ဖက်ဖို့  လမ်းသွားလမ်းလာရှုပ်ထွေးနေတဲ့နေရာ လမ်းလယ်ကောင်မှာ ကားကို ရပ်ပြီးဆင်းလာကာပွေ့ဖက်ခဲ့တဲ့ လူမည်းလူငယ်လေး တစ်ယောက်ကြောင့်လည်း မျက်ရည်ဝဲရတယ်လို့ဆိုပါတယ်။

ဇာတ်ဆောင် မျက်စိပိတ်ထားတဲ့လူငယ်ကတော့ ဒီရှာဖွေတွေ့ရှိမှုကို ဥာဏ်အလင်းရစေတဲ့ဟာလို့ဆိုပါတယ်။ အဲ့ဒီလူငယ်နာမည်က Mustafa Mawla လို့ခေါ်ပါတယ်။ သူကဆက်လက်ပြီး၊လာရောက်ပွေ့ဖက်သူတွေက လူစိမ်းတွေပါ၊ သူတို့ဘာလူမျိုးဖြစ်တယ် ဘယ်ဘာသာဝင်တွေလည်း၊ဘယ်ကနေ လာကြသလဲဆိုတာကျွန်တော် မသိပါဘူး။ လူသားတစ်ယောက်အနေနဲ့ ကိုယ်စားပြုတဲ့ ကျွန်တော်ကို နောက်လူသား တစ်ယောက်က လာရောက်ပွေ့ဖက်သွားတယ်ဆိုပဲသိပါတယ်တဲ့။ ယဉ်ကျေးတဲ့ လူ့အသိုင်းအဝိုင်းတစ်ခုဖြစ်လာဖို့ ယဉ်ကျေးတဲ့အစိုးရတစ်ရပ်ရှိရမယ်ဆိုတာ အပြင် ပြည်သူပြည်သားတိုင်းမှာလည်း ကြိုးပမ်းဆောင်ရွက်သင့်တယ်ဆိုတာ တကယ်ပဲပေါ်လွင်လှပါတယ်။

Youtube Link =>http://youtu.be/HNUHnzkojag