News @ M-Media

ကမ္ဘာ့အချမ်းသာဆုံးသူများ စာရင်းတွင် ဘီလ်ဂိတ် ၁၆ နှစ်ဆက်တိုက် ထိပ်ဆုံး၌ ရပ်တည်

မတ် ၄၊ ၂၀၁၅
M-Media

Bill Gates speaks in Washington

– Forbes မဂ္ဂဇင်းမှ ယမန်နေ့တွင် ထုတ်ပြန်ခဲ့သော ကမ္ဘာ့အချမ်းသာဆုံး ပုဂ္ဂိုလ်များစာရင်းတွင် မိုက်ခရိုဆော့ဖ်ပိုင်ရှင် ဘီလ်ဂိတ်က ထိပ်ဆုံး၌ ဆက်ရှိနေပြီး Facebook တည်ထောင်သူ ဇူကာဘက်မှာ ထိပ်ဆုံး ၂၀ စာရင်းတွင် ပထမဆုံး ပါဝင်လာသည်ဟု သိရသည်။

ဘီလ်ဂိတ်၏ အသားတင် ကြွယ်ဝမှုမှာ ကန်ဒေါ်လာ ၇၉.၂ ဘီလီယံအထိ ရှိလာခဲ့ပြီး ပြီးခဲ့သည့်နှစ်ကထက် ၂ ဘီလီယံကျော် တက်လာခဲ့ခြင်းဖြစ်သည်။ ထိုကဲ့သို့ ထိပ်ဆုံးနေရာတွင် ရှိနေခြင်းမှာ ပြီးခဲ့သည့် ၂၁ နှစ်အတွင်း ၁၆ နှစ်ဆက်တိုက် ရှိနေခြင်းလည်း ဖြစ်သည်။

မက္ကဆီကို ဆက်သွယ်ရေးလုပ်ငန်းရှင် ကားလို့စ် စလင်မ်း ဟီလူက ပိုင်ဆိုင်မှု ၇၇.၁ ဘီလီယံဖြင့် ဒုတိယနေရာတွင် ရှိနေခဲ့ပြီး Berkshire Hathaway Inc ၏ အကြီးအကဲ ၀ရန့် ဘက်ဖက်တီက ၇၂.၇ ဘီလီယံဖြင့် တတိယနေရာတွင် ရှိနေသည်။

ဘက်ဖက်တီမှ ယမန်နှစ်ကထက် ၀င်ငွေ ၁၄.၅ ဘီလီယံ တိုးလာခဲ့ပြီး စာရင်းတွင်ပါဝင်သူအားလုံးတွင် ၀င်ငွေအများဆုံးတိုးသူလည်း ဖြစ်ခဲ့သည်။ ၎င်းမှာ ပြီးခဲ့သည့် ဇူလိုင်လအတွင်း ကန်ဒေါ်လာ ၂.၈ ဘီလီယံကို အလှူဒါန အဖွဲ့အမျိုးမျိုးအတွက် လှူဒါန်းခဲ့သည်။

Forbes မဂ္ဂဇင်းမှာ ပြီးခဲ့သည့်နှစ်က ဘီလီယံနာ ၁၆၄၅ ဦးကို လေ့လာဆန်းစစ်ခဲ့ပြီး ယခုနှစ်အတွင်း ၁၈၂၆ ဦးအထိ မြင့်တက်လာကာ ၎င်းတို့အားလုံး၏ စုစုပေါင်းပိုင်ဆိုင်မှုမှာ ဒေါ်လာ ၇.၀၅ ထရီလီယံရှိသည်ဟု ဖော်ပြခဲ့သည်။

အဆိုပါစာရင်းတွင် အမျိုးသမီး ၁၉၇ ဦး ပါဝင်ပြီး Wal-Mart Stores Inc မှ အမွေခံ ခရစ္စတီ ဝေါလ်တန်က အဆင့် ၈ နေရာဖြင့် အမြင့်ဆုံးဖြစ်သည်။

Facebook ပိုင်ရှင် အသက် ၃၀ အရွယ် ဇူကာဘက်မှာ ပြီးခဲ့သည့်နှစ်က အဆင့် ၂၁ ရှိရာမှာ ယခုနှစ်တွင် ပိုင်ဆိုင်မှု ၃၃.၄ ဘီလီယံဖြင့် အဆင့် ၁၆ နေရာသို့ ရောက်ရှိလာခဲ့ပြီး ထိပ်ဆုံး ၂၀ စာရင်းတွင် ပထမဆုံး ၀င်ရောက်နိုင်ခဲ့ခြင်းလည်း ဖြစ်သည်။

ထိုစာရင်းမှ အငယ်ဆုံး ဘီလီယံနာမှာ Shanpchat မက်ဆေ့ခ်ျ အက်ပလီကေးရှင်းကို ပူးပေါင်းတည်ထောင်ခဲ့သူ အသက် ၂၄ နှစ်အရွယ် အီဗန် စပီဂျဲလ်နှင့် အသက် ၂၅ နှစ်အရွယ် ဘော့ဘီ မာဖီတို့ ဖြစ်ကြသည်။

Ref: Alarabiya

Comments

Leave a Reply