တောင်ကိုရီးယားတွင် ကင်ဆာပျောက်ကင်းမှုနှုန်း ၇၀ ရာခိုင်နှုန်းအထိရှိလာ

ဒီဇင်ဘာ ၂၆၊ ၂၀၁၅
M-Media

– ဆေးသိပ္ပံဆိုင်ရာ တိုးတက်မှုများနှင့် ရောဂါစမ်းသပ်ရှာဖွေရေးစနစ် မြင့်မားလာခြင်းတို့ကြောင့် တောင်ကိုးရီးယား၌ ကင်ဆာရောဂါသည် သုံးယောက်တွင် နှစ်ယောက်မှာ အပြည့်အ၀ ပြန်လည်ကောင်းမွန်လာသည်ဟု တောင်ကိုရီးယားအစိုးရက ယခုသီတင်းပတ်အတွင်း ထုတ်ပြန်ခဲ့သည့် အစီရင်ခံစာ၌ ဖော်ပြထားသည်။

ကျန်းမာရေးဝန်ကြီးဌာနက ထုတ်ပြန်ခဲ့ခြင်းဖြစ်ပြီး ၂၀၀၉ မှ ၂၀၁၃ ခုနှစ် ၅ နှစ်တာကာလအတွင်း ကင်ဆာဝေဒနာရှင်များ အသက်ရှင်နှုန်းမှာ ၆၉.၄ ရာခိုင်နှုန်းထိ ရောက်ရှိလာသည်ဟုလည်း ဆိုသည်။

ထိုကဲ့သို့ အသက်ရှင်မှုရာခိုင်နှုန်း မြင့်မားလာခြင်းမှာ ဆေးသိပ္ပံဆိုင်ရာ တိုးတက်မှု၊ ပုံမှန်ဆေးစစ်ခြင်းဖြင့် စောစီးစွာ ရောဂါရှာဖွေတွေ့ရှိမှုတို့ကြောင့် ဖြစ်ပြီး ကျန်းမာစွာနေထိုင်တတ်မှု၏ အကျိုးကျေးဇူးလည်း ပါဝင်သည်ဟု အစီရင်ခံစာတွင် ဖော်ပြထားသည်။ တောင်ကိုးရီယားတွင် အမျိုးသားများ ဆေးလိပ်ဖြတ်သူအရေအတွက် တိုးပွားလာခြင်းကြောင့် အသက်ရှင်မှုရာခိုင်နှုန်း များပြားလာခြင်းလည်း ဖြစ်သည်။

ကင်ဆာရောဂါ အရှင်းပျောက်ကင်းမှုတွင် အများစုမှာ လည်ပင်းကင်ဆာဖြစ်ပြီး ၁၀၀.၂ ရာခိုင်နှုန်းရှိကာ ကင်ဆာမရှိသူများထက်ပင် အသက်ရှင်မှုနှုန်း ကျော်လွန်နေသည်ကို ဖော်ပြနေသည်။

ဝှေးစေ့ကင်ဆာနှင့် ရင်သားကင်ဆာ ခံစားနေသူ ၉၀ ရာခိုင်နှုန်းကျော်သည် ငါးနှစ်အကြာကုသမှုအပြီးတွင် လုံးဝပျောက်ကင်းသွားခဲ့သည်။ အူမကြီးကင်ဆာနှင့် အစာအိမ်ကင်ဆာသမား ၇၀ ရာခိုင်နှုန်းကျော်မှာနာတာရှည် ကုသနေစရာ မလိုတော့ပေ။

သို့သော်လည်း ပန်ကရိယကင်ဆာ၊ အဆုတ်ကင်ဆာ၊ အသည်းကင်ဆာ ဖြစ်နေသူများ၏ အသက်ရှင်မှုနှုန်းသည် ၉.၄ ရာခိုင်နှုန်း၊ ၂၃.၅ ရာခိုင်နှုန်းနှင့် ၃၁.၄ ရာခိုင်နှုန်းသာ ရှိကြပြီး ပျောက်ကင်းမှုနှုန်း နည်းပါးနေဆဲဖြစ်သည်။ တောင်ကိုရီးယားတွင် ကင်ဆာဖြစ်ပွားသူနှုန်းထားမှာ ၂၀၁၂ ခုနှစ်တွင် လူတစ်သိန်း၌ ကင်ဆာဖြစ်ပွားသူအရေအတွက် ၃၂၂.၃ ဦး ရှိခဲ့ရာမှ ၂၀၁၃ ခုနှစ်တွင် ၃၁၁.၆ ထိ လျော့ကျခဲ့သည်။

Ref: Xinhua