ဖေဖော်ဝါရီ ၁၇၊ ၂၀၁၆
M-Media
– ယီမင်နိုင်ငံတွင် လူသားချင်းစာနာထောက်ထားမှုဆိုင်ရာ ကပ်ဘေး ကျရောက်နေပြီး ယီမင်ပြည်သူ ၂၁ သန်းကျော်မှာ အကူအညီတစ်ခုမဟုတ်တစ်ခု လိုအပ်နေသည်ဟု ကုလသမဂ္ဂက လူသားချင်းစာနာထောက်ထားမှုဆိုင်ရာ အကြီးအကဲ စတီဖင် အို ဘရိုင်ယန်က ယမန်နေ့တွင် ပြောကြားလိုက်သည်။
ဆော်ဒီဦးဆောင်သည့် မဟာမိတ်တပ်ဖွဲ့များကြောင့် ကုလ၏ အကူအညီပေးရေးသင်္ဘော ပြန်လှည့်ရခြင်း အပါအ၀င် အကူအညီပေးရေး ကြိုးပမ်းမှုများကို ကန့်သတ်မှုများ တိုးမြင့်လာခြင်းမှာလည်း အခြေအနေကို ပိုမိုဆိုးရွားစေခဲ့သည်ဟု ဘရိုင်ယန်က ထည့်သွင်းပြောကြားခဲ့သည်။
၂၀၁၅ ခုနှစ် မတ်လက မဟာမိတ်အဖွဲ့များ ဟူသီသူပုန်များကို လေကြောင်းမှ စတင်တိုက်ခိုက်သည့် အချိန်မှစ၍ ယနေ့အချိန်အထိ လူပေါင်း ၆၀၀၀ ကျော် သေဆုံးခဲ့ပြီး ထက်ဝက်ခန့်မှာ အရပ်သားများဖြစ်သည်။ သေဆုံးသူများတွင် ကလေးငယ် ၇၀၀ ကျော် ပါဝင်ခဲ့ပြီး ကလေး ၁၀၀၀ ခန့်မှာ ဒဏ်ရာရရှိခဲ့သည်ဟု ကုလ၏ မှတ်တမ်များအရ သိရသည်။
ယီမင်ပြည်သူ ၇.၆ သန်းမှာ အစားအစာမလုံလောက်မှုကို ဆိုးဆိုးဝါးဝါး ရင်ဆိုင်နေရပြီး၊ ၃.၄ သန်းမှာ ကျောင်းမနေရပေ။
Ref: Aljazeera
Leave a Reply
You must be logged in to post a comment.