စက်တင်ဘာ ၂၂၊ ၂၀၁၆
M-Media
– ကမ္ဘာကြီးနှင့် တစ်သီးတစ်ခြားအဖြစ်ဆုံး မြောက်ကိုရီးယားနိုင်ငံတွင် မှတ်ပုံတင်ထားသည့် ၀ဘ်ဆိုက် ၂၈ ခုသာ ရှိသည်ဟု လျှို့ဝှက်ပေါက်ကြားလာသော သတင်းများအရ သိရသည်။
ထိုပေါက်ကြားလာမှုမှာ မြောက်ကိုရီးယားရှိ ၀ဘ်ဆိုက်များကို ထိန်းချုပ်သည့် ဆာဗာတစ်ခုက .kp အမည်အောက်ရှိ ဒိုမိန်းအမည်များကို မှားယွင်းဖော်ပြခဲ့မှုမှတစ်ဆင့် သိရှိရခြင်းဖြစ်သည်။
ဝဘ်ဆိုက်များမှ အများစုမှာ ယဉ်ကျေးမှုဆက်ဆံရေး ကော်မတီ၊ ရေကြောင်းအေဂျင်စီ၊ နိုင်ငံပိုင်သတင်းအေဂျင်စီ Pyongyang Broadcasting Service နှင့် အလုပ်သမားပါတီ၏ သတင်းစာဖြစ်သော Rodong Sinmun တို့၏ ၀ဘ်ဆိုက်များကဲ့သို့ အစိုးရနှင့် သက်ဆိုင်သည့် ၀ဘ်ဆိုက်များဖြစ်သည်။
ထို့ပြင် နိုင်ငံပိုင်လေကြောင်းလိုင်း Air Koryo ၏ ၀ဘ်ဆိုက်၊ မြောက်ကိုရီးယား ရုပ်ရှင်နှင့် အစားသောက်များကို တင်ဆက်သည့် ၀ဘ်ဆိုက်များလည်း ထိုအထဲတွင် ပါဝင်သည်။ ထို့ကဲ့သို့ မတော်တဆ ဖော်ပြမိခဲ့သည့် ၀ဘ်ဆိုက်များစာရင်းကို ကမ္ဘာတစ်ဝှမ်းမှ သတင်းအေဂျင်စီများက အမိအရ screen shoot ဖမ်းယူခဲ့ကြသည်။
အင်တာနက်အသုံးပြုမှုကို ပြင်းပြင်းထန်ထန် ထိန်းချုပ်ထားပြီး ၎င်း၏ ၀ဘ်ဆိုက်ကွန်ယက် သတင်းအချက်အလက်များကို ထုတ်ပြန်လေ့မရှိသည့် မြောက်ကိုရီးယားအတွက် ယခုကဲ့သို့ မှားယွင်းဖော်ပြမှုကာ ကြုံတောင့်ကြုံခဲ အဖြစ်အပျက်လည်း ဖြစ်သည်။
ထိုသတင်းအချက်အလက်များကို အင်္ဂါနေ့က အင်ဂျင်နီယားတစ်ဦးဖြစ်သူ မတ် ဘာရ်ယန့်က တွေ့ရှိခဲ့ခြင်းဖြစ်သည်။
Ref: the guardian
Leave a Reply
You must be logged in to post a comment.