ဇန်န၀ါရီ ၂၇၊ ၂၀၁၈
M-Media
– အာဖဂန်နစ္စတန်နိုင်ငံ မြို့တော် ကဘူးလ်တွင် တာလီဘန်အဖွဲ့က လူနာတင်ယာဉ်ဖြင့် အသေခံဗုံးခွဲမှု ပြုလုပ်ခဲ့သည့်အတွက်ကြောင့် အနည်းဆုံး လူ ၆၀ ကျော် သေဆုံးပြီး ၇၀ ဒဏ်ရာရရှိခဲ့သည်ဟု အာဖဂန် ကျန်းမာရေးဝန်ကြီး ၀ါဟစ် မဂ်ျရူက ပြောကြားခဲ့သည်။
ပြည်ထဲရေးဝန်ကြီးဌာန ၀င်ပေါက်တွင် ယနေ့မနက်ပိုင်းက ဖြစ်ပွားခဲ့ခြင်းဖြစ်ပြီး တာလီဘန်က ၎င်းတို့လက်ချက်ဖြစ်သည်ဟု ကြေငြာခဲ့သည်။ အသေခံဗုံးခွဲသမားမှာ လူနာတစ်ဦးပါလာသည်ဟု ပြောဆိုကာ စစ်ဆေးရေးဂိတ်တစ်ခုကို ကျော်လွန်ခဲ့ပြီး ဒုတိယမြောက် စစ်ဆေးရေးဂိတ်တွင် ဖောက်ခွဲခဲ့ခြင်ဖြစ်သည်။
ပေါက်ကွဲသည့်နေရာတစ်ဝိုက်တွင် အစိုးရရုံးများ၊ စီးပွားရေးလုပ်ငန်းများ၊ စာသက်ကျောင်းတစ်ခုနှင့် ဆေးရုံတစ်ခုတို့ ရှိနေသည်။
ပြီးခဲ့သည့်တစ်ပတ်ကလည်း တာလီဘန်အဖွဲ့မှာ ကဘူးလ်မြို့ရှိ နာမည်ကြီးဟိုတယ်ဖြစ်သော Intercontinental Hotel တွင် တိုက်ခိုက်မှုတစ်ခု ပြုလုပ်ခဲ့ပြီး လူ ၁၈ ဦး သေဆုံးခဲ့သည်။
ထိုတိုက်ခိုက်မှုမတိုင်ခင် ရက်အနည်းငယ်အရင်က ဂျလာလာဘတ်ရှိ Save the Children ရုံးကို IS အကြမ်းဖက်အဖွဲ့က တိုက်ခိုက်မှုကြောင့် အနည်းဆုံး ၃ ဦး သေဆုံးခဲ့သည်။
Ref : Aljazeera