News @ M-Media

ကိုဗစ်မရှိကြောင်း ဆေးစာအတုထုတ်ပေးသည့် ဆေးခန်းပိုင်ရှင်ကို ဘင်္ဂလားဒေ့ရှ် ဖမ်းဆီး

ဇူလိုင် ၁၇၊ ၂၀၂၀
M-Media

ဖမ်းဆီးခံရပြီးနောက် တွေ့ရသည့် မိုဟာမက် ရှာဟဒ် (လယ်)

-Covid-19 ရလဒ် ထောင်နဲ့ချီ လိမ်လည်ထုတ်ပေးခဲ့တဲ့ ပုဂ္ဂလိက ဆေးခန်းပိုင်ရှင်ကို ဘင်္ဂလားဒေ့ရှ် ရဲတပ်ဖွဲ့က ဖမ်းဆီးလိုက်ပါတယ်။

အသက် ၄၃ နှစ်အရွယ် မိုဟာမက် ရှာဟဒ်ဆိုသူ အဲဒီ ဆေးရုံပိုင်ရှင်ဟာ ၉ ရက်ကြာ ထွက်ပြေးတိမ်းရှောင်နေခဲ့ပြီးတဲ့နောက် အိန္ဒိယနိုင်ငံကို ဝင်ရောကဖို့ ကြိုးစားစဉ်မှာ ဘင်္ဂလားဒေ့ရှ်အာဏာပိုင်တွေက ဖမ်းဆီးနိုင်ခဲ့တာပါ။

ရှာဟဒ်ပိုင်တဲ့ ဆေးခန်းနှစ်ခုဟာ ဆေးစစ်တဲ့သူ အနည်းဆုံး ၆၅၀၀ လောက်ကို ကိုဗစ်မရှိကြောင်း ဆေးစာအတု တ်ပေးခဲ့သလို၊ အစိုးရစားရိတ်နဲ့ အခဲမဲ့ဆေးစစ်တဲ့ အစီအစဉ်မှာလည်း ပြည်သူတွေထံကနေ ငွေထပ်တောင်းခဲ့တယ်လို့ ဘင်္ဂလားဒေ့ရှ်အထူးတပ်ဖွဲ့ ပြောရေးဆိုခွင့်ရှိသူ ဗိုလ်မှူးကြီး အာရှစ် ဘီလားက ပြောကြားခဲ့ပါတယ်။

ဘင်္ဂလားဒေ့ရှ်မှာ ကိုဗစ်ရလဒ်လိမ်လည်ထုတ်ပေးမှုအတွက် ဖမ်းဆီးခံရသူဟာ ရှာဟဒ်တစ်ယောက်တည်း မဟုတ်ပါဘူး။ လူတွေကို အမှန်တကယ် စမ်းသပ်စစ်ဆေးမှုမရှိဘဲ ကိုဗစ်မရှိကြောင်း ဆေးစာထုတ်ပေးခဲ့တဲ့ ပုဂ္ဂလိက ဆေးခန်းပိုင်ရှင်တစ်ဦးကို ပြီးခဲ့တဲ့တစ်ပတ်မှာ ဘင်္ဂလားဒေ့ရှ် အာဏာပိုင်တွေက ဖမ်းဆီးခဲ့ပါတယ်။

ဘင်္ဂလားဒေ့ရှ်နိုင်ငံမှာ ကိုရိုနာဗိုင်းရပ်စ် ကူးစက်သူအရေအတွက် ၁၉၃၅၀၀ ဦး ရှိနေပြီး သေဆုံးသူကတော့ ၂၄၅၇ ဦး ရှိနေပါတယ်။ အခုလို လိမ်လည်မှုတွေကြောင့် လူတွေကို ကိုဗစ်စစ်ဆေးဖို့ တိုက်တွန်းရာမှာ အတားအဆီးတွေ ဖြစ်နိုင်တယ်လို့ ပညာရှင်တွေက သတိပေးထားပါတယ်။

Ref: CNN