စက်တင်ဘာ ၂၄၊ ၂၀၂၂
M-Media
-အစ္စရေးထံကနေ လေကြောင်းရန် ကာကွယ်ရေးစနစ် ၀ယ်ယူဖို့ အာရပ်စော်ဘွားများပြည်ထောင်စု (ယူအေအီး) က စီစဥ်နေပါတယ်။
SPYDER လို့ အမည်ပေးထားတဲ့ ရွေ့လျား လေကြောင်းရန် ကာကွယ်ရေးစနစ် ဖြစ်ပြီး အစ္စရေးကလည်း ရောင်းဖို့ သဘောတူထားပါတယ်။
ဒီသဘောတူညီချက်ဟာ ယူအေအီးနဲ့ အစ္စရေးတို့အကြား ဆက်ဆံရေး ပိုကောင်းလာတဲ့ လက္ခဏာတစ်ခုလည်း ဖြစ်ပါတယ်။
အခုနှစ်အစောပိုင်းမှာ ယီမင်က ဟူသီသူပုန်တွေရဲ့ ဒရုန်းနဲ့ အကြိမ်ကြိမ်တိုက်ခိုက်မှုကို ခံခဲ့ရပြီး ဒီလိုအနေအထားမျိုးကို ကာကွယ်နိုင်ရေး SPYDER စနစ်ကို ၀ယ်ယူတာလို့ လေ့လာသူတွေက သုံးသပ်ပါတယ်။
ဘယ်နှစ်ခု၀ယ်ယူသလဲ၊ ယူအေအီးကို ဒီစနစ်တွေ ရောက်ပြီလား စတဲ့ အသေးစိတ်အချက်အလက်တွေကို မသိရပါဘူး။ SPYDER လေကြောင်းရန် ကာကွယ်ရေးစနစ်ဟာ ပုံမှန်ကားတွေမှာ တပ်ဆင်နိုင်ပြီး တာတိုကနေ တာ၀ေးပစ်မှတ်တွေအထိ ကာကွယ်နိုင်ပါတယ်။
ယူအေအီးဟာ အမေရိကန်ဆီက THAAD နဲ့ Patriot လေကြောင်းရန် ကာကွယ်ရေးစနစ်တွေ ၀ယ်ယူထားပေမယ့် ဒီစနစ်တွေဟာ အရမ်းနိမ့်တဲ့ ဒုံံးကျည်တွေ၊ ဒရုန်းတွေကို ကာကွယ်နိုင်စွမ်း မရှိပါဘူး။
Ref: Reuters