မေ ၁၉ ၊ ၂၀၁၄
M-Media
– မန်ယူအသင်းနည်း၏ နည်းပြအဖြစ် ဟော်လန်နည်းပြ လူးဝစ်ဗန်ဂါလ်အား အသင်းက တရားဝင် ခန့်အပ်လိုက်ပြီဟု သိရသည်။
အသက် ၆၂ နှစ်အရွယ်ရှိ ဗန်ဂါလ်အား သုံးနှစ်စာချုပ်ဖြင့် ခန့်အပ်ခဲ့ခြင်းဖြစ်ပြီး ကမ္ဘာ့ဖလားပြိုင်ပွဲအပြီးတွင် စတင်ကိုင်တွယ်ရမည်ဖြစ်ကာ မန်ယူကစားသမားဟောင်း ရွိုင်ယန်ဂစ်က လက်ထောက် နည်းပြအဖြစ် ဆောင်ရွက်သွားမည်ဖြစ်သည်။
“ကမ္ဘာ့အကြီးဆုံး ကလပ်အသင်းဖြစ်တဲ့ မန်ယူမှာ နည်းပြ လုပ်ရမှာဖြစ်တဲ့အတွက် အရမ်းဂုဏ်ယူမိပါတယ်။ ဒီအသင်းဟာ ရည်မှန်းချက်ကြီးမားပြီး၊ ကျွန်တော်ကလည်း ရည်မှန်းချက်ကြီးပါတယ်။ ကျွန်တော်တို့ အတူတကွ လုပ်ဆောင်ပြီး သမိုင်းသစ်ရေးထိုးနိုင်မယ်လို့ ထင်ပါတယ်” ဟု ဗန်ဂေါလ်က မန်ယူမှ ထုတ်ပြန်သည့် ကြေညာချက်တွင် ပြောကြားခဲ့သည်။
ဗန်ဂါလ်မှာ အေဂျက်၊ ဘာစီလိုနာနှင့် ဘိုင်ယန်မြူးနစ်ကဲ့သို့ အသင်းကြီးများအား ကိုင်တွယ်ခဲ့ဖူးပြီး ဆုဖလားများလည်း ဆွတ်ခူးရရှိခဲ့ဖူးကာ လက်ရှိတွင် ဟော်လန်အသင်းအား ကိုင်တွယ်နေသည်။
Goal
Leave a Reply
You must be logged in to post a comment.