News @ M-Media

ချယ်ဆီး ဂန္တ၀င် ကစားသမား လမ်ပတ် အသင်းမှ ထွက်ခွာတော့မည်

ဇွန် ၃ ၊ ၂၀၁၄
M-Media
410473_heroa
– ၁၃ နှစ်ကြာကစားခဲ့ပြီးနောက် အသင်းမှ ထွက်ခွာတော့မည်ဟု ချယ်ဆီးအသင်း၏ ဂန္တ၀င်ကွင်းလယ်လူ ဖရန့်လမ်းပတ်က အတည်ပြုပြောဆိုခဲ့သည်။

၂၀၀၁ ခုနှစ်က ၀က်စ်ဟမ်းမှ ချယ်ဆီးအသင်းသို့ ပြောင်းရွှေ့လာခဲ့သည့် လမ်းပတ်မှာ အသင်းအတွက် ပွဲပေါင်း ၆၄၈ ပွဲကစားခဲ့ပြီး စံချိန်တင် ၂၁၁ ဂိုး သွင်းယူပေးနိုင်ခဲ့သည်။

“လွန်ခဲ့ ၁၃ နှစ် ကျွန်တော်ဒီကိုစရောက်စဉ်က ဒီလောက်ပွဲတွေအများကြီးကစားရမယ်၊ အောင်မြင်မှုတွေရမယ်လို့ ကျွန်တော်မယုံခဲ့ပါဘူး။ ဒီအသင်းဟာ ကျွန်တော့်ဘ၀ရဲ့ အစိတ်အပိုင်း ဖြစ်ပါတယ်” ဟု လမ်းပတ်က ၎င်း၏ ကြေညာချက်တွင် ဖော်ပြထားသည်။

မော်ရင်ဟိုလက်ထက် ၂၀၁၃-၁၄ ဘောလုံးရာသီတွင် လမ်းပတ်မှာ ပုံမှန်နေရာမရခဲ့ဘဲ ပွဲ ၂၀ သာ ပွဲထွက်ခွင့်ရခဲ့သည်။ ချယ်ဆီးအသင်း၏ နောက်ခံလူ အရ်ှလေကိုးလ်မှာလည်း အသင်းမှ ထွက်ခွာမည်ဖြစ်ပြီး ၎င်းတို့ နှစ်ဦးစလုံးမှာ အမေရိကန် မေဂျာလိဂ်သို့ ပြောင်းရွှေ့ဖွယ်ရှိနေသည်ဟု သတင်းများထွက်ပေါ်နေသည်။

Comments

Leave a Reply