ဇူလိုင် ၂၅ ၊ ၂၀၁၄
M-Media
– စပါအသင်းမှ ဘေးလ်အား ယူရို သန်း ၁၀၀ဖြင့်ခေါ်ယူခဲ့သည့် ရီးယဲလ်၏ စံချိန်တင်ပြောင်းရွှေ့ကြေးကို မိမိတိုအနေဖြင့် ချိုးဖျက်နိုင်စွမ်းရှိသည်ဟု မန်ယူ အမှုဆောင် ဒုဥက္ကဌ အဒ် ၀ုဒ်ဝါဒ်က ပြောကြားလိုက်သည်။
နည်းပြသစ် ဗန်ဂါးလ်လက်ထက် ၂၀၁၄-၁၅ ဘောလုံးရာသီအတွက် ပြင်ဆင်နေသည့် မန်ယူအသင်းမှာ လက်ရှိအပြောင်းအရွှေ့ကာလတွင် လုခ်ရှောနှင့် ဟာရီရာတို့ကိုနှစ်ဦးကို ယူရို သန်း ၇၀ အသုံးပြု၍ ခေါ်ယူထားသည်။
ဝုဒ်ဝါဒ်ကမူ မိမိတို့အသင်းမှာ ငွေကြေးထပ်မံသုံးစွဲရန် ဆန္ဒရှိနေပြီး ဘေးလ်အတွက် ရီးယဲလ်၏ စံချိန်တင်ပြောင်းရွှေ့ကြေးကို ကျော်သွားနိုင်သည်ဟု ပြောကြားခဲ့သည်။ မန်ယူမှာ ဂျူဗင်တပ်မှ အာတူရိုဗီဒယ်ကို ယူရို သန်း ၅၀ ကျော်ဖြင့် ခေါ်ယူရန် စီစဉ်နေသည်။
“အပြောင်းအရွှေ့ဈေးကွက်မှာ ငွေကြေးအမြောက်အများသုံးစွဲဖို့ ကျွန်တော်တို့ မကြောက်ပါဘူး။ စံချိန်ပြောင်းရွှေ့ကြေး ဟုတ်လား၊ မဟုတ်ဘူးလားဆိုတာလည်း ကျွန်တော်တို့ထည့်မတွက်ပါဘူး။ နည်းပြက လိုချင်တဲ့ ကစားသမားကောင်းတစ်ဦးဟာ မန်ယူမှာ ကြယ်ပွင့်ဖြစ်လာမယ်ဆိုတာပဲ ကြည့်ပါတယ်” ဟု ၀ုဒ်ဝါဒ်က The Guardian သတင်းစာသို့ ပြောကြားခဲ့သည်။
နည်းပြသစ် ဗန်ဂါလက်ထက် မန်ယူအသင်း၏ ပထမဆုံးပွဲစဉ်အဖြစ် မေဂျာလိဂ်ကလပ် LA Glaxy အသင်းနှင့် ယမန်နေ့က ယှဉ်ပြိုင်ကစားခဲ့ရာ မန်ယူအသင်းက ၇ ဂိုး ဂိုးမရှိဖြင့် အနိုင်ရခဲ့သည်။
Leave a Reply
You must be logged in to post a comment.