စက်တင်ဘာ ၆ ၊ ၂၀၁၄
M-Media
– ထူးခြားသည့် ကစားသမားများရှိနေသည့် မိမိတို့အသင်းမှာ အနာဂတ်တွင် အောင်မြင်မှု အသီးအပွင့်ကို ခံစားရလိမ့်မည်ဟု အီတလီနည်းပြသစ် ကွန်တီက ပြောကြားလိုက်သည်။
နည်းပြအဖြစ်တာဝန်ယူပြီးနောက် ပထမဆုံးကစားခဲ့သည့် ယမန်နေ့ ခြေစမ်းပွဲတွင် အီတလီအသင်းမှာ ဟော်လန်အသင်းအား ၂ ဂိုး ဂိုးမရှိဖြင့် အနိုင်ရခဲ့ပြီး၊ ကွန်တီကမူ ကစားသမားများ၏ စွမ်းဆောင်ရည်ကို ချီးကျူးခဲ့ကာ၊ အနိုင်ရလိုသည့် စိတ်ဓာတ် ပိုမိုပြသနိုင်ပါက အောင်မြင်နိုင်မည်ဟု မှတ်ချက်ပေးခဲ့သည်။
“ရလဒ်ထက် အသင်းကစားသားမားတွေရဲ့ တုံ့ပြန့်မှုကို စိတ်ဝင်တစား စောင့်ကြည့်ခဲ့ပါတယ်။ ကြိုးစားအားထုတ်မှုပိုင်း၊ အနိုင်ရလိုမှုနဲ့ ရှေ့ဆက်သွားချင်တဲ့ အယူအဆပိုင်းတွေမှာ တကယ့်ကို တိုးတက်ခဲ့ပါတယ်။ ဒီလိုပွဲမျိုးတွေက ကျွန်တော်တို့ကို ယုံကြည်မှု၊ စိတ်အားထက်သန်မှုနဲ့ အများက ယုံကြည်လက်ခံနိုင်မှုတွေကို ပေးပါတယ်” ဟု ကွန်တီက ပွဲအပြီးတွင် ပြောကြားခဲ့သည်။
ထို့ပြင် မိမိတို့အသင်းမှာ ထူးခြားသည့်ကစားသမားများ ပါဝင်သော ထူးခြားသည့်အသင်းဖြစ်ပြီး ရှေ့ဆက်ကြိုစားသွားပါက အောင်မြင်မှုများကို ရရှိနိုင်မည်ဖြစ်ကြောင်း ၎င်းက ထပ်လောင်းပြောကြားခဲ့သည်။
အီတလီအသင်းမှာ လာမည့်အင်္ဂါနေ့တွင် ယူရို ၂၀၁၆ ခြေစစ်ပွဲအဖြစ် နော်ဝေအသင်းနှင့် ကစားရမည်ဖြစ်သည်။
Leave a Reply
You must be logged in to post a comment.