News @ M-Media

ပွဲထွက်ကစားသမား နေရာတွင် ၀ဲလ်ဘတ်က မိမိထက် အသာရလိမ့်မည်ဟု ပိုဒေါစကီးဆို

စက်တင်ဘာ ၉ ၊ ၂၀၁၄
M-Media
Arsenal's Lukas Podolski
– အသင်း၏ တိုက်စစ်နေရာအတွက် ယှဉ်ပြိုင်ရာတွင် ၀ဲလ်ဘတ်မှာ မိမိထက် ပိုအသာရလိမ့်မည်ဟု အာဆင်နယ်တိုက်စစ်မှူး ပိုဒေါစကီးက ပြောကြားလိုက်သည်။

ဂျီရော့ဒ်ဒဏ်ရာရရှိနေသည့် အာဆင်နယ်တိုက်စစ်တွင် ပိုဒေါစကီးနှင့် ၀ဲဘတ်တို့ ရှိနေပြီး အာဆင်ဝင်းဂါးလက်အောက် ပွဲပေါင်း ၇၀ ပွဲထွက်ကစားခဲ့ရသည့် ပိုဒေါစကီးကမူ မိမိထက် ၀ဲလ်ဘတ်က ပို၍ ပွဲထွက်ခွင့်ရမည်ဟု ယုံကြည်နေသည်။

“ကနဦးအနေနဲ့ပြောရရင် ကျွန်တော့်အတွက် ခက်ခဲတဲ့အခြေအနေပါပဲ။ ငွေတွေအများကြီးပေးပြီး ကစားသမားအသစ်တွေကို ၀ယ်ထားရတဲ့အခါ သူတို့မှာကစားရဖို့ အခွင့်အရေးတွေ ရှိနေပါတယ်။ ဒါပေမယ့် ရာသီက ရှည်လွန်းတဲ့အတွက် ဘာတွေဖြစ်မလဲဆိုတာကို စောင့်ကြည့်ရမှာပါ။ ကျွန်တော် ထိပ်တန်းအဆင့်မှာ ရှိနေရင်တော့ ပွဲထွက်လူစာရင်းမှာ ပါဝင်ခွင့်ရမှာပါ” ဟု ပိုဒေါစကီးက Kicker မဂ္ဂဇင်းသို့ ပြောကြားခဲ့သည်။

အာဆင်နယ်အသင်း အဓိကလိုအပ်နေသည့် တိုက်စစ်နေရာအား ဖြည့်တင်းရန်အတွက် ထိပ်တန်းတိုက်စစ်မှူးအများအပြားကို ခေါ်ယူရန် အာဆင်ဝင်းဂါးက ကြိုးစားခဲ့သော်လည်း ၀ဲလ်ဘတ်တစ်ဦးတည်းသာ အပြောင်းအရွေးဈေးကွက် နောက်ဆုံးအချိန်တွင် ရောက်ရှိလာခဲ့သည်။

Comments

Leave a Reply