News @ M-Media

အာဆင်နယ် ကွင်းလယ်လူ အိုဇေးလ် ဒဏ်ရာကြောင့် နှစ်ကုန်အထိ နားရမည်

အောက်တိုဘာ ၉ ၊ ၂၀၁၄
M-Media
466249_heroa
– အာဆင်နယ်အသင်း၏ အားထားရသော ကွင်းလယ်လူ မီဆုအိုဇေးလ်မှာ ဒူးအရွတ်စုတ်ပြဲသည့် ဒဏ်ရာကြောင့် ယခုနှစ်ကုန်အထိ အနားယူရမည်ဟု သိရသည်။

ဂျာမနီအသင်းနှင့် ယမန်နေ့က လေ့ကျင့်မှုများ ပြုလုပ်နေစဉ် ဒဏ်ရာရရှိခဲ့သောကြောင့် စစ်ဆေးမှုများပြုလုပ်ခဲ့ပြီး ဂျာမန်ဘောလုံးအဖွဲ့ချုပ်က အိုဇေးလ်မှာ ၁၀ ပတ်မှ ၁၂ ပတ်အထိ အနားယူရမည်ဟု ပြောကြားခဲ့ခြင်းဖြစ်သည်။

သို့သော်လည်း အဆင်နယ်ကမူ မိမိတို့အနေဖြင့် စစ်ဆေးမှုများကို ထပ်မံပြုလုပ်သွားမည်ဖြစ်ပြီး အိုဇေးလ်မည်မျှ အနားယူရမည်ကို မပြောနိုင်သေးကြောင်း သတင်းထုတ်ပြန်ခဲ့သည်။

အိုဇေးလ်မှာ ယခင်ကလည်း ထိုဒဏ်ရာကို ခံစားခဲ့ရဖူပြီး လက်ရှိတွင် ခွဲစိတ်ကုသမှုများ ပြုလုပ်မည့်အစီအစဉ် မရှိသေးပေ။

အာဆင်နယ်တွင် အားထားရသည့် ကစားသမားများဖြစ်သည့် ဂျီရောဒ့်၊ ရမ်ဆေး၊ အာတီတာ၊ ဝေါကော့တို့မှာ ဒဏ်ရာများကြောင့် အနားယူနေရပြီး အိုဇေးလ်၏ ဒဏ်ရာရရှိမှုက အာဆင်နယ်နည်းပြ အာဆင်ဝင်းဂါးအတွက် ထိုးနှက်ချက် တစ်ခု ဖြစ်လာမည်ဖြစ်သည်။

Comments

Leave a Reply