နိုဝင်ဘာ ၉ ၊ ၂၀၁၄
M-Media
– မန်စီးတီးအသင်း၏ အာဂျင်တိုင်းတိုက်စစ်မှူး ဆာဂျီယိုအဂူရိုက မိမိမှာ အသင်း ချန်ပီယံလိဂ်ဖလား ရရှိသည့်အထိ အသင်း၌ ဆက်လက်ရှိနေမည်ဟု ပြောကြားခဲ့သည်။
ပရီးမီးယားလိဂ် လက်ရှိချန်ပီယံ မန်စီးတီးမှာ ချန်ပီယံလိဂ်တွင် စိတ်ပျက်ဖွယ်ရလဒ်များနှင့် ရင်ဆိုင်နေရပြီး ၄ ပွဲကစားပြီးချိန်တွင် ၂ မှတ်သာ ရရှိထားက လက်ကျန် ၂ ပွဲတွင်လည်း ဘိုင်ယန်မြူးနစ်၊ ရိုးမားတို့နှင့် ကစားရမည် ဖြစ်သောကြောင့် နောက်တစ်ဆင့်တက်ရေး မျှော်လင့်ချက်မှာ အနည်းငယ်သာ ရှိနေသည်။
သို့သော်လည်း အဂူရိုကမူ မိမိတို့အသင်းမှာ နောက်တစ်ဆင့်သို့ တက်ရောက်နိုင်မည်ဟု ယုံကြည်ကြောင်း၊ မိမိအနေဖြင့်လည်း အသင်းချန်ပီယံလိဂ် မရမချင်း အသင်းမှ ထွက်ခွာမည်မဟုတ်ဟု ပြောကြားခဲ့သည်။
“လေးနှစ်ကနေ ရှစ်နှစ်လောက်အထိ နေသွားရုံတင်မကပါဘူး။ ချန်ပီယံလိဂ်ရပြီးတဲ့ နောက်ပိုင်းအထိ ရှိနေမှာပါ။ ချန်ပီယံလိဂ် အမှတ်ပေးဇယားက ကျွန်တော်တို့ မျှော်လင့်သလို မဟုတ်ပါဘူး။ ပြီးတော့ မန်စီးတီးရဲ့ ကစားပုံအစစ်အမှန်ကိုလည်း ဥရောပပြိုင်ပွဲတွေမှာ အခုအချိန်အထိ မတွေ့ရသေးပါဘူး။ ဒါပေမယ့် ကျွန်တော်တို့မှာ နောက်ဆုံး ၂ ပွဲ ကျန်သေးပြီး မန်စီးတီးရဲ့ စစ်မှန်တဲ့ကစားပုံ ပြန်လာမယ်လို့ မျှော်လင့်ပါတယ်” ဟု အဂူရိုက Daily Mail သတင်းစာသို့ ပြောကြားခဲ့သည်။
အက်သလက်တီကိုမှ ပြောင်းရွှေ့လာခဲ့သည့် အဂူရိုမှာ မန်စီးတီးအသင်းနှင့် စာချုပ်သက်တမ်း ၄ နှစ် ကျန်ရှိနေသည်။
Leave a Reply
You must be logged in to post a comment.