News @ M-Media

တိုက်စစ်မှူး ဖယ်လ်ကာအို ဒဏ်ရာထပ်ရပြီး မန်ယူတွင် ဒဏ်ရာရ ကစားသမား ၁၂ ဦးအထိ ရှိလာ

နိုဝင်ဘာ ၂၂ ၊၂၀၁၄
M-Media

234C0B7A00000578-0-image-40_1416506047250
– ယနေ့တွင်ကစားမည့် အာဆင်နယ်နှင့် ပွဲအမီ ဒဏ်ရာပြန်လည် သက်သာလာမည်ဟု ခန့်မှန်းထားသော မန်ယူတိုက်စစ်မှူး ဖယ်လ်ကာအိုမှာ ကြာသာပတေးနေ့က ပြုလုပ်ခဲ့သည့် လေ့ကျင့်ခန်း အစီအစဉ်တွင် ဒဏ်ရာ ထပ်မံရသွားသောကြောင့် နောက်ထပ် ၂ ပတ်ခန့် ထပ်မံ အနားယူရမည်ဟု သိရသည်။

ပြီးခဲ့သည့် နွေရာသီက အငှားဖြင့်ခေါ်ယူထားပြီး ယခုနှစ်ကုန်တွင် အပြီးသတ်ခေါ်ယူစာချုပ်ချုပ်ရန် ရည်ရွယ်ထားသည့် ဖယ်လ်ကာအိုမှာ မန်ယူသို့ရောက်လာပြီးနောက် ဒဏ်ရာများနှင့် ရုန်းကန်နေရသည်။

နည်းပြန်ဗန်ဂါးလ်ကလည်း ရှည်ကြာသည့် ပရီးမီးယားလိဂ်ရာသီတွင် ဖယ်လ်ကာအို၏ စွမ်းဆောင်ရည်နှင့် ပတ်သက်၍ သံသယရှိနေသည်ဟု သတင်းများက ဖော်ပြကြသည်။

အင်္ဂါနေ့က အာဂျင်တီးနားနှင့် ပေါ်တူဂီတို့ ကစားခဲ့သော ချစ်ကြည်ရေးခြေစမ်းပွဲတွင် နာနီ၏ ကြမ်းတမ်းစွာ ဖြတ်ထုတ်မှုကြောင့် မန်ယူကွင်းလယ်လူ ဒီမာရီယာမှာ ဒဏ်ရာရရှိသွားခဲ့သည်။
မန်ယူတွင် ဘလင့်၊ လုခ်ရှော၊ ရာဖေးလ်၊ ရိုဂျို၊ ဘလင်း၊ ကာရစ်၊ အက်ရ်ှလေယန်း၊ ဖီးလ်ဂျုံး၊ လင်ဂတ်၊ အီဗန့်တို့အပါအ၀င် လက်ရှိအချိန်တွင် မန်ယူ၌ ဒဏ်ရာရကစားသမား ၁၂ ဦးအထိရှိနေသည်။

Comments

Leave a Reply