News @ M-Media

ယခုနှစ်ပရီးမီးယားလိဂ် ပထမဆုံး နည်းပြ ထုတ်ပယ်သည့်အသင်း ၀က်စ်ဘရွန်းဖြစ်လာ

ဒီဇင်ဘာ ၃၁၊ ၂၀၁၄
M-Media
10891975_818582281517577_975568449408734700_n
– ယခုနှစ်ရာသီအစက စာချုပ်ချုပ်ခဲ့သော်လည်း အသင်းအား ရလဒ်ကောင်းများ ရရှိအောင် မစွမ်းဆောင်ပေးနိုင်ခဲ့သည့် မိမိတို့နည်းပြ အလန် အာဗိုင်းအား အသင်းမှ ထုတ်ပယ်လိုက်ပြီဟု ၀က်စ်ဘရွန်းအသင်းက ကြေညာလိုက်သည်။

အသက် ၅၆ နှစ်အရွယ်ရှိ အာဗိုင်းမှာ အသင်းအား ၆ လသာ ကိုင်တွယ်ရသေးပြီး ပွဲစဉ် ၁၉ အပြီးတွင် ၄ ပွဲသာအနိုင်ရရှိအောင် စွမ်းဆောင်ပေးထားနိုင်သည်။ ထို့ပြင် နောက်ဆုံးကစားသည့် ၃ ပွဲစလုံးကို ရှုံးနိမ့်ခဲ့ကာ အသင်းမှာ အဆင့် ၁၆ တွင်ရှိနေသည်။

အသင်း၏ နည်းပြအသစ်ကို ယခုသီတင်းပတ် အတွင်း ရှာဖွေသွားရန် ၀က်စ်ဘရွန်းက စီစဉ်နေပြီး လက်ရှိတွင် လက်ထောက် နည်းပြ ရော့ဘ် ကီလီနှင့် ကိသ်ဒေါင်းနင်းတို့က ပူးတွဲကိုင်သွားမည်ဟု ကြေညာခဲ့သည်။

အာဗိုင်းမှာ ရာသီအစမှစ၍ ယခုအချိန်အထိ ပရီးမီးယားလိဂ်တွင် ပထမဆုံး ထုတ်ပယ်ခံရသော နည်းပြဖြစ်သည်။ ထို့ပြင် ယခုနှစ် ပရီးမီးယားလိဂ်မှာ ၁၈ နှစ်အတွင်း နည်းပြတည်မြဲမှု တတိယအကြာဆုံး ရာသီအဖြစ် မှတ်တမ်းဝင်ခဲ့သည်။

၁၉၉၅-၉၆ ဘောလုံးရာသီတွင် ပထမဆုံးနည်းပြအပြောင်းအလဲမှာ ဇန်န၀ါရီ ၄ ရက်နေ့တွင် ဖြစ်ပေါ်ခဲ့ပြီး ပရီးမီးယားလိဂ်သမိုင်း တစ်လျှောက် နည်းပြတည်မြဲမှု ဒုတိယ အကြာဆုံး ရာသီဖြစ်သည်။ ၁၉၉၂-၉၃ ဘောလုံးရာသီကမူ နည်းပြတည်မြဲမှု အရှည်ကြာဆုံး ရာသီဖြစ်ပြီး ပထမဆုံး နည်းပြအပြောင်းအလဲမှာ ဖေဖော်ဝါရီ ၁၅ ရက်နေ့တွင်မှ ဖြစ်ပေါ်ခဲ့သည်။

Ref : goal.com

Comments

Leave a Reply