News @ M-Media

ရေချိုးခန်းအတွင်း ဆေးလိပ်သောက်သည့် ရှက်ဇက်နီ ဒဏ်ငွေရိုက်ခံရ

ဇန်န၀ါရီ ၆၊ ၂၀၁၅
M-Media

szn
အားလပ်ရက်အတွင်း ရှက်ဇက်နီ ဆေးလိပ်သောက်နေစဉ်

 

– ဆောက်သက်တမ်အား ရှုံးနိမ့်ခဲ့သည့်ပွဲအပြီး ရေချိုးခန်းထဲတွင် ဆေးလိပ်သောက်ခဲ့သည့် ဂိုးသမား ရှက်ဇက်နီအား အာဆင်နယ်အသင်းက ဒဏ်ငွေရိုက်ခဲ့သည်ဟု သိရသည်။

၂ ဂိုး ဂိုးမရှိဖြင့် ရှုံးနိမ့်ခဲ့သည့် အဆိုပါပွဲအပြီးအတွင်း အသင်းအ၀တ်လဲခန်းရှိ ရေချိုးခန်းအတွင်း၌ ဆေးလိပ်သောက်ခဲ့ခြင်းဖြစ်ပြီး အာဆင်ဝင်းဂါးက ထိုလုပ်ရပ်အတွက် အလွန်အမင်း ဒေါသထွက်ခဲ့သည်။ ရှက်ဇက်နီ၏ ထိုလုပ်ရပ်အတွက် အသင်းက ဒဏ်ငွေ ပေါင် ၂၀၀၀၀ ဒဏ်ရိုက်ခဲ့ပြီး ထိုအပြုအမူအတွက် တောင်းပန်ခိုင်းခဲ့သည်။

တနင်္ဂနွေနေ့က ကစားခဲ့သည့် ဟားလ်စီးတီးနှင့် FA ဖလားပွဲစဉ်တွင် ရှက်ဇက်နီမှာ အရန်ခုံတွင်သာ ထိုင်ခဲ့ရပြီး ယခုတစ်ပတ်တွင် ကစားမည့် စတုတ်စီးတီးအသင်းနှင့် ပရီးမီးယားလိဂ် ပွဲစဉ်တွင်လည်း ပါဝင်ခွင့်ရရန် မသေချာသေးပေ။

ရှက်ဇက်နီမှာ ယခုနှစ်တွင် အရန်ခုံ၌သာ ထိုင်ရမည်ဟု ရာသီအစက သတင်းများ ထွက်ပေါ်ခဲ့သော်လည်း အာဆင်နယ်အသင်းက ငြင်းဆိုခဲ့သည်။ ရှက်ဇက်နီမှာလည်း ပါဝင်ကစားခွင့်ရသည့်ပွဲများတွင် အကောင်းဆုံး လက်စွမ်းပြနိုင်ခဲ့သည်။

Ref : dailymail

 

 

Comments

Leave a Reply