ဇန်န၀ါရီ ၁၉၊ ၂၀၁၅
M-Media
– တနင်္ဂနွေနေ့က ကစားခဲ့သည့်ပွဲတွင် အာဆင်နယ်အား ၂ ဂိုး ပြတ်ဖြင့် ရှုံးနိမ့်ခဲ့ခြင်းမှာ မိမိတို့အသင်း ဖန်တီးနိုင်စွမ်း နည်းခြင်းကြောင့် ဖြစ်သည်ဟု မန်စီးတီးနည်းပြ ပယ်လီဂရီနီက ပြောကြားလိုက်သည်။
ထိုပွဲတွင် မန်စီးတီးအသင်းမှာ ဘောလုံးပိုင်ဆိုင်မှုအသာဖြင့် ကစားနိုင်ခဲ့သော်လည်း ကာဇိုလာ၏ ပင်နယ်တီ၊ ဂျရူး၏ ခေါင်းတိုက်ဂိုးတို့ဖြင့် အရှုံးပေးခဲ့ရခြင်းဖြစ်ပြီး ယခုနှစ် ပထမဆုံး အိမ်ကွင်းရှုံးပွဲလည်း ဖြစ်ခဲ့သည်။
ပယ်လီဂရီနီကမူ ပယ်နယ်တီအတွက် စိတ်မသက်မသာဖြစ်ရသည်ဟု ပြောကြားခဲ့ပြီး အသင်း၏ စွမ်းဆောင်ရည်မှာ ပုံမှန်အောက် ရောက်နေသည်ဟုလည်း ၀န်ခံသွားခဲ့သည်။
`ရှုံးရတဲ့ အဓိကအကြောင်း နှစ်ခုရှိပါတယ်။ တစ်ခုကတော့ ပင်နယ်တီပေးလိုက်ရတာဖြစ်ပါတယ်။ ဒါဟာပယ်နယ်တီပေးရမယ်လို့ ကျွန်တော်မထင်ပါဘူး။ ဒါပေမယ့် ကွန်ပနီဟာလည်း ဒီလိုကြမ်းကြမ်းတမ်းတမ်းဖျက်ထုတ်ဖို့ မလိုအပ်ပါဘူး။ အဲဒီနောက်ပိုင်းမှာတော့ ပွဲက ပြောင်းသွားပြီး ကျွန်တော်တို့လည်း ဂိုးသွင်းခွင့်တစ်ကြိမ်တောင် မရခဲ့ပါဘူး။ ကျွန်တော်တို့အသင်းဟာ ဖန်းတီးနိုင်စွမ်းရှိတဲ့အသင်း မဟုတ်ခဲ့ပါဘူး´ ဟု ပယ်လီဂရီနီက ပွဲအပြီးတွင်း Sky Sports သို့ ပြောကြားခဲ့သည်။
ထိုပွဲအရှုံးမှာ နောက်ဆုံး ၁၅ ပွဲတွင် မန်စီးတီး၏ ပထမဆုံးအရှုံးလည်းဖြစ်ပြီး ပယ်လီဂရီနီကမူ အာဆင်နယ်မှာ အာရုံစူးစိုက်မှုရှိခဲ့ကြောင်း၊ မိမိတို့မှာ ဘောလုံးပိုင်ဆိုင်မှုအသာရခဲ့သော်လည်း ဂိုးသွင်းခွင့်များကို မဖန်တီးနိုင်ခဲ့ကြောင်း ထည့်သွင်းပြောကြားခဲ့သည်။
မန်စီးတီးမှာ လက်ရှိအချိန်တွင် ဦးဆောင်သူ ချယ်ဆီးထက် ၅ မှတ်အကွာ ဒုတိယနေရာတွင်ရှိနေပြီး ဖေဖော်ဝါရီ ၁ ရက်နေ့တွင် ချယ်ဆီးအသင်း၏ စတမ်းဖို့ဒ်ဘရစ်ခ်ျသို့ သွားရောက် ကစားရမည်ဖြစ်သည်။
`(ချယ်ဆီးကို မရှုံးဖို့ဆိုတာ) သိပ်ကိုအရေးကြီးပါတယ်။ ဘာ့ကြောင်လည်းဆိုတော့ ၈ မှတ်ကွာသွားရင် အမီလိုက်ဖို့ အရမ်းခက်သွားမယ်။ အခု သူတို့က ကျွန်တော်တို့ထက် ၅ မှတ်သာနေတယ်။ နောက်ပွဲမှာ ချယ်ဆီးနဲ့ ကစားရဖို့ရှိပြီး ကျွန်တော်တို့ အနိုင်ကစားဖို့ ကြိုးစားရပါမယ်။ ဒါမှသာ အမှတ်ကွာဟမှုကို လျှော့ချနိုင်မှာပါ´ ဟု ပယ်လီဂရီနီက ထပ်လောင်းပြောကြားခဲ့သည်။
Ref :goal.com
Leave a Reply
You must be logged in to post a comment.