News @ M-Media

ချန်ပီယံလိဂ်နေရာအတွက် အသက်ရှိနေသေးသည်ဟု စပါးနည်းပြဆို

မတ် ၅၊ ၂၀၁၅
M-Media

pctn

– ယနေ့မနက် ဆွမ်ဆီးအား အနိုင်ရခဲ့သည့် မိမိအသင်းမှာ ချန်ပီယံလိဂ်ဝင်ခွင့်အတွက် အသက်ရှိနေသေးသည်ဟု စပါးနည်းပြ ပိုချက်တီနိုက ပြောကြားလိုက်သည်။

ထိုပွဲတွင် စပါးမှာ အကြိတ်အနယ်ကစားခဲ့ရကာ နေဆာချဒ်လီ၊ ရွိုင်ယန် မာဆန်နှင့် အန်ဒရို့စ် တောင်းဆန်တို့၏ ဂိုးများဖြင့် ဆွမ်ဆီးအား ၃ ဂိုး ၂ ဂိုးဖြင့် အနိုင်ရခဲ့သည်။ ထိုပွဲမှာ ချယ်ဆီးအား လိဂ်ဖလားဖိုင်နယ်တွင် ရှုံးနိမ့်ခဲ့ရသည့် စပါးအသင်းအတွက် အရှုံးကို ကုစားနိုင်သည့် ပွဲလည်းဖြစ်ခဲ့ပြီး ပိုချက်တီနိုကမူ အသင်း၏ ကစားပုံကို ချီးကျူးခဲ့သည်။

“ဒီနေ့ညမှာတော့ ကျွန်တော်တို့ဟာ (ချန်ပီယံလိဂ်အတွက်) ဆက်လက်အသက်ရှိနေပြီး ဆက်လက်တိုးတက်နေတယ်ဆိုတာကို သက်သေပြနိုင်ခဲ့ပါတယ်။ ကျွန်တော်တို့ တစ်ဆင့်ချင်းသွားဖို့လိုပြီး ကျွန်တော်တို့ရဲ့အဆင့်ကို မြှင့်ဖို့အတွက် ဆက်လက်ကြိုးစားသွားဖို့လည်း လိုပါတယ်။ အဲဒီနောက်မှာတော့ စောင့်ကြရမှာပေါ့ဗျာ” ဟု ပိုချက်တီနိုက သတင်းထောက်များအား ပြောကြားခဲ့သည်။

ထိုပွဲမှာ ပြိုင်ပွဲအားလုံး၌ နောက်ဆုံး ၆ ပွဲတွင် စပါးအသင်း၏ ပထမဆုံးနိုင်ပွဲဖြစ်ပြီး ပိုချက်တီနိုကမူ ကစားသမားများမှာ အနိုင်နှင့်ထိုက်တန်ပြီး အရေးပါသော ၃ မှတ်ဖြစ်ကြောင်း ထပ်လောင်းပြောကြားခဲ့သည်။စပါးမှာ လက်ရှိအချိန်တွင် ရမှတ် ၄၇ မှတ်ဖြင့် အဆင့် ၇ နေရာတွင်ရှိနေကာ အဆင့် ၄ မှ မန်ယူနှင့် ၆ မှတ်ကွာဟနေသည်။

Ref: Goal.com

Comments

Leave a Reply