စီးရီးသို့ ဘယ်တော့မှမပြောင်းဟု ရူနီပြော

မတ် ၃၁၊ ၂၀၁၅
M-Media

– မိမိအနေဖြင့် ပရီးမီးယားလိဂ်တွင် ကစားရသည်ကို နှစ်သက်မိပြီး ကစားသမားသက်တမ်းတစ်လျှောက် စီးရီးအေသို့ ပြောင်းရွှေ့သွားမည်မဟုတ်ဟု မန်ယူတိုက်စစ်မှူး ၀ိန်းရူနီက ပြောကြားလိုက်သည်။

ပရော်ဖက်ရှင်နယ် ကစားသမားဘ၀ စတင်ကတည်းက ၁၁ နှစ်ကျော်ကြာ ပရီးမီးယားလိဂ်တွင် ကစားလာခဲ့သည့် ရူနီမှာ အီတလီအသင်းနှင့် မနက်ဖြန် ခြေစမ်းပွဲအတွက် တူရင်မြို့သို့ ရောက်ရှိလာခဲ့သည်။

သတင်းစာရှင်းလင်းပွဲတွင် စီးရီးအေသို့ ပြောင်းရွှေ့ကစားမည်လားဆိုသည့် အမေးကို

“ပရီးမီးယားလိဂ်မှာကစားရတာကို ကျွန်တော် နှစ်သက်ပါတယ်။ ဖီအိုရင်တီးနားမှာ ဘာတစ်တူတာ ကစားတုန်းကတော့ ကျွန်တာ် (စီးရီးအေပွဲတွေကို) ကြည့်လေ့ရှိပါတယ်။ ဒါပေမယ့် အီတလီမှာ ကစားဖို့ကိုတော့ မစဉ်းစားပါဘူး” ဟု ပြန်လည်ဖြေကြားခဲ့သည်။

ုထို့ပြင် မန်ယူအသင်း၏ အနာဂတ်နှင့် ပတ်သက်၍ ရေရေရာရာ ပြောဆိုခဲ့ခြင်း မရှိပေ။ မနက်ဖြန်နံနက်တွင် ကစားမည့် အီတလီအသင်းနှင့် ခြေစမ်းပွဲတွင် ရူနီနှင့် စပါးတိုက်စစ်မှူး ဟယ်ရီကိန်းတို့ကို တိုက်စစ်တွင် တွဲဖက်ကစားစေမည်ဟု အင်္ဂလန်နည်းပြ ဟဒ်ဆန်က အတည်ပြုထားသည်။

အီတလီ၏ ၀ါရင့်ဂိုးသမား ဘူဖွန်ကမူ ၎င်းအနေဖြင့် ဟယ်ရီကိန်း၏ ကစားပုံအား လေ့လာပြီးပြီဟု ပြောကြားခဲ့သည်။

Ref: Goal.com