News @ M-Media

FA ၏ ငယ်မွေးခြံပေါက်ကစားသမားအစီအစဉ် ပူးလစ်ကန့်ကွက်

ဧပြီ ၄၊ ၂၀၁၅
M-Media

tony-pulis-west-brom-southampton-premier-league-28022015_zu2c6ckhreb01vtuv5ri1wi9j

– ပရီးမီးယားလိဂ်တွင် ပြည်တွင်းမှ ငယ်မွေးခြံပေါက် ကစားသမားများ သတ်မှတ်ချက်ဖြင့် ထည့်သွင်းရေး FA ၏ အဆိုပါပြုချက်ကို ၀က်စ်ဘရွန်းနည်းပြ တူနီပူးလစ်က ကန့်ကွက်လိုက်ပြီး လူငယ် ကစားသမားများမှာ အောက်တန်းလိဂ်များတွင်သာ ကစားသင့်သည်ဟု ပြောကြားလိုက်သည်။

FA အကြီးအကဲဖြစ်သူ ဒိုက်ကီက အင်္ဂလန်လက်ရွေးစင်အသင်းတိုးတက်ရေးအတွက် အင်္ဂလိပ်ကစားသမားများမှာ ပြည်တွင်းအမြင့်ဆုံးလိဂ်ဖြစ်သော ပရီးမီးယားလိဂ်တွင် ပိုမိုပါဝင်ရမည်ဟု ပြီးခဲ့သည့် သီတင်းပတ်အတွင်း အကြံပြုခဲ့သည်။

သို့သော်လည်း ပူးလစ်ကမူ အဆိုပါအယူအဆကို သဘောမတူဘဲ အငယ်တန်းလိဂ်များတွင် ချိတ်ဆက်ကစားခြင်းကသာ ပါရမီရှိ ကစားသမားများ တိုးတက်ဖြစ်ပေါ်လာရေးအတွက် ပိုကောင်းသည့် နည်းလမ်းဖြစ်သည်ဟု ဆိုသည်။

“အင်္ဂလိပ်ကစားသမား ၁၂ ယောက်လောက်ကို အသင်းမှာခေါ်ထားတာ သူတို့ကို (ပရီးမီးယားလိဂ်အသင်းတွေမှာ) အငှားချထားတာဟာ မကောင်းပါဘူး။ အင်္ဂလိပ်ကစားသမားတွေအတွက် ဖြစ်သင့်တာက သူတို့ကို အသင်းငယ်တွေမှာ အငှားချပြီး ဒုတိယနဲ့ တတိယအဆင့် လိဂ်တွေမှာသင်ယူစေဖို့ပါပဲ။ ဟယ်ရီကန်း ဘယ်လိုလုပ်ခဲ့သလဲဆိုတာ ကြည့်ပါ” ဟု ပူးလစ်က ပြောကြားခဲ့သည်။

အင်္ဂလိပ်ကစားသမားများ ပရီးမီးယားလိဂ်တွင် နေရာမရခြင်းမှာ နိုင်ငံခြားကစားသမားများ ကြီးစိုးမှုကြောင့်ဟု ဝေဖန်မှုများရှိနေပြီး ပူးလစ်ကမူ နိုင်ငံခြားကစားသမားများ ၀င်ရောက်ခြင်း
ရပ်တန့်သွားအောင်လုပ်ခြင်းမှာအင်္ဂလိပ်ကစားသမားများ နေရာရလာရေးအတွက် နည်းလမ်းဟု မမြင်ကြောင်း၊ နိုင်ငံခြားသား
ထိပ်တန်းကစားသမားများက ကစားသမားကောင်းဖြစ်လာရေး လေးစားအားကျမှုသာ ဖြစ်သင့်ကြောင်း ထည့်သွင်းပြောကြားခဲ့သည်။

ထို့ပြင် အင်္ဂလိပ်အသင်းများ၏ ဘောလုံးအကယ်ဒမီစနစ်များကိုလည်း ဝေဖန်ခဲ့ပြီး ယူ ၂၁ လူငယ်အသင်းများ၏ ကစားပွဲများကလည်း ကစားသမားများ တိုးတက်ရေးအတွက် လုံလောက်အောင် ကောင်းမွန်းခြင်းမရှိဟု ဆိုသည်။

Ref: Goal.com

Comments

Leave a Reply