ဇူလိုင် ၂၊ ၂၀၁၅
M-Media
– မိမိအား ခြစားသည်ဟု သက်သေပြနိုင်သူရှိပါက ထွက်လာရန် ဖီဖာဥက္ကဌ ဘလတ္တာက စိန်ခေါ်လိုက်ပြီး ဖီဖာတွင် အရှုပ်အထွေးများ ရှိနေသော်လည်း မိမိအနေဖြင့် လိပ်ပြာသန့်သည်ဟု ပြောကြားခဲ့သည်။
ဖီဖာ၏ တာဝန်ရှိသူဟောင်းများနှင့် လက်ရှိတာဝန်ရှိသူများကို အက်ဖ်ဘီအိုင်က ဖမ်းဆီးကာ ခြစားမှု၊ လာဘ်ပေးလာဘ်ယူမှုတို့ဖြင့် တရားစွဲဆိုထားပြီး ဆွစ်ဇာလန်ရဲတပ်ဖွဲ့လည်း ၎င်းတို့မှာ ၂၀၁၈နှင့် ၂၀၂၂ ကမ္ဘာ့ဖလားပြိုင်ပွဲ အိမ်ရှင်အဖြစ် ရွေးချယ်မှုနှင့်ပတ်သက်၍ လာဘ်ယူမှုများ ရှိခဲ့သလားဆိုသည်ကို စုံစမ်းစစ်ဆေးမှုများ ပြုလုပ်နေသည်။
ဘလတ္တာမှာ ထိုကဲ့သို့ ဖမ်းဆီးမှုများနှင့် တရားစွဲဆိုမှုများအတွက် တာဝန်ယူရန် ငြင်းဆိုခဲ့ပြီး ဖီဖာမှာ ထိုစွပ်စွဲချက်များအတွက် အက်ဖ်ဘီအိုင်နှင့် ပူးပေါင်းဆောင်ရွက်နေသည်ဟု အခိုင်အမာ ပြောကြားခဲ့ကာ မေလ ရွေးကောက်ပွဲတွင် ပြန်လည် အရွေးခံခဲ့ရသည်။
သို့သော်လည်း ၄ ရက်အကြာတွင် ရာထူးမှနှုတ်ထွက်တော့မည်ဟု ကြေညာခဲ့ပြီးနောက် ၎င်းကိုယ်တိုင် ထိုပြဿနာများတွင် ပါဝင်နေသည်ဟု စွပ်စွဲခြင်းခံနေရကာ ၎င်းကမူ ငြင်းဆိုခဲ့သည်။
“ကျွန်တော် လိပ်ပြာသန့်ပါတယ်။ တကယ်လို့ တစ်ယောက်ယောက်က ကျွန်တော်ဟာ ခြစားတယ်လို့ ဆိုလာရင် ဒီစကားလုံးရဲ့အဓိပ္ပါယ်ကို ခင်ဗျားသိလားဆိုပြီး ကျွန်တော် မေးမိမှာပါပဲ။ ကျွန်တော့်ကို ခြစားတယ်လို့ပြောတဲ့ ဘယ်သူမဆို သက်သေပြဖို့ လိုပါတယ်။ ဒါပေမယ့် ဘယ်သူမှ သက်သေမပြနိုင်ပါဘူး။ ဘာ့ကြောင့်လည်းဆိုတော့ ကျွန်တော် ခြမစားခဲ့လို့ပါ” ဟု ဘလတ္တာက မီဒီယာတစ်ခုသို့ ပြောကြားခဲ့သည်။
ထို့ပြင်မိမိမှာ ဘာသာရေးကိုင်းရှိုင်းသူဖြစ်ပြီး အမြဲတမ်းဆုတောင်းကြောင်း၊ ပုပ်ရဟန်းမင်းကြီး ကောင်းချီးပေးထားသည့် ရွှေသားလက်ဝါးကပ်တိုင်ရှိကာ မိမိမှာ တစ်နေ့တွင် ကောင်းကင်ဘုံသွားရမည်ဟု ယုံကြည်ကြောင်း ၎င်းက ထည့်သွင်းပြောကြားခဲ့သည်။
Ref: Goal
Leave a Reply
You must be logged in to post a comment.