News @ M-Media

ရလဒ်ပြတ်သားစွာနဲ့ ကမ္ဘာ့ဖလားချန်ပီယံဖြစ်ခဲ့တဲ့ အမေရိကန် အမျိုးသမီး ဘောလုံးအသင်း

ဇူလိုင် ၆၊ ၂၀၁၅
M-Media

us 2

– ကနေဒါမှာ ကျင်းပနေတဲ့ အမျိုးသမီးကမ္ဘာ့ဖလား ဘောလုံးပြိုင်ပွဲ နောက်ဆုံးဗိုလ်လုပွဲကို ဒီနေ့မနက်မှာ ကစားခဲ့ပြီး အမေရိကန်အသင်းက ဂျပန်ကို ပြတ်ပြတ်သားသားအနိုင်ယူကာ ဗိုလ်စွဲနိုင်ခဲ့ပါတယ်။

ပွဲအစကတည်းက စိုးမိုးခဲ့တဲ့ အမေရိကန်တို့ ပထပပိုင်း ၁၆ မိနစ်အတွင်းမှာပဲ ၄ ဂိုးဆက် သွင်းယူနိုင်ခဲ့ပြီးတဲ့နောက် ပွဲက ပြီးသလောက် ဖြစ်သွားခဲ့ပါတယ်။ ဒီဂိုးတွေကိုတော့ စီအလ်လွိုက်ဒ်က ဟက်ထရစ်နဲ့ အလ် ဟော်လီးဒေးတို့က တစ်ဂိုး သွင်းယူပေးခဲ့တာပါ။

အလ်လွိုဒ်ရဲ့ တတိယမြောက်ဂိုးဟာ တော်တော်လေး ရင်သပ်ရှူမောစရာဖြစ်ခဲ့ပြီး ကွင်လယ်စည်းနားကနေ အပြင်းကန်သွင်းယူခဲ့တာ ဖြစ်ပါတယ်။ ဒီ ဟက်ထရစ်ကြောင့် အလ်လွိုက်ဒ်ဟာ ကမ္ဘာ့ဖလား နောက်ဆုံးဗိုလ်လုပွဲ ဟက်ထရစ်သွင်းတဲ့ စာရင်းမှာ တစ်ဦးတည်းရှိနေတဲ့ အင်္ဂလန်တိုက်စစ်မှူးဟောင်း ဂျီအော့ဟာ့စ် (၁၉၆၆) နဲ့ ပူးတွဲရပ်တည်နိုင်ခဲ့ပါတယ်။ အမျိုးသမီးပြိုင်ပွဲမှာတော့ သူဟာ ပထမဆုံး ဗိုလ်လုပွဲဟက်ထရစ်သွင်းသူ ဖြစ်ခဲ့ပါတယ်။

လက်ရှိချန်ပီယံဖြစ်တဲ့ ဂျပန်တို့ဟာ အမေရိကန်အသင်းရဲ့ တစ်ဦးချင်းစွမ်းရည်ကို မယှဉ်နိုင်ခဲ့ဘဲ ၂၇ မိနစ်မှာ အိုဂီမီရဲ့ ဂိုး၊ ၅၂ မိနစ်မှာ အမေရိကန်က ဂျွန်စတန်ရဲ့ ကိုယ့်ဂိုးကိုယ်သွင်းမှုတွေနဲ့ မျှော်လင့်ချက် အနည်းငယ် ရှင်သန်လာခဲ့ရပေမယ့် ၅၄ မိနစ်မှာ တီဟဲလ်သ်က အမေရိကန်တို့အတွက် ပဉ္စမမြောက်ဂိုးကို သွင်းယူပေးနိုင်ခဲ့တာကြောင့် အရာမထင်ခဲ့ပါဘူး။

အမေရိကန်ဟာ ၂၀၁၁ ဗိုလ်လုပွဲကရှုံးကြွေးကို ထိုက်ထိုက်တန်တန် ပြန်ဆပ်နိုင်ခဲ့တာဖြစ်သလို ၁၆ နှစ်အတွင်းမှာ အမျိုးသမီးကမ္ဘာ့ဖလားကို ပထမဆုံး ရရှိခဲ့တာဖြစ်ပါတယ်။

Ref: Dailymail

Comments

Leave a Reply