အာဆင်နယ်မှ ထုတ်ပါက အင်္ဂလန်တွင် နည်းပြမလုပ်ဟု ၀င်းဂါးပြော

နိုဝင်ဘာ ၁၀၊ ၂၀၁၅
M-Media

– အကယ်၍ မိမိအား အာဆင်နယ်က ထုတ်ပယ်လိုက်ပါက အခြား ပရီးမီးယားလိဂ် ကလပ်အသင်းတစ်ခုကို နည်းပြနိုင်မည်မဟုတ်ဘဲ နိုင်ငံခြားသို့ သွားရောက်မည်ဟု အာဆင်ဝင်းဂါးက ပြောကြားလိုက်သည်။

၁၉၉၆ ခုနှစ်ကတည်းက အသင်းအား ကိုင်တွယ်လာခဲ့သည့် ၀င်းဂါးမှာ ၁၉ နှစ်တာ ကာလအတွင်း ပရီးမီးယားလိဂ်ဖလား ၃ ကြိမ်၊ FA ဖလား ၆ ကြိမ် ရရှိအောင် စွမ်းဆောင်ပေးထားနိုင်သည်။ ၀င်းဂါး၏ လက်ရှိစာချုပ်မှာ ၂၀၁၇ ခုနှစ်မှ သက်တမ်းကုန်ဆုံးမည်ဖြစ်သည်။

“တကယ်လို့ မနက်ဖြန်မနက် ကျွန်တော့်ကို “ဂွဒ်ဘိုင်ပါပဲ။ အာဆင်နယ်က ခင်ဗျားကို ကျေးဇူးတင်ပါတယ်” လို့ပြောရင် ကျွန်တော်ဟာ နည်းပြအလုပ်ကို ဆက်မလုပ်သွားဘူးလို့ ကတိမပေးနိုင်ပါဘူး။ ဒါပေမယ့် သံယဖြစ်စရာမလိုတာက အင်္ဂလန်မှာ နည်းပြဆက်လုပ်မှာ မဟုတ်ဘူး ဆိုတာပါပဲ။ နောက်ထပ် သေချာတာတစ်ခုက အာဆင်နယ်အပေါ်ထားတဲ့ သံယောဇဉ်ဟာ ကျွန်တော့်ရဲ့ နောက်ဆုံးအချိန်အထိ ဆက်ရှိသွားမှာပါ” ဟု အာဆင်ဝင်ဂါးက ယမန်နေ့တွင် ပြောကြားခဲ့သည်။

Ref: Goal