ဒီဇင်ဘာ ၁၂၊ ၂၀၁၅
M-Media
– သဘာဝ ဓာတ်မြေသြဇာအဖြစ် အသုံးပြုသည့် မြေဆီမြေနှစ်များတွင် တွေ့ရသည့် တီကောင် ဥများကို ရှာဖွေဖော်ထုတ်ရာတွင် အကူအညီဖြစ်စေမည့် နည်းလမ်းတစ်ခုကို ဆော်ဒီကျောင်းသူတစ်ဦးက ရှာဖွေတွေ့ရှိခဲ့သည်ဟု သြစတေးလျရှိ ဆော်ဒီယဉ်ကျေးမှုဌာန SACM က ကြေငြာလိုက်သည်။
ဘက်စ်မာ ခါလက်ဖ်ဆိုသူဖြစ်ပြီး ၎င်းရှာဖွေတွေ့ရှိခဲ့သည့် နည်းလမ်းအသစ်က အဆိုပါဥများကို မြင့်မားသောနှုန်းဖြင့် ဖော်ထုတ်နိုင်မည်ဖြစ်ကာ မြေဆီမြေနှစ်များတွင် တီကောင်များအား လွယ်ကူလျင်မြန် တိကျစွာ ရှာဖွေ သိရှိနိုင်မည်ဖြစ်သည်။
“အဲဒီလေ့လာမှုဟာ ဇီဝဓာတ်မြေသြဇာတွေကို သိုလှောင်တဲ့နေရာမှာ အသုံးပြုရတဲ့အချိန်ကို လျော့ချနိုင်မှာပါ။ အဲဒီလို လျော့ချနိုင်တာကြောင့် သိုလှောင်မှု ကုန်ကျစားရိတ်ကို လျော့ကျစေမည်ဖြစ်ပြီး စိုက်ပျိုးရေးအတွက် လိုအပ်တဲ့ အဟာရဓာတ်တွေကိုလည်း မြင့်တက်စေမှာဖြစ်ပါတယ်” ဟု ဘက်စ်မာက ပြောကြားခဲ့သည်။
“ဒီရလဒ်ဟာ ဇီဝဓာတ်မြေသြဇာတွေကို အကျိုးရှိစွာအသုံးချရေး အစိုးရရဲ့ ပေါ်လစီကို အထောက်အကူ ဖြစ်စေမှာဖြစ်ပြီး စီးပွားရေး၊ သဘာဝပတ်ဝန်းကျင်နဲ့ လူမှုရေးတွေမှာ အကျိုးသက်ရောက်မှုတွေ ရှိမှာဖြစ်ပါတယ်”
ဘက်စ်မာမှာ သြစတေးလျရှိ RMIT တက္ကသိုလ်တွင် ဇီဝဗေဒနှင့် ဇီဝနည်းပညာဘာသာရပ်များဖြင့် Ph.D တက်ရောက်နေသူဖြစ်ပြီး သူမ၏ တွေ့ရှိချက်ကို ယခုနှစ်အစောပိုင်းတွင် International Water Association ဂျာနယ်၌ ဖော်ပြခြင်း ခံခဲ့ရသည်။
“ကျွန်မရဲ့ Ph.D လေ့လာမှုမှာ မြေဆီမြေနှစ်တွေကို ခွဲခြမ်းစိတ်ဖြာရတာကြောင့် ကျွန်မရဲ့ တွေ့ရှိမှုကို မြေဆီမြေနှစ်စီမံရေး အသင်းအဖွဲ့တွေနဲ့ သုတေသနအဖွဲ့တွေကို မျှဝေပေးနိုင်ခဲ့ပါတယ်။ ဒီစီမံကိန်းနဲ့ ဆက်စပ်ပြီး တစ်စိတ်တစ်ပိုင်း ပါဝင်ရတာကိုလည်း ကျွန်မ ကျေနပ်မိပါတယ်” ဟု ဘက်စ်မာက ထည့်သွင်းပြောကြားခဲ့သည်။
South East Water နှင့် ALS Water Resources Group တို့အပါအ၀င် သြစတေးလျရှိ ပူးပေါင်းဆောင်ရွက်ရေး အဖွဲ့များမှာ ဘက်စ်မာ၏ အဆိုပါတွေ့ရှိချက်ကို အသိအမှတ်ပြုခဲ့ပြီး သူမ၏ ထိုနည်းလမ်းအတွက် ပူးပေါင်းဆောင်ရွက်ရန်နှင့် လေ့လာဆန်းစစ်မှုများ ပြုလုပ်ရန်လည်း တိုက်တွန်းခဲ့သည်။
Ref: Arabnews
Leave a Reply
You must be logged in to post a comment.