ဒီဇင်ဘာ ၁၃၊ ၂၀၁၅
M-Media
– ယခုရာသီတွင် ခြေစွမ်းကောင်းများပြသနေသည့် လက်စတာအသင်း၏ ဂိုးသွင်းစက် ဂျာမီဗာဒီမှာ မည်သည့်အသင်းတွင်မဆို အောင်မြင်နိုင်သည့်စွမ်းရည် ရှိနေသည်ဟု ချယ်ဆီးနည်းပြ မော်ရင်ဟိုက ချီးကျူးပြောဆိုလိုက်သည်။
ပရီးမီးယားလိဂ်တွင် သွင်းဂိုး ၁၄ ဂိုဖြင့် ဂိုးသွင်းအများဆုံးစာရင်းကို ဦးဆောင်ထားသည့် ဗာဒီမှာ ၁၁ ပွဲဆက်တိုက် ဂိုးသွင်းနိုင်ခဲ့ကာ စံချိန်သစ်ကိုလည်း တင်ထားနိုင်သူဖြစ်သည်။ လက်ရှိအချိန်တွင် ၎င်းအား ခေါ်ယူရန် အသင်းကြီးများက စိတ်ဝင်စားလျက် ရှိနေသည်။
“သူက ဂိုးသွင်းဘုရင်ပါ။ ကလပ်အသင်းတွေက သူ့ကိုလိုချင်တာက သဘာဝပါပဲ။ အသင်းကြီးတွေမှာတောင်မှ အကူးအပြောင်းကာလဟာ အရေးကြီးတယ်။ လျင်မြန်တဲ့ ကစားသမားတွေကလည်း အရေးကြီးတယ်။ ပြီးတော့ ခံစစ်ကစားသမားတွေနောက်က နေရာလွတ်ရှာနိုင်တဲ့ တိုက်စစ်မှူးတွေကလည်း အရေးကြီးပါတယ်။ အသင်းကြီးတွေမှာဆို ပြိုင်ဘက်တွေက ခံစစ်သသ်သက်ကြီးပဲ ကစားတာကို ကြုံတွေ့ရတာကြောင့် ဧရိယာအတွင်းမှာ နည်းစနစ်ပိုင်းနိုင်တဲ့ ကစားသမားတွေကို များများစားစား လိုအပ်ပါတယ်။ ဒါပေမယ့် ရည်မှန်းချက်ကြီးပြီး လျင်မြန်တဲ့ကစားသမားကတော့ ဘယ်နေရာပဲရောက်ရောက် အောင်မြင်မှာပါပဲ” ဟု မော်ရင်ဟိုက ပြောကြားခဲ့သည်။
ချယ်ဆီးမှာ တနင်္လာနေ့တွင် လက်စတာအသင်းအား အဝေးကွင်းတွင် သွားရောက်ရင်ဆိုင်ရမည်ဖြစ်သည်။
Ref: Goal
Leave a Reply
You must be logged in to post a comment.