News @ M-Media

တစ်ကျော့ပြန်အိပ်မက်အတွက် ပါတိုက ချယ်ဆီးကို ကျေးဇူးတင်

ဇန်န၀ါရီ ၃၀၊ ၂၀၁၆
M-Media

pato 1

– ဥရောပသို့ လာရောက်ကစားလိုသည့် မိမိ၏အိပ်မက်ကို အကောင်အထည်ဖော်ပေးခဲ့သည့်အတွက် ချယ်ဆီးအား ကျေးဇူးတင်မိသည်ဟု ဘရာဇီးလ်တိုက်စစ်မှူးသစ် ပါတိုက ပြောကြားလိုက်သည်။

ချယ်ဆီးမှာ ပါတိုအား ဘရာဇီးလ်ကလပ် ကိုရင်သီယန်အသင်းမှ ရာသီကုန်အထိ ၆ လအငှားစာချုပ်ဖြင့် ခေါ်ယူလိုက်ပြီး ယမန်နေ့တွင် အပြီးသတ် စာချုပ်ချုပ်နိုင်ခဲ့သည်။ ပါတိုမှာ လူငယ်ဘ၀က အေစီမီလန်အသင်းတွင် ခြေစွမ်းကောင်းများ ပြသခဲ့သော်လည်း နောက်ပိုင်း ခြေစွမ်းကျဆင်းမှုကြောင့် ဘရာဇီးလ်သို့ ပြန်လည်ရောက်ရှိခဲ့ခြင်းဖြစ်သည်။

ယခုတွင်မူ ၎င်း၏ ဥရောပသို့ လာရောက်ချင်သည့်ဆန္ဒ ပြည့်ဝသွားသည့်အတွက် မိသားစုနှင့် ချယ်ဆီးအသင်းတို့အား ကျေးဇူးတင်ခဲ့သည်။

“ကြီးကျယ်ပြီး၊ ထူးရှယ်ကလပ်က ကစားသမားတစ်ယောက် ဖြစ်လာတဲ့အတွက် ဒီနေ့ ကျွန်တော် အရမ်းပျော်ပါတယ်။ ဥရောပကိုပြန်လာပြီး ကစားဖို့အိပ်မက်ကို ကျွန်တော် ဘယ်တုန်းကမှ မစွန့်လွှတ်ခဲ့ပါဘူး။ ဒီအိပ်မက် အမှန်တကယ်ဖြစ်လာအောင် ချယ်ဆီးက ကျွန်တော့ကို ကူညီလိုက်တာပါ။ ကျွန်တော့်မိသားစု၊ ချယ်ဆီးအသင်းနဲ့ ပရိတ်သတ်တွေရဲ့ထောက်ခံအားပေးမှုကို ကျွန်တော် ကျေးဇူးအများကြီး တင်ပါတယ်။ ဒီနေ့ကတော့ ပျော်ရွှင်ဖွယ်ရာနေ့ပါပဲ” ဟု ပါတိုက ၎င်း၏ Instagram စာမျက်နှာတွင် ရေးသားခဲ့သည်။

Ref: Goal

Comments

Leave a Reply