ဖေဖော်ဝါရီ ၂၇၊ ၂၀၁၆
M-Media
– ကမ္ဘာ့ဘောလုံးအဖွဲ့ချုပ် ဖီဖာ၏ ဥက္ကဌအဖြစ် ယူအီးအက်ဖ်အေ၏ အထွေထွေအတွင်းရေးမှူးဖြစ်သူ ဂီယန်နီ အင်ဖန်တီနိုမှာ ရွေးကောက်တင်မြှောက်ခံခဲ့ရသည်ဟု သိရသည်။
ယမန်နေ့က ပြုလုပ်ခဲ့သည့် မဲပေးမှု ဒုတိယအကျော့တွင် ဆွစ်ဇာလန်နိုင်ငံသား အင်ဖန်တီနိုမှာ စုစုပေါင်း ထောက်ခံမဲ ၁၁၅ မဲ ရရှိခဲ့ပြီး အဖွဲ့ဝင် ၂၀၇ ဦးရှိသည့် ဖီဖာတွင် လိုအပ်သော မဲအရေအတွက် ၁၀၄ မဲထက် ပို၍ ရရှိခဲ့ခြင်းဖြစ်သည်။ ထို့ကြောင့် ၎င်းမှာ ၂၀၁၉ ခုနှစ်အထိ ဖီဖာဥက္ကဌအဖြစ် တာဝန်ထမ်းဆောင်ရမည်ဖြစ်သည်။
အခြားရေးပန်းစားသူ တစ်ဦးဖြစ်သည့် ဘာရိန်းနိုင်ငံမှ ရှိခ် ဆလ်မန် ဘင် အီဘရာဟင် အလ် ခါလီဖာမှာ ၈၈ မဲ ရရှိခဲ့ သည်။ ဂျော်ဒန်နိုင်ငံမှ အိမ်ရှေ့မင်းသား အလီ ဘင် အလ် ဟူစိန်ကမူ ၄ မဲသာ ရရှိခဲ့ပြီး ပြင်သစ်မှ ဂျယ်ရိုမီ ရှမ်ပိန်က မဲ မရခဲ့ပေ။ အသက် ၄၅ နှစ်အရွယ်ရှိပြီး ရှေ့နေဟောင်းဖြစ်သူ အင်ဖန်တီနိုမှာ ၎င်းအား မဲပေးသူများကို ကျေးဇူးတင်ကြောင်း ပြောကြားခဲ့သည်။
“ဖီဖာရဲ့ပုံရိပ် ပြန်ကောင်းအောင်နဲ့ လေးစားမှုပြန်ရောက်အောင် ကျွန်တော်တို့ ဆောင်ရွက်သွားမှာပါ။ ကမ္ဘာတစ်ဝှမ်းက လူတိုင်း ကျွန်တော်တို့ကို လေးစားလာကြပါလိမ့်မယ်။ ခင်ဗျားတို့အားလုံးရဲ့ ဥက္ကဌ ဖြစ်ချင်ပါတယ်။ အခုအချိန်ဟာ ဘောလုံးလောကကို ပြန်လည်အဖတ်ဆယ်ဖို့ အချိန်ပါပဲ။ ဖီဖာဟာ ခက်ခဲတဲ့အချိန်တွေနဲ့ ပြဿနာတွေကို ဖြတ်သန်းခဲ့ပြီးပါပြီ။ ဒါတွေက ပြီးဆုံးသွားပါပြီ။ လေးစားမှုပြန်ရအောင် ကျွန်တော်တို့ ကြိုးစားရမှာဖြစ်ပြီး ဘောလုံးဆိုတဲ့ အံ့သြဖွယ် အားကစားနည်းကို ပြန်လည် အာရုံစိုက်ရပါမယ်” ဟု ဥက္ကဌအဖြစ် ရွေးချယ်ခံရပြီးနောက် အင်ဖန်တီနိုက ပြောကြားခဲ့သည်။
အန်ဖန်တီနိုမှာ ပထမကျော့ မဲပေးမှုကတည်းက ၈၈ မဲဖြင့် ဦးဆောင်ခဲ့ခြင်းဖြစ်သည်။
Ref: Aljazeera
Leave a Reply
You must be logged in to post a comment.