?ဒုက္ခသည်စခန်းမှ ဇွဲသတ္တိရှင်ကျောင်းသား၊သူများ?

ဧပြီ ၁၈ ၊ ၂၀၁၆
Dr-ကိုကိုကြီး ရေးသည်။
.
ဒီနေ့မနက် ၁၀ နာရီလောက်မှာပါ
ကျွန်တော့်စာရေး စားပွဲပေါ်ကဖုန်းသံမြည်လာလို့
ကောက်ကိုင်လိုက်ပါတယ်…
.
ဟယ်လို…ကျွန်တော်ကိုကိုကြီးပါ
ဟုတ်ကဲ့….ကျွန်တော် ဆရာဦးမြလွင်ပါ
ရခိုင်ပြည်နယ်၊ ကျောက်ဖြူမြို့
ကျောက်တစ်လုံးတောင် ဒုက္ခသည် စခန်းက
ကျောင်းအုပ်ဆရာကြီးပါလို့ပြောရင်း….
.
ဖုန်းသံတစ်မိနစ်လောက် တိတ်ဆိတ်သွားပါတယ်
ပြီးမှ ကြေမွအက်ကွဲနေတဲ့ငိုသံနဲ့
ဆရာတို့ကိုကျေးဇူးတင်စကားလေးပြောချင်လို့ပါ
ဆရာတို့လိုကူညီခဲ့သူ အားလုံးကို ကျေးဇူးတင်ပါတယ်
အရမ်းကို အရမ်းကို ကျေးဇူးတင်ပါတယ်။
.
ဆရာတို့အားလုံးရဲ့ ပံ့ပိုးကူညီခဲ့မှုရယ်
ကလေးတွေအားလုံးရဲ့ ကြိုးစားမှုရယ်
ကျွန်တော့်ရဲ့ ဆရာ၊ ဆရာမတွေရဲ့ပင်ပန်းခံမှုတွေရဲ့
အသီးအပွင့်အဖြစ် ဒီနှစ် ဒုက္ခသည် စခန်းမှ
အဋ္ဌမတန်းဝင်ရောက်ဖြေဆိုသူ၊ ၁၂ ဦးအနက်
၁၁ ဦးအောင်မြင်ခဲ့ပါတယ်၊ အောင်ချက် ရာနှုန်း
အကောင်းဆုံးကျောင်းဖြစ်ခဲ့ပါတယ်ဆရာ။
ကျန်တဲ့အတန်းတွေက ကျောင်းသား၊ကျောင်းသူ
တွေလည်း ရာနှုန်းပြည့် နီးပါးအောင်ကြပါတယ်ဆရာ။
.
ကျွန်တော်ဝမ်းသာလွန်းလို့ မနက်ကလည်းငိုပါတယ်
အခုလည်းငိုနေပါတယ်ဆရာ….
.
ဆရာဦးမြတ်ဦးမြတ်လွင်ရယ် ဝမ်းသာလွန်းလိုကျတဲ့
မျက်ရည် ငရဲမီးကိုတောင်ငြိမ်းနိုင်ပါတယ်….ဆရာ
အခုကျွန်တော်လည်း ဆရာစကားကြောင့်
ဝမ်းသာ မျက်ရည်ကျနေရပါပြီဆရာ….လို့ဝမ်းနည်း
ဝမ်းသာပြန်ပြောခဲ့ပါတယ်။
.
၎ နှစ်တာဆိုတဲ့ကာလကို
ဆန်ကြမ်းနဲ့ပဲကိုစား၊ မြောင်းရေ ကိုသောက်၊
တဲစုတ်မှာနေ ၊ သူများလှူတာကိုဝတ်ပြီး
ကလေးတွေကိုဒုက္ခခံပြီး ပညာသင်ကြားပေးခဲ့ကြတဲ့
ဆရာကြီးနဲ့တကွ ဆရာ၊ဆရာမတွေ
ကြိုးစားသင်ယူခဲ့ကြတဲ့ကျောင်းသား၊ ကျောင်းသူ ငယ်တွေရဲ့

ဇွဲကို ကျွန်တော်အလေးအမြတ်ပြုပါ၏။
သတ္တိကို ကျွန်တော်အလေးအမြတ်ပြုပါ၏။
သည်းခံနိုင်စွမ်းကို ကျွန်တော်အလေးအမြတ်ပြုပါ၏။
.
အို….ကိုယ်တော်အသျှင်မြတ် သူတို့ရဲ့ဘဝနဲ့ဒုက္ခကို
ပယ်တော်မူပါ။……….အာမိန်း။
.
မေတ္တာဖြင့်
ဒေါက်တာကိုကိုကြီး
.
မှတ်ချက်။ ။ ဆရာကြီးဦးမြတ်လွင်ရဲ့ခွင့်ပြုလျက်အရ
ဒီဂုဏ်ပြု ပို့စ်လေးကို ရေးဖြစ်ပါတယ်။
=========================
ရခိုင်ပြည်အနှံအပြား ဖြစ်ပွားခဲ့သည့် အကြမ်းဖက်မှုများအနက်
၂၀၁၂ ခုနှစ် အောက်တိုဘာလတွင် ဖြစ်ပွားခဲ့သော အကြမ်းဖက်မှုများကြောင့်
ကျောက်ဖြူမြို့မှ ကမန်တိုင်းရင်းသားများ အပါအဝင် အစ္စလာမ်ဘာသာဝင်များမှာ
ဒုက္ခသည် စခန်းသို့ ရောက်ရှိခဲ့ရပြီး လူပေါင်း ၁၂၀၀ ကျော်မှာ
မိမိတို့ နေအိမ်များသို့ ပြန်ခွင့်မရသေးဘဲ ယခု အဆိုပါ ကျောက်တလုံးတောင် ဒုက္ခသည်စခန်းတွင်
နေထိုင်နေရသည်မှာ ၃ နှစ် ကျော်ရှိပြီ ဖြစ်ပါသည်။

===========================
M-Media သို့ စာမူများပေးပို့လိုလျင် editor@m-mediagroup.com သို့ ဆက်သွယ်နိုင်ပါသည်။